CLXI.
Reading edition
I’LL AY CA’ IN BY YON TOWN.
Tune—“I’ll gae nae mair to yon town.”
[Jean Armour inspired this very sweet song. Sir Harris Nicolas says it is printed in Cromek’s Reliques: it was first printed in the Museum.]
I.
I’ll ay ca’ in by yon town, And by yon garden green, again; I’ll ay ca’ in by yon town, And see my bonnie Jean again. There’s nane sall ken, there’s nane sall guess, What brings me back the gate again; But she my fairest faithfu’ lass, And stownlins we sall meet again.
II.
She’ll wander by the aiken tree, When trystin-time draws near again; And when her lovely form I see, O haith, she’s doubly dear again! I’ll ay ca’ in by yon town, And by yon garden green, again; I’ll ay ca’ in by yon town, And see my bonnie Jean again.