Note 131 — BOOK I.—THE SOURCE (continued 2)
Henri Van Laun translation
Extract from the account of the proceedings at Arthur's coronation given by Layamon, in his translation of Wace, executed about 1180. Madden's "Layamon," 1847, II. p. 625 et passim: Tha the king igeten hafde And al his mon-weorede, Tha bugen ut of burhge Theines swithe balde. Alle tha kinges, And heore here-thringes. Alle tha biscopes, And alle tha clærckes, All the eorles, And alle tha beornes. Alle the theines, Alle the sweines, Feire iscrudde, Helde geond felde. Summe heo gunnen æruen, Summe heo gunnen urnen, Summe heo gunnen lepen, Summe heo gunnen sceoten, Summe heo wræstleden And wither-gome makeden, Summe heo on uelde Pleouweden under scelde, Summe heo driven balles Wide geond tha feldes. Monianes kunnes gomen Ther heo gunnen driuen. And wha swa mihte iwinne Wurthscipe of his gomene, Hine me ladde mid songe At foren than leod kinge; And the king, for his gomene, Gaf him geven gode. Alle tha quene The icumen weoren there. And alle tha lafdies, Leoneden geond walles. To bihalden the dugethen. And that folc plæie. This ilæste threo dæges, Swulc gomes and swulc plæges, Tha, at than veorthe dæie The king gon to spekene And agæf his goden cnihten All heore rihten; He gef seolver, he gæf gold, He gef hors, he gef lond, Castles, and clœthes eke; His monnen he iquende.