Chinook Hymns.
Thomas Crosby translation
38 ARISE MY SOUL ARISE.
1 Get up nika tumtum, Mash mika ma-sat-chie, Jesus yahka pilpil Ma-kook nika tumtum, Yahka mit-lite kopa saghalie, Nika nem tzum kopa yahka le-mah.
2 Jesus mit-lite sagh-alie Ma-mook kla-how-yum nika. Yahka delate tik-ke Kopa kon-away klax-ta. Nika kum-tux Jesus pilpil Wash konaway-klaxta tumtum.
3 Jesus kwansum yahka pray Kopa yahka Papa, Spose mamook klahowyum nika Kopa nika tumtum, ‘Halo mika sollex Papa’, Kwansum Jesus yahka waw-waw.
39 HAVE YOU BEEN TO JESUS.
1 Spose mika tik-ke klap klosh tumtum, Mika wash kopa Jesus pilpil; Alkie mika klosh kopa kon-away sun, Mika wash kopa Jesus pilpil.
Mika wash, mika wash, Mika wash kopa Jesus pilpil; Mamook halo masat-chie kopa mika tumtum Mika wash kopa Jesus pilpil.
2 Spose mika tikke koolie kopa Jesus way-hut, Yahka tikke mika kwansum koolie delate.
40 WHAT CAN WASH AWAY MY STAIN.
1 Ikta kumtux mash siah Konaway nesika masat-chie, Ikta kumtux mamook delate Konaway nesika tumtum.
Kopet Jesus pilpil Wash nika kaw-kwa snow; O hyas klosh pilpil, Halo hul-oima ikta.
2 Ikta mamook Jesus mash An-kutte yahka pilpil? Yahka tikke mamook delate Konaway nesika tumtum.
41 NOW THE CHAINS OF SIN ARE BROKEN.
1 Alta nika kopet masat-chie, Alta klosh nika tumtum; Jesus, yahka waw-waw klosh Kopa nika sick tumtum.
Hallelujah! hallelujah! Jesus memaloost kopa nika; Hallelujah! hallelujah! Jesus hyas tikke nika.
2 Nika kwo-lan klosh waw-waw Kopa Jesus nika Savior, Yahka potlatch klosh tumtum Kopa konaway-klaxta.
42 SWEET BY-AND-BYE.
1 Nika kumtux ikt klosh illahie, Kah Jesus, nesika Savior, mitlite; Yahka mamook klahowyum nesika, Yahka kwansum klosh-nanitsh nesika.
Alkie chako klosh nesika tumtum, Kahta-laylie nesika chako saghalie-illahie.
2 Nesika sing kopa saghalie illahie, Halo chako sick tumtum nesika, Nesika praise nesika Saghalie Papa, Yahka potlatch konaway-iktah kopa nesika
43 THERE IS A HAPPY LAND.
1 Mit-lite klosh illahie, Siah, siah; Kah mit-lite klosh tilikum, Siah, siah; Oh, konaway-klaxta sing, Jesus Christ, nesika King, Hyas nesika sing, Kwansum, kwansum.
2 Klosh chako okook sun, Chako, chako; Ikta kwansum moxt tumtum? Chako, chako; Alkie nesika klosh, Konamoxt mika Jesus, Kah halo sick-tumtum, Kwansum delate.
3 Mit-lite klosh illahie, Kopa saghalie; Halo klaxta sick yahwa, Halo memaloost; Oh, kwansum klosh tumtum, Kwansum, kwansum konaway-sun, Oh, kwansum klosh tumtum Kopa saghalie.
44 CHORUSES
1 Follow, follow, I will follow Jesus.
Kimta, kimta, nika kimta Jesus, Kahta koolie, konaway-kah nika konamoxt; Kimta, kimta, nika kimta Jesus, Kahta yaka elip koolie nika kimta.
2 Tell it to Jesus.
Klosh mika waw-waw, klosh mika waw-waw Kopa Jesus, mika delate tilikum; Halo huloima tilikum kawkwa Jesus, Klosh mika waw-waw kopa yaka.
3 Help me, dear Savior, Thee to own.
Oh, Jesus, klosh spose mika help, Nika wake skookum alta; Klosh mamook haul nika konamoxt Mika, kopa saghalie.