Note 206 — CAROLI BERTRAMI LONDINENSIS NOTÆ in CAP. I. et II. LIBRI PRIMI BRITANNIÆ ROMANÆ RICARDI MONACHI.
Reading edition
Nostra autem ætas ex multis multorum itineribus certam quodammodo totius insulæ jam deprehendit dimensionem, a Tarvisio enim circumactis curvatisque littoribus per occasum ad Belerium plus minus DCCCXII mill. pass. numerantur, inde conversa in austrum littoris fronte ad Cantium CCCXX mill. pass. Hinc secundum Germanicum mare angulosis recessibus per DCCIIII. mill. pass. ad Tarvisium protenditur, ut hac ratione totius insulæ ambitus MDCCCXXXVI. mill. colligat. Brit. p. 2. id est, 2140 milliaria Regia Statutaria.