C. CHARTER OF PROTECTION GRANTED TO THE PRIOR AND CONVENT OF HEXCELDSHAM. Page 19.
Reading edition
C. CHARTER OF PROTECTION GRANTED TO THE PRIOR AND CONVENT OF HEXCELDSHAM. Page 19.
“Andreas de Moravia et Willelmus Wallensis, Duces exercitûs Scotiæ, nomine præclari Principis Domini Johannis, Dei gratiâ, Regis Scotiæ illustris, de consensu communitatis regni ejusdem, omnibus hominibus dicti regni ad quos præsentes literæ pervenerint, salutem. Sciatis, nos, nomine dicti Regis, Priorem et Conventum de Hexhildesham in Northumbria, terras suas, homines suos, et universas eorum possessiones, ac omnia bona sua, mobilia et immobilia, sub firma pace et protectione ipsius Domini Regis, et nostra, justè suscepisse. Quare firmiter prohibemus, ne quis eis in personis, terris, seu rebus, malum, molestiam, injuriam, seu gravamen aliquod, inferre præsumat, super plenaria forisfactura ipsius Domini Regis, aut mortem eis, vel alicui eorum, inferat, sub pœna amissionis vitæ et membrorum; præsentibus post annum minimè valeturis. Dat. apud Hexhildesham, vii. die Novembris.”—W. Hemingford, t. i. p. 135.95