Note 51 — Chapter III · Demons and Familiars
Reading edition
Omnes theologi loquuntur de congressu cum dæmone in forma uiri, mulieris aut alicuius bestiæ apparente, uel ut præsente per imaginationem repræsentato, dicuntque tale peccatum ad genus bestialitatis reuocandum esse, et specialem habere malitiam in confessione declarandam, scilicet superstitionem in pacto cum dæmone consistentem. In hoc igitur scelere duæ necessario reperiuntur malitiæ, una contra castitatem, et altera contra uirtutem religionis. Si quis ad dæmonem sub specie uiri apparentem affectu sodomitico accedat, tertia est species peccati, ut patet. Item si sub specie consanguineæ aut mulieris conjugatæ fingatur apparere, adest species incestus uel adulterii; si sub specie bestiæ, adest bestialitas.