Volume 152 — SCOTLAND YET.
Reading edition
[Dr. GEORG BIEDENKAPP, writing in the Münchner Neueste Nachrichten, says that if you examine any famous "Englishman" you find that he really comes from Scotland, to which country he assigns a place with Suabia, Thuringia, and the Hartz Mountains as "a cradle of Kultur and a fountain of first-class genius."]
Man Sandy, here's a German Hun Wha thinks he's on a track That nane hae trodden, having fun' A new an' stairtlin' fac'; A' English thocht he doots is nocht, An' English ways are henious, But ah, says he, in Scotland see The hame o' first-class genius. New? Why, my feyther kent it fine, An', Sandy, I'll be sworn The knowledge o' the fac' was mine Or ever I was born; If there be ane wad daur maintain The truth is still to settle, I haena met the madman yet In bonny braw Kingskettle. Ay, yon's a truth that's kent fu' weel In ilka but an' ben; But I could teach the German chiel A truth he doesna ken; Gin ye would find the hame o' mind An' intellectual life, man, Ye needna look far frae the Nook, The bonny Nook o' Fife, man. Whaur did our good EX-PREMIER go Whene'er he wished to swank? To Lunnon? Edinburgh? No! He cam' to Ladybank; Nae doot he thocht if there was ocht Would put him on his mettle 'Twas meetin' men o' brain, ye ken, Like us frae auld Kingskettle. Fleet Street is fu' o' Fifers tae; The Cockneys want the views O' men like JOCK MCFARLANE frae The Crail and Cupar News; For if a chiel can write sae weel That you an' me will read him, Why, man, withoot a shade o' doot Lunnon is sure to need him. Then tak' the Army. What d'ye see? Wha's chief? Nae need to tell That DOUGLAS HAIG is prood to be A Fifer like mesel'; An' weel he may, for truth to say There's something aye aboot us: In ilka trade they want oor aid— They canna win withoot us.
Wedding Fashions, B.C.
"The bridesmaid was attired in pink carnations."—"Daily Colonist," Victoria, British Columbia.
