Note 108 — BOOK I.—THE SOURCE (continued 2)
Henri Van Laun translation
Robert Wace, "Roman du Rou" Taillefer ki moult bien cantout Sur un roussin qui tot alout Devant li dus alout cantant De Kalermaine e de Rolant, E d'Oliver et des vassals Ki moururent à Roncevals. Quant ils orent chevalchié tant K'as Engleis vindrent aprismant: "Sires! dist Taillefer, merci! Je vos ai languement servi. Tut mon servise me debvez, Hui, si vos plaist, me le rendez Por tout guerredun vos requier, Et si vos voil forment preier, Otreiez-mei, ke jo n'i faille, Li primier colp de la bataille." Et li dus répont: "Je l'otrei." Et Taillefer point à desrei; Devant toz li altres se mist, Un Englez féri, si l'ocist. De sos le pis, parmie la pance, Li fist passer ultre la lance, A terre estendu l'abati. Poiz trait l'espée, altre féri. Poiz a crié: "Venez, venez! Ke fetes-vos? Férez, férez!" Done l'unt Englez avironé, Al secund colp k'il ou doné.