TO M——, ON HER BIRTHDAY.
Reading edition
WITH A CHESS-BOARD.
Your turn to move again, dear, I’ the gude auld game ca’d Life; It’s a warstle o’ joy an’ pain, dear, A mixin’ o’ lauchter an’ strife. An’ I fain wad be yer knight, dear, To serve ye the livelong day; Ready in armor to fight, dear, To live or to dee, as ye say. Near at han’ i’ the gloamin’ I’d bide, dear, I’ saddle at gray o’ dawn— Na, na, I’m no worthy to ride, dear, Lat me be the White Queen’s pawn!
