SLUMBER SONG.
Reading edition
Gae to sleep, my bonnie baby, Gae to sleep, my bairn, an’ dream; Shadows thro’ the pines are creeping, Lilies on the wimplin’ stream Noo are rockin’, rockin’, rockin’; A’ their snawy besoms gleam Wi’ the gold o’ starlight folded In their hearts to light their dream. Sae may luve my kisses gi’e you On your dainty lips to-night, Wi’ the tenderness o’ roses; Bless your dreams; guid-night, guid-night! Gae to sleep, then, bonnie babie, Gae to sleep, my bairn, and dream, While the lily-buds are rockin’, Rockin’, rockin’ on the stream.