Volume 4 / Book 4 — BOOK IV. (continued.)

In London was young Beichan born, He longed strange countries for to see; But he was taen by a savage moor, Who handled him right cruellie; For he viewed the fashions of that land;5 Their way of worship viewed he; But to Mahound, or Termagant, Would Beichan never bend a knee. So in every shoulder they've putten a bore; In every bore they've putten a tree;10 And they have made him trail the wine And spices on his fair bodie. They've casten him in a dungeon deep, Where he could neither hear nor see; For seven years they kept him there,15 Till he for hunger's like to die. This Moor he had but ae daughter, Her name was called Susie Pye; And every day as she took the air, Near Beichan's prison she passed by.20 O so it fell, upon a day She heard young Beichan sadly sing; "My hounds they all go masterless; My hawks they flee from tree to tree; My younger brother will heir my land;25 Fair England again I'll never see!" All night long no rest she got, Young Beichan's song for thinking on; She's stown the keys from her father's head, And to the prison strong is gone.30 And she has open'd the prison doors, I wot she open'd two or three, Ere she could come young Beichan at, He was locked up so curiouslie. But when she came young Beichan before,35 Sore wonder'd he that may to see; He took her for some fair captive;— "Fair Lady, I pray, of what countrie?" "O have ye any lands," she said, "Or castles in your own countrie,40 That ye could give to a lady fair, From prison strong to set you free?" "Near London town I have a hall, With other castles two or three; I'll give them all to the lady fair45 That out of prison will set me free." "Give me the truth of your right hand, The truth of it give unto me, That for seven years ye'll no lady wed, Unless it be along with me."50 "I'll give thee the truth of my right hand, The truth of it I'll freely gie, That for seven years I'll stay unwed, For the kindness thou dost show to me." And she has brib'd the proud warder55 Wi' mickle gold and white monie; She's gotten the keys of the prison strong, And she has set young Beichan free. She's gi'en him to eat the good spice-cake, She's gi'en him to drink the blood-red wine; She's bidden him sometimes think on her,60 That sae kindly freed him out of pine. She's broken a ring from her finger, And to Beichan half of it gave she: "Keep it, to mind you of that love65 The lady bore that set you free. "And set your foot on good ship-board, And haste ye back to your own countrie; And before that seven years have an end, Come back again, love, and marry me."70 But long ere seven years had an end, She long'd full sore her love to see; For ever a voice within her breast Said, "Beichan has broke his vow to thee." So she's set her foot on good ship-board,75 And turn'd her back on her own countrie. She sailed east, she sailed west, Till to fair England's shore she came; Where a bonny shepherd she espied, Feeding his sheep upon the plain.80 "What news, what news, thou bonny shepherd? What news hast thou to tell to me?" "Such news I hear, ladie," he says, "The like was never in this countrie. "There is a wedding in yonder hall,85 Has lasted these thirty days and three; Young Beichan will not bed with his bride, For love of one that's yond the sea." She's put her hand in her pocket, Gi'en him the gold and white monie;90 "Hae, take ye that, my bonny boy, For the good news thou tell'st to me." When she came to young Beichan's gate, She tirled softly at the pin; So ready was the proud porter95 To open and let this lady in. "Is this young Beichan's hall," she said, "Or is that noble lord within?" "Yea, he's in the hall among them all, And this is the day o' his weddin."100 "And has he wed anither love? And has he clean forgotten me?" And, sighin', said that gay ladie, "I wish I were in my own conntrie." And she has taen her gay gold ring,105 That with her love she brake so free; Says, "Gie him that, ye proud porter, And bid the bridegroom speak to me." When the porter came his lord before, He kneeled down low on his knee——110 "What aileth thee, my proud porter, Thou art so full of courtesie?" "I've been porter at your gates, It's thirty long years now and three; But there stands a lady at them now,115 The like o' her did I never see; "For on every finger she has a ring, And on her mid finger she has three; And as meickle gold aboon her brow As would buy an earldom to me."120 Its out then spak the bride's mother, Aye and an angry woman was shee; "Ye might have excepted our bonny bride, And twa or three of our companie." "O hold your tongue, thou bride's mother;125 Of all your folly let me be; She's ten times fairer nor the bride, And all that's in your companie. "She begs one sheave of your white bread, But and a cup of your red wine;130 And to remember the lady's love, That last reliev'd you out of pine." "O well-a-day!" said Beichan then, "That I so soon have married thee! For it can be none but Susie Pye,145 That sailed the sea for love of me." And quickly hied he down the stair; Of fifteen steps he made but three; He's ta'en his bonny love in his arms, And kist, and kist her tenderlie.150 "O hae ye ta'en anither bride? And hae ye quite forgotten me? And hae ye quite forgotten her, That gave you life and libertie?" She looked o'er her left shoulder,145 To hide the tears stood in her e'e: "Now fare thee well, young Beichan," she says, "I'll try to think no more on thee." "O never, never, Susie Pye, For surely this can never be;150 Nor ever shall I wed but her That's done and dree'd so much for me." Then out and spak the forenoon bride,— "My lord, your love it changeth soon; This morning I was made your bride,155 And another chose ere it be noon." "O hold thy tongue, thou forenoon bride; Ye're ne'er a whit the worse for me; And whan ye return to your own countrie, A double dower I'll send with thee."160 He's taen Susie Pye by the white hand, And gently led her up and down; And ay as he kist her red rosy lips, "Ye're welcome, jewel, to your own." He's taen her by the milk-white hand,165 And led her to yon fountain stane; He's changed her name from Susie Pye, And he's call'd her his bonny love, Lady Jane.

But when he came Lord Jockey before, He kneeled lowly on his knee: "What news, what news, thou Tommy Pots, Thou art so full of courtesie?"

Young Bekie was as brave a knight As ever sail'd the sea; And he's doen him to the court o' France, To serve for meat and fee. He hadna been in the court o' France5 A twelvemonth nor sae lang, Till he fell in love wi' the king's daughter, And was thrown in prison strang. The king he had but ae daughter, Burd Isbel was her name;10 And she has to the prison gane, To hear the prisoner's mane. "O gin a lady wad borrow me, At her stirrup I wad rin; Or gin a widow wad borrow me,15 I wad swear to be her son. "Or gin a virgin wad borrow me, I wad wed her wi' a ring; I'd gi'e her ha's, I'd gi'e her bowers, The bonny towers o' Linne."20 O barefoot barefoot gaed she but, And barefoot cam she ben; It wasna for want o' hose and shoon, Nor time to put them on; But a' for fear that her father25 Had heard her makin' din; For she's stown the keys of the prison, And gane the dungeon within. And when she saw him, young Bekie, Wow, but her heart was sair!30 For the mice, but and the bald rattons, Had eaten his yellow hair. She's gotten him a shaver for his beard, A comber till his hair; Five hundred pound in his pocket,35 To spend, and nae to spare. She's gi'en him a steed was good in need, And a saddle o' royal bane; A leash o' hounds o' ae litter, And Hector called ane.40 Atween thir twa a vow was made, 'Twas made full solemnlie, That or three years were come and gane, Weel married they should be. He hadna been in's ain countrie45 A twelvemonth till an end, Till he's forced to marry a duke's daughter, Or than lose a' his land. "Ochon, alas!" says young Bekie, "I kenna what to dee;50 For I canna win to Burd Isbel, And she canna come to me." O it fell out upon a day Burd Isbel fell asleep, And up it starts the Billy Blin,55 And stood at her bed feet. "O waken, waken, Burd Isbel; How can ye sleep so soun'; When this is Bekie's wedding day, And the marriage gaing on?60 "Ye do ye till your mither's bower, As fast as ye can gang; And ye tak three o' your mother's marys, To haud ye unthocht lang. "Ye dress yoursel i' the red scarlet,65 And your marys in dainty green; And ye put girdles about your middle Wad buy an earldome. "Syne ye gang down by yon sea-side, And down by yon sea-strand;70 And bonny will the Hollans boats Come rowin' till your hand. "Ye set your milk-white foot on board, Cry, 'Hail ye, Domine!' And I will be the steerer o't,75 To row you o'er the sea." She's ta'en her till her mither's bower, As fast as she could gang; And she's ta'en twa o' her mither's marys, To haud her unthocht lang.80 She's drest hersel i' the red scarlet, Her marys i' the dainty green; And they've put girdles about their middle Would buy an earldome. And they gaed down by yon sea-side,85 And down by yon sea-strand; And sae bonny as the Hollans boats Come rowin' till their hand. She set her milk-white foot on board, Cried, "Hail ye, Domine!"90 And the Billy Blin was the steerer o't, To row her o'er the sea. Whan she cam to young Bekie's gate, She heard the music play; And her mind misgae by a' she heard,95 That 'twas his wedding day. She's pitten her hand in her pocket, Gi'en the porter markis three; "Hae, take ye that, ye proud porter, Bid your master speake to me."100 O whan that he cam up the stair, He fell low down on his knee: He hail'd the king, and he hail'd the queen, And he hail'd him, young Bekie. "O I have been porter at your gates105 This thirty years and three; But there are three ladies at them now, Their like I did never see. "There's ane o' them drest in red scarlet, And twa in dainty green;110 And they hae girdles about their middles Would buy an earldome." Then out and spak the bierdly bride, "Was a' goud to the chin; "Gin she be fine without," she says,115 "We's be as fine within." Then up it starts him, young Bekie, And the tear was in his e'e: "I'll lay my life it's Burd Isbel, Come o'er the sea to me."120 O quickly ran he down the stair; And whan he saw 'twas she, He kindly took her in his arms, And kist her tenderlie. "O hae ye forgotten now, young Bekie,125 The vow ye made to me, When I took you out of prison strang, When ye was condemned to die? "I gae you a steed was good in need, And a saddle o' royal bane;130 A leash o' hounds o' ae litter; And Hector called ane." It was weel kent what the lady said, That it was nae a lie; For at the first word the lady spak,135 The hound fell at her knee. "Tak hame, tak hame your daughter dear; A blessing gang her wi'; For I maun marry my Burd Isbel, That's come o'er the sea to me."140 "Is this the custome o' your house, Or the fashion o' your land, To marry a maid in a May morning, Send her back a maid at e'en?"

Near Edinburgh was a young child born, With a hey lillelu and a how lo lan; And his name it was called Young Hynd Horn, And the birk and the brume blooms bonnie. Seven lang years he served the King,5 With a hey lillelu and a how lo lan; And it's a' for the sake of his dochter Jean, And the birk and the brume blooms bonnie. The King an angry man was he, With a hey lillelu and a how lo lan;10 He sent young Hynd Horn to the sea, And the birk and the brume blooms bonnie. "O I never saw my love before, With a hey lillelu and a how lo lan; Till I saw her thro' an augre bore,15 And the birk and the brume blooms bonnie. "And she gave to me a gay gold ring, With a hey lillelu and a how lo lan; With three shining diamonds set therein, And the birk and the brume blooms bonnie.20 "And I gave to her a silver wand, With a hey lillelu and a how lo lan; With three singing laverocks set thereon, And the birk and the brume blooms bonnie. "What if those diamonds lose their hue,25 With a hey lillelu and a how lo lan; Just when my love begins for to rew, And the birk and the brume blooms bonnie?" "For when your ring turns pale and wan, With a hey lillelu and a how lo lan;30 Then I'm in love with another man, And the birk and the brume blooms bonnie." He's left the land, and he's gone to the sea, With a hey lillelu and a how lo lan; And he's stayed there seven years and a day,35 And the birk and the brume blooms bonnie. Seven lang years he has been on the sea, With a hey lillelu and a how lo lan; And Hynd Horn has looked how his ring may be, And the birk and the brume blooms bonnie.40 But when he looked this ring upon, With a hey lillelu and a how lo lan; The shining diamonds were both pale and wan, And the birk and the brume blooms bonnie. O the ring it was both black and blue,45 With a hey lillelu and a how lo lan; And she's either dead, or she's married, And the birk and the brume blooms bonnie. He's left the seas, and he's come to the land, With a hey lillelu and a how lo lan;50 And the first he met was an auld beggar man, And the birk and the brume blooms bonnie. "What news, what news, my silly auld man? With a hey lillelu and a how lo lan; For it's seven years since I have seen land,55 And the birk and the brume blooms bonnie. "What news, what news, thou auld beggar man? With a hey lillelu and a how lo lan; What news, what news, by sea or land? And the birk and the brume blooms bonnie."60 "No news at all," said the auld beggar man, With a hey lillelu and a how lo lan; "But there is a wedding in the King's hall, And the birk and the brume blooms bonnie. "There is a King's dochter in the West,65 With a hey lillelu and a how lo lan; And she has been married thir nine nights past, And the birk and the brume blooms bonnie. "Into the bride-bed she winna gang, With a hey lillelu and a how lo lan;70 Till she hears tell of her ain Hynd Horn, And the birk and the brume blooms bonnie." "Wilt thou give to me thy begging coat? With a hey lillelu and a how lo lan; And I'll give to thee my scarlet cloak,75 And the birk and the brume blooms bonnie. "Wilt thou give to me thy begging staff? With a hey lillelu and a how lo lan; And I'll give to thee my good gray steed, And the birk and the brume blooms bonnie."80 The auld beggar man cast off his coat, With a hey lillelu and a how lo lan; And he's ta'en up the scarlet cloak, And the birk and the brume blooms bonnie. The auld beggar man threw down his staff,85 With a hey lillelu and a how lo lan; And he has mounted the good gray steed, And the birk and the brume blooms bonnie. The auld beggar man was bound for the mill, With a hey lillelu and a how lo lan;90 But young Hynd Horn for the King's hall, And the birk and the brume blooms bonnie. The auld beggar man was bound for to ride, With a hey lillelu and a how lo lan; But young Hynd Horn was bound for the bride,95 And the birk and the brume blooms bonnie. When he came to the King's gate, With a hey lillelu and a how lo lan; He asked a drink for young Hynd Horn's sake, And the birk and the brume blooms bonnie.100 These news unto the bonnie bride came, With a hey lillelu and a how lo lan; That at the yett there stands an auld man, And the birk and the brume blooms bonnie. "There stands an auld man at the King's gate,105 With a hey lillelu and a how lo lan; He asketh a drink for young Hynd Horn's sake, And the birk and the brume blooms bonnie. "I'll go through nine fires so hot, With a hey lillelu and a how lo lan;110 But I'll give him a drink for young Hynd Horn's sake, And the birk and the brume blooms bonnie." She went to the gate where the auld man did stand, With a hey lillelu and a how lo lan; And she gave him a drink out of her own hand,115 And the birk and the brume blooms bonnie. She gave him a cup out of her own hand, With a hey lillelu and a how lo lan; He drunk out the drink, and dropt in the ring, And the birk and the brume blooms bonnie.120 "Got thou it by sea, or got thou it by land? With a hey lillelu and a how lo lan; Or got thou it off a dead man's hand? And the birk and the brume blooms bonnie." "I got it not by sea, but I got it by land,125 With a hey lillelu and a how lo lan; For I got it out of thine own hand, And the birk and the brume blooms bonnie." "I'll cast off my gowns of brown, With a hey lillelu and a how lo lan;130 And I'll follow thee from town to town, And the birk and the brume blooms bonnie. "I'll cast off my gowns of red, With a hey lillelu and a how lo lan; And along with thee I'll beg my bread,135 And the birk and the brume blooms bonnie." "Thou need not cast off thy gowns of brown, With a hey lillelu and a how lo lan; For I can make thee lady of many a town, And the birk and the brume blooms bonnie.140 "Thou need not cast off thy gowns of red, With a hey lillelu and a how lo lan; For I can maintain thee with both wine and bread, And the birk and the brume blooms bonnie." The bridegroom thought he had the bonnie bride wed,145 With a hey lillelu and a how lo lan; But young Hynd Horn took the bride to the bed, And the birk and the brume blooms bonnie.

"Hynd Horn fair, and Hynd Horn free, O where were you born, in what countrie?" "In gude greenwood, there I was born, And all my forbears me beforn. "O seven years I served the king,5 And as for wages, I never gat nane; But ae sight o' his ae daughter, And that was thro' an augre bore. "My love gae me a siller wand, 'Twas to rule ower a' Scotland;10 And she gae me a gay gowd ring, The virtue o't was above a' thing." "As lang's this ring it keeps the hue, Ye'll know I am a lover true; But when the ring turns pale and wan,15 Ye'll know I love another man." He hoist up sails, and awa' sail'd he, And sail'd into a far countrie; And when he look'd upon his ring, He knew she loved another man.20 He hoist up sails and home came he, Home unto his ain countrie; The first he met on his own land, It chanc'd to be a beggar man. "What news, what news, my gude auld man?25 What news, what news, hae ye to me?" "Nae news, nae news," said the auld man, "The morn's our queen's wedding day." "Will ye lend me your begging weed, And I'll lend you my riding steed?"30 "My begging weed will ill suit thee, And your riding steed will ill suit me." But part be right, and part be wrang, Frae the beggar man the cloak he wan; "Auld man, come tell to me your leed,35 What news ye gie when ye beg your bread." "As ye walk up unto the hill, Your pike staff ye lend ye till; But whan ye come near by the yett, Straight to them ye will upstep.40 "Take nane frae Peter, nor frae Paul, Nane frae high or low o' them all; And frae them all ye will take nane, Until it comes frae the bride's ain hand." He took nane frae Peter, nor frae Paul,45 Nane frae the high nor low o' them all; And frae them all he would take nane, Until it came frae the bride's ain hand. The bride came tripping down the stair, The combs o' red gowd in her hair;50 A cup o' red wine in her hand, And that she gae to the beggar man. Out o' the cup he drank the wine, And into the cup he dropt the ring; "O got ye't by sea, or got ye't by land,55 Or got ye't on a drown'd man's hand?" "I got it not by sea, nor got it by land, Nor got I it on a drown'd man's hand; But I got it at my wooing gay, And I'll gie't you on your wedding day."60 "I'll take the red gowd frae my head, And follow you, and beg my bread; I'll take the red gowd frae my hair, And follow you for evermair." Atween the kitchen and the ha',65 He loot his cloutie cloak down fa'; And wi' red gowd shone ower them a', And frae the bridegroom the bride he sta'.

There was a may, and a weel-far'd may, Lived high up in yon glen: Her name was Katharine Janfarie, She was courted by mony men. Up then came Lord Lauderdale,5 Up frae the Lawland Border; And he has come to court this may, A' mounted in good order. He told na her father, he told na her mother, And he told na ane o' her kin;10 But he whisper'd the bonnie lassie hersell, And has her favour won. But out then cam Lord Lochinvar, Out frae the English Border, All for to court this bonny may,15 Weel mounted, and in order. He told her father, he told her mother, And a' the lave o' her kin; But he told na the bonnie may hersell, Till on her wedding e'en.20 She sent to the Lord o' Lauderdale, Gin he wad come and see; And he has sent word back again, Weel answer'd she suld be. And he has sent a messenger,25 Right quickly through the land, And raised mony an armed man To be at his command. The bride looked out at a high window, Beheld baith dale and down,30 And she was aware of her first true love, With riders mony a one. She scoffed him, and scorned him, Upon her wedding day; And said—it was the fairy court,35 To see him in array! "O come ye here to fight, young lord, Or come ye here to play, Or come ye here to drink good wine Upon the wedding day?"40 "I come na here to fight," he said, "I come na here to play; I'll but lead a dance wi' the bonny bride, And mount, and go my way." It is a glass of the blood-red wine45 Was filled up them between, And aye she drank to Lauderdale, Wha her true love had been. He's ta'en her by the milk-white hand, And by the grass-green sleeve;50 He's mounted her hie behind himsell, At her kinsmen speir'd na leave. "Now take your bride, Lord Lochinvar, Now take her, if you may! But if you take your bride again,55 We'll call it but foul play." There were four-and-twenty bonnie boys, A' clad in the Johnstone grey; They said they would take the bride again, By the strong hand, if they may.60 Some o' them were right willing men, But they were na willing a'; And four-and-twenty Leader lads Bid them mount and ride awa'. Then whingers flew frae gentles' sides,65 And swords flew frae the shea's, And red and rosy was the blood Ran down the lily braes. The blood ran down by Caddon bank, And down by Caddon brae;70 And, sighing, said the bonnie bride, "O wae's me for foul play!" My blessing on your heart, sweet thing, Wae to your wilfu' will! There's mony a gallant gentleman75 Whae's bluid ye have garr'd to spill. Now a' you lords of fair England, And that dwell by the English Border, Come never here to seek a wife, For fear of sic disorder.80 They'll haik ye up, and settle ye bye, Till on your wedding day, Then gie ye frogs instead of fish, And play ye foul foul play.

There was a lass, as I heard say, Liv'd low doun in a glen; Her name was Catherine Johnstone, Weel known to many men. Doun came the laird o' Lamington,5 Doun from the South Countrie; And he is for this bonnie lass, Her bridegroom for to be. He's ask'd her father and mother, The chief of a' her kin;10 And then he ask'd the bonnie lass, And did her favour win. Doun came an English gentleman, Doun from the English border; He is for this bonnie lass,15 To keep his house in order. He ask'd her father and mother, As I do hear them say; But he never ask'd the lass hersell, Till on her wedding day.20 But she has wrote a long letter, And sealed it with her hand; And sent it to Lord Lamington, To let him understand. The first line o' the letter he read,25 He was baith glad and fain; But or he read the letter o'er, He was baith pale and wan. Then he has sent a messenger, And out through all his land;30 And four-and-twenty armed men Was all at his command. But he has left his merry men all, Left them on the lee; And he's awa to the wedding house,35 To see what he could see. But when he came to the wedding house, As I do understand, There were four-and-twenty belted knights Sat at a table round.40 They rose all to honour him, For he was of high renown; They rose all for to welcome him, And bade him to sit down. O meikle was the good red wine45 In silver cups did flow; But aye she drank to Lamington, For with him would she go. O meikle was the good red wine In silver cups gaed round;50 At length they began to whisper words, None could them understand. "O came ye here for sport, young man, Or came ye here for play? Or came ye for our bonnie bride,55 On this her wedding day?" "I came not here for sport," he said, "Neither did I for play; But for one word o' your bonnie bride, I'll mount and go away."60 They set her maids behind her, To hear what they would say; But the first question he ask'd at her Was always answered nay; The next question he ask'd at her65 Was, "Mount and come away?" It's up the Couden bank, And doun the Couden brae; And aye she made the trumpet sound, It's a weel won play.70 O meikle was the blood was shed Upon the Couden brae; And aye she made the trumpet sound, It's a' fair play. Come, a' ye English gentlemen,75 That is of England born, Come na doun to Scotland, For fear ye get the scorn. They'll feed ye up wi' flattering words, And that's foul play;80 And they'll dress you frogs instead of fish, Just on your wedding day.

O bonny Baby Livingstone Gaed out to view the hay; And by it cam him Glenlyon, Staw bonny Baby away. And first he's taen her silken coat,5 And neist her satten gown; Syne row'd her in his tartan plaid, And happ'd her round and roun'. He's mounted her upon a steed, And roundly rade away;10 And ne'er loot her look back again The lee-lang simmer day. He's carried her o'er yon hich hich hill, Intill a Highland glen, And there he met his brother John15 Wi' twenty armed men. And there were cows, and there were ewes, And there were kids sae fair; But sad and wae was bonny Baby, Her heart was fu' o' care.20 He's taen her in his arms twa, And kist her cheek and chin; "I wad gi'e a' my flocks and herds, Ae smile frae thee to win." "A smile frae me ye'se never win;25 I'll ne'er look kind on thee; Ye've stown me awa frae a' my kin, Frae a' that's dear to me. "Dundee, kind sir, Dundee, kind sir, Tak me to bonny Dundee;30 For ye sall ne'er my favour win Till it ance mair I see." "Dundee, Baby! Dundee, Baby! Dundee ye ne'er shall see; But I will carry you to Glenlyon,35 Where you my bride shall be. "Or will ye stay at Achingour, And eat sweet milk and cheese; Or gang wi' me to Glenlyon, And there we'll live at our ease?"40 "I winna stay at Achingour; I care neither for milk nor cheese; Nor gang wi' thee to Glenlyon; For there I'll ne'er find ease." Then out it spak his brother John;45 "If I were in your place, I'd send that lady hame again, For a' her bonny face. "Commend me to the lass that's kind, Though nae sae gently born;50 And, gin her heart I coudna win, To take her hand I'd scorn." "O haud your tongue, my brother John; Ye wisna what ye say; For I hae lued that bonny face55 This mony a year and day. "I've lued her lang, and lued her weel, But her love I ne'er could win; And what I canna fairly gain, To steal I think nae sin."60 Whan they cam to Glenlyon castle, They lighted at the yett; And out they cam, his three sisters, Their brother for to greet. And they have taen her, bonny Baby,65 And led her o'er the green; And ilka lady spak a word, But bonny Baby spake nane. Then out it spak her, bonny Jane, The youngest o' the three:70 "O lady, why look ye sae sad? Come tell your grief to me." "O wharefore should I tell my grief, Since lax I canna find? I'm far frae a' my kin and friends,75 And my love I left behind. "But had I paper, pen, and ink, Afore that it were day, I yet might get a letter wrate, And sent to Johnie Hay.80 "And gin I had a bonny boy, To help me in my need, That he might rin to bonny Dundee, And come again wi' speed!" And they hae gotten a bonny boy85 Their errand for to gang; And bade him run to Bonny Dundee, And nae to tarry lang. The boy he ran o'er muir and dale, As fast as he could flee;90 And e'er the sun was twa hours hight, The boy was at Dundee. Whan Johnie lookit the letter on, A hearty laugh leuch he; But ere he read it till an end,95 The tear blinded his e'e. "O wha is this, or wha is that, Has stown my love frae me? Although he were my ae brither, An ill dead sall he die.100 "Gae, saddle to me the black," he says; "Gae, saddle to me the brown; Gae, saddle to me the swiftest steed, That ever rade frae the town." He's call'd upon his merry men a',105 To follow him to the glen; And he's vow'd he'd neither eat nor sleep Till he got his love again. He's mounted him on a milk-white steed, And fast he rade away;110 And he's come to Glenlyon's yett, About the close o' day. As Baby at her window stood, And the west-wind saft did blaw, She heard her Johnie's well-kent voice115 Aneath the castle wa'. "O Baby, haste, the window loup; I'll kep you in my arm; My merry men a' are at the yett To rescue you frae harm."120 She to the window fix'd her sheets, And slipped safely down; And Johnie catched her in his arms, Ne'er loot her touch the groun'. Glenlyon and his brother John125 Were birling in the ha', When they heard Johnie's bridle ring As fast he rade awa'. "Rise, Jock; gang out and meet the priest; I hear his bridle ring;130 My Baby now shall be my wife, Before the laverock sing." "O brother, this is nae the priest; I fear he'll come o'er late; For armed men wi' shining brands135 Stand at the castle yett." "Haste, Donald, Duncan, Dugald, Hugh, Haste, tak your sword and spear; We'll gar these traytors rue the hour That e'er they ventured here."140 The Highlandmen drew their claymores, And gae a warlike shout; But Johnie's merry men kept the yett, Nae ane durst venture out. The lovers rade the lee-lang night,145 And safe got on their way; And Bonny Baby Livingstone Has gotten Johny Hay. "Awa, Glenlyon! fy for shame! Gae hide you in some den;150 You've latten your bride be stown frae you, For a' your armed men."

O the broom, and the bonny bonny broom, And the broom of the Cowdenknows! And aye sae sweet as the lassie sang, I' the bought, milking the ewes. The hills were high on ilka side,5 An' the bought i' the lirk o' the hill, And aye, as she sang, her voice it rang, Out o'er the head o' yon hill. There was a troup o' gentlemen Came riding merrilie by,10 And one of them has rode out o' the way, To the bought to the bonny may. "Weel may ye save an' see, bonny lass, An' weel may ye save an' see."— "An' sae wi' you, ye weel-bred knight,15 And what's your will wi' me?"— "The night is misty and mirk, fair may, And I have ridden astray, And will you be so kind, fair may, As come out and point my way?"—20 "Ride out, ride out, ye ramp rider! Your steed's baith stout and strang; For out of the bought I dare na come, For fear 'at ye do me wrang."— "O winna ye pity me, bonny lass,25 O winna ye pity me? An' winna ye pity my poor steed, Stands trembling at yon tree?"— "I wadna pity your poor steed, Though it were tied to a thorn;30 For if ye wad gain my love the night, Ye wad slight me ere the morn. "For I ken you by your weel-busket hat, And your merrie twinkling ee, That ye're the Laird o' the Oakland hills,35 An' ye may weel seem for to be."— "But I am not the Laird o' the Oakland hills, Ye're far mista'en o' me; But I'm ane o' the men about his house, An' right aft in his companie."—40 He's ta'en her by the middle jimp, And by the grass-green sleeve; He's lifted her over the fauld-dyke, And speer'd at her sma' leave. O he's ta'en out a purse o' gowd,45 And streek'd her yellow hair; "Now, take ye that, my bonny may, Of me till you hear mair."— O he's leapt on his berry-brown steed, An' soon he's o'erta'en his men;50 And ane and a' cried out to him, "O master, ye've tarry'd lang!"— "O I hae been east, and I hae been west, An' I hae been far o'er the knowes, But the bonniest lass that ever I saw55 Is i' the bought, milking the ewes."— She set the cog upon her head, An' she's gane singing hame; "O where hae ye been, my ae daughter? Ye hae na been your lane."—60 "O naebody was wi' me, father, O naebody has been wi' me; The night is misty and mirk, father, Yee may gang to the door and see. "But wae be to your ewe-herd, father,65 And an ill deed may he die; He bug the bought at the back o' the knowe, And a tod has frighted me. "There came a tod to the bought door, The like I never saw;70 And ere he had ta'en the lamb he did, I had lourd he had ta'en them a'."— O whan fifteen weeks was come and gane, Fifteen weeks and three, That lassie began to look thin and pale,75 An' to long for his merry-twinkling ee. It fell on a day, on a het simmer day, She was ca'ing out her father's kye, Bye came a troop o' gentlemen, A' merrilie riding bye.80 "Weel may ye save an' see, bonny may, Weel may ye save and see! Weel I wat, ye be a very bonny may, But whae's aught that babe ye are wi'?"— Never a word could that lassie say,85 For never a ane could she blame, An' never a word could the lassie say, But "I have a gudeman at hame."— "Ye lied, ye lied, my very bonny may, Sae loud as I hear you lie;90 For dinna ye mind that misty night I was i' the bought wi' thee? "I ken you by your middle sae jimp, An' your merry-twinkling ee, That ye're the bonny lass i' the Cowdenknow,95 An' ye may weel seem for to be."— Then he's leapt off his berry-brown steed, An' he's set that fair may on— "Ca' out your kye, gude father, yoursell, For she's never ca' them out again.100 "I am the Laird of the Oakland hills, I hae thirty plows and three; An' I hae gotten the bonniest lass That's in a' the south countrie."

O Johnie Scot 's to the hunting gane, Unto the woods sae wild; And Earl Percy's ae daughter To him goes big wi' child. O word is to the kitchen gane,5 And word is to the ha', And word is to the highest towers, Among the nobles a'. "If she be wi' child," her father said, "As woe forbid it be!10 I'll put her into a prison strang, And try the veritie." "But if she be wi' child," her mother said, "As woe forbid it be! I'll put her intill a dungeon dark,15 And hunger her till she die." O Johnie 's called his waiting man, His name was Germanie: "It 's thou must to fair England gae, Bring me that gay ladie.20 "And here it is a silken sark, Her ain hand sewed the sleeve; Bid her come to the merry green wood, To Johnie her true love." He rode till he came to Earl Percy's gate,25 He tirled at the pin: "O wha is there?" said the proud porter; "But I daurna let thee in." It's he rode up, and he rode down, He rode the castle about,30 Until he spied a fair ladie At a window looking out. "Here is a silken sark," he said, "Thy ain hand sewed the sleeve; And ye must gae to the merry green woods,35 To Johnie Scot thy love." "The castle it is high, my boy, And walled round about; My feet are in the fetters strong, And how can I get out?40 "My garters are o' the gude black iron, And O but they be cold; My breast-plate's o' the sturdy steel, Instead of beaten gold. "But had I paper, pen, and ink,45 Wi' candle at my command, It's I would write a lang letter To John in fair Scotland." Then she has written a braid letter, And sealed it wi' her hand,50 And sent it to the merry green wood, Wi' her own boy at command. The first line of the letter Johnie read, A loud, loud lauch leuch he; But he had not read ae line but twa,55 Till the saut tears did blind his ee. "O I must up to England go, Whatever me betide, For to relieve mine own fair ladie, That lay last by my side."60 Then up and spak Johnie's auld mither, A weel spoke woman was she: "If you do go to England, Johnie, I may take fareweel o' thee." And out and spak his father then,65 And he spak well in time: "If thou unto fair England go, I fear ye'll ne'er come hame." But out and spak his uncle then, And he spak bitterlie:70 "Five hundred of my good life-guards Shall bear him companie." When they were all on saddle set, They were comely to behold; The hair that hung owre Johnie's neck shined75 Like the links o' yellow gold. When they were all marching away, Most pleasant for to see, There was not so much as a married man In Johnie's companie.80 Johnie Scot himsell was the foremost man In the company that did ride; His uncle was the second man, Wi' his rapier by his side. The first gude town that Johnie came to,85 He made the bells be rung; And when he rode the town all owre, He made the psalms be sung. The next gude town that Johnie came to, He made the drums beat round;90 And the third gude town that he came to, He made the trumpets sound, Till King Henry and all his merry men A-marvelled at the sound. And when they came to Earl Percy's yates,95 They rode them round about; And who saw he but his own true love At a window looking out? "O the doors are bolted with iron and steel, So are the windows about;100 And my feet they are in fetters strong; And how can I get out? "My garters they are of the lead, And O but they be cold; My breast-plate's of the hard, hard steel,105 Instead of beaten gold." But when they came to Earl Percy's yett, They tirled at the pin; None was so ready as Earl Percy himsell To open and let them in.110 "Art thou the King of Aulsberry, Or art thou the King of Spain? Or art thou one of our gay Scots lords, M'Nachton be thy name?" "I'm not the King of Aulsberry,115 Nor yet the King of Spain; But am one of our gay Scots lords, Johnie Scot I am called by name." When Johnie came before the king, He fell low down on his knee:120 "If Johnie Scot be thy name," he said, "As I trew weel it be, Then the brawest lady in a' my court Gaes big wi' child to thee." "If she be with child," fair Johnie said,125 "As I trew weel she be, I'll make it heir owre a' my land, And her my gay ladie." "But if she be wi' child," her father said, "As I trew weel she be,130 To-morrow again eight o'clock, High hanged thou shalt be." Out and spoke Johnie's uncle then, And he spak bitterlie: "Before that we see fair Johnie hanged,135 We'll a' fight till we die." "But is there ever an Italian about your court, That will fight duels three? For before that I be hanged," Johnie said, "On the Italian's sword I'll die."140 "Say on, say on," said then the king, "It is weel spoken of thee; For there is an Italian in my court Shall fight you three by three." O some is to the good green wood,145 And some is to the plain, The queen with all her ladies fair, The king with his merry men, Either to see fair Johnie flee, Or else to see him slain.150 They fought on, and Johnie fought on, Wi' swords o' temper'd steel, Until the draps o' red, red blood Ran trinkling down the field. They fought on, and Johnie fought on,155 They fought right manfullie; Till they left not alive, in a' the king's court, A man only but three. And they begoud at eight of the morn, And they fought on till three;160 When the Italian, like a swallow swift, Owre Johnie's head did flee: But Johnie being a clever young boy, He wheeled him round about; And on the point of Johnie's broad-sword,165 The Italian he slew out. "A priest, a priest," fair Johnie cried, "To wed my love and me;" "A clerk, a clerk," her father cried, "To sum her tocher free."170 "I'll hae none of your gold," fair Johnie cried, "Nor none of your other gear; But I will have my own fair bride, For this day I've won her dear." He's ta'en his true love by the hand,175 He led her up the plain: "Have you any more of your English dogs You want for to have slain?" He put a little horn to his mouth, He blew 't baith loud and shill;180 And honour is into Scotland gone, In spite of England's skill. He put his little horn to his mouth, He blew it owre again; And aye the sound the horn cryed185 Was "Johnie and his men!"

O wha wad wish the wind to blaw, Or the green leaves fa' therewith? Or wha wad wish a lealer love Than Brown Adam the Smith? But they hae banished him, Brown Adam,5 Frae father and frae mother; And they hae banish'd him, Brown Adam, Frae sister and frae brother. And they hae banish'd him, Brown Adam, The flower o' a' his kin;10 And he's bigged a bour in gude green-wood Atween his ladye and him. It fell upon a summer's day, Brown Adam he thought lang; And, for to hunt some venison,15 To green-wood he wald gang. He has ta'en his bow his arm o'er, His bolts and arrows lang; And he is to the gude green-wood As fast as he could gang.20 O he's shot up, and he's shot down, The bird upon the brier; And he sent it hame to his ladye, Bade her be of gude cheir. O he's shot up, and he's shot down,25 The bird upon the thorn; And sent it hame to his ladye, Said he'd be hame the morn. When he cam to his lady's bour door He stude a little forbye,30 And there he heard a fou fause knight Tempting his gay ladye. For he's ta'en out a gay goud ring, Had cost him many a poun', "O grant me love for love, ladye,35 And this sall be thy own."— "I lo'e Brown Adam weel," she said; "I trew sae does he me; I wadna gie Brown Adam's love For nae fause knight I see."—40 Out has he ta'en a purse o' gowd, Was a' fou to the string, "O grant me love for love, ladye, And a' this sall be thine."— "I lo'e Brown Adam weel," she says;45 "I wot sae does he me: I wadna be your light leman, For mair than ye could gie."— Then out he drew his lang bright brand, And flash'd it in her een;50 "Now grant me love for love, ladye, Or thro' ye this sall gang!"— Then, sighing, says that ladye fair, "Brown Adam tarries lang!"— Then in and starts him Brown Adam,55 Says—"I'm just at your hand."— He's gar'd him leave his bonny bow, He's gar'd him leave his brand, He's gar'd him leave a dearer pledge— Four fingers o' his right hand.60

"Will ye go to the Highlands, Lizie Lindsay, Will ye go to the Highlands wi' me? Will ye go to the Highlands, Lizie Lindsay, And dine on fresh cruds and green whey?" Then out spak Lizie's mother,5 A good old lady was she, "Gin ye say sic a word to my daughter, I'll gar ye be hanged high." "Keep weel your daughter frae me, madam; Keep weel your daughter frae me;10 I care as little for your daughter, As ye can care for me." Then out spak Lizie's ain maiden, A bonny young lassie was she; Says,—"were I the heir to a kingdom,15 Awa' wi' young Donald I'd be." "O say you sae to me, Nelly? And does my Nelly say sae? Maun I leave my father and mother, Awa' wi' young Donald to gae?"20 And Lizie's ta'en till her her stockings, And Lizie's ta'en till her her shoen; And kilted up her green claithing, And awa' wi' young Donald she's gane. The road it was lang and weary;25 The braes they were ill to climb; Bonny Lizie was weary wi' travelling, And a fit furder coudna win. And sair, O sair did she sigh, And the saut tear blin'd her e'e;30 "Gin this be the pleasures o' looing, They never will do wi' me!" "Now, haud your tongue, bonny Lizie; Ye never shall rue for me; Gi'e me but your love for my love,35 It is a' that your tocher will be. "And haud your tongue, bonny Lizie; Altho' that the gait seem lang, And you's ha'e the wale o' good living Whan to Kincawsen we gang.40 "There my father he is an auld cobler, My mother she is an auld dey; And we'll sleep on a bed o' green rashes, And dine on fresh cruds and green whey." "You're welcome hame, Sir Donald,45 You're welcome hame to me." "O ca' me nae mair Sir Donald; There's a bonny young lady to come; Sae ca' me nae mair Sir Donald, But ae spring Donald your son."50 "Ye're welcome hame, young Donald; Ye're welcome hame to me; Ye're welcome hame, young Donald, And your bonny young lady wi' ye." She's made them a bed of green rashes,55 Weel cover'd wi' hooding o' grey; Bonny Lizie was weary wi' travelling, And lay till 'twas lang o' the day. "The sun looks in o'er the hill-head, And the laverock is liltin' gay;60 Get up, get up, bonny Lizie, You've lain till its lang o' the day. "You might ha'e been out at the shealin, Instead o' sae lang to lye, And up and helping my mother65 To milk baith her gaits and kye." Then out spak Lizie Lindsay, The tear blindit her eye; "The ladies o' Edinburgh city They neither milk gaits nor kye."70 Then up spak young Sir Donald, * * * * * * * * * * * * * * * * * * "For I am the laird o' Kincawsyn, And you are the lady free; And * * * * * * * * * * *

There was a braw ball in Edinburgh And mony braw ladies were there, But nae ane at a' the assembly Could wi' Lizzie Lindsay compare. In cam' the young laird o' Kincassie,5 An' a bonnie young laddie was he— "Will ye lea' yere ain kintra, Lizzie, An' gang to the Hielands wi' me?" She turned her roun' on her heel, An' a very loud laughter gaed she—10 "I wad like to ken whar I was ganging, And wha I was gaun to gang wi'." "My name is young Donald M'Donald, My name I will never deny; My father he is an auld shepherd,15 Sae weel as he can herd the kye! "My father he is an auld shepherd, My mother she is an auld dame; If ye'll gang to the Hielands, bonnie Lizzie, Ye's neither want curds nor cream."20 "If ye'll call at the Canongate port, At the Canongate port call on me, I'll give you a bottle o' sherry, And bear you companie." He ca'd at the Canongate port,25 At the Canongate port called he; She drank wi' him a bottle o' sherry, And bore him guid companie. "Will ye go to the Hielands, bonnie Lizzie, Will ye go to the Hielands wi' me?30 If ye'll go to the Hielands, bonnie Lizzie, Ye shall not want curds nor green whey." In there cam' her auld mither, A jolly auld lady was she— "I wad like to ken whar she was ganging,35 And wha she was gaun to gang wi'." "My name is young Donald M'Donald, My name I will never deny, My father he is an auld shepherd, Sae weel as he can herd the kye!40 "O but I would give you ten guineas, To have her one hour in a room, To get her fair body a picture To keep me from thinking long." "O I value not your ten guineas,45 As little as you value mine; But if that you covet my daughter, Take her with you, if you do incline." "Pack up my silks and my satins, And pack up my hose and my shoon,50 And likewise my clothes in small bundles, And away wi' young Donald I'll gang." They pack'd up her silks and her satins, They pack'd up her hose and her shoon, And likewise her clothes in small bundles,55 And away with young Donald she's gane. When that they cam' to the Hielands, The braes they were baith lang and stey; Bonnie Lizzie was wearied wi' ganging— She had travell'd a lang summer day.60 "O are we near hame, Sir Donald, O are we near hame, I pray?" "We're no near hame, bonnie Lizzie, Nor yet the half o' the way." They cam' to a homely poor cottage,65 An auld man was standing by; "Ye're welcome hame, Sir Donald, Ye've been sae lang away." "O call me no more Sir Donald, But call me young Donald your son;70 For I have a bonnie young lady Behind me for to come in." "Come in, come in, bonnie Lizzie, Come in, come in," said he, "Although that our cottage be little,75 Perhaps the better we'll 'gree. "O make us a supper, dear mother, And make it of curds an' green whey; And make us a bed o' green rushes, And cover it o'er wi' green hay."80 "Rise up, rise up, bonnie Lizzie, Why lie ye so long in the day; Ye might ha'e been helping my mother To make the curds and green whey." "O haud your tongue, Sir Donald,85 O haud your tongue I pray; I wish I had ne'er left my mother, I can neither make curds nor whey." "Rise up, rise up, bonnie Lizzie, And put on your satins so fine;90 For we maun to be at Kincassie Before that the clock strikes nine." But when they came to Kincassie The porter was standing by;— "Ye're welcome home, Sir Donald,95 Ye've been so long away." It's down then came his auld mither, With all the keys in her hand, Saying, "Take you these, bonnie Lizzie, All under them's at your command."

Lizae Baillie's to Gartartan gane, To see her sister Jean; And there she's met wi' Duncan Græme, And he's convoy'd her hame. "My bonny Lizae Baillie,5 I'll row ye in my plaidie, And ye maun gang alang wi' me, And be a Highland lady." "I'm sure they wadna ca' me wise, Gin I wad gang wi' you, Sir;10 For I can neither card nor spin, Nor yet milk ewe or cow, Sir." "My bonny Lizae Baillie, Let nane o' these things daunt ye; Ye'll hae nae need to card or spin,15 Your mither weel can want ye." Now she's cast aff her bonny shoen, Made o' the gilded leather, And she's put on her highland brogues, To skip amang the heather:20 And she's cast aff her bonny gown, Made o' the silk and sattin, And she's put on a tartan plaid, To row amang the braken. She wadna hae a Lawland laird,25 Nor be an English lady; But she wad gang wi' Duncan Græme, And row her in his plaidie. She was nae ten miles frae the town, When she began to weary;30 She aften looked back, and said, "Farewell to Castlecarry. "The first place I saw my Duncan Græme, Was near yon holland bush; My father took frae me my rings,35 My rings but and my purse. "But I wadna gie my Duncan Græme For a' my father's land, Though it were ten times ten times mair, And a' at my command."40 * * * * * * * * * Now wae be to you, loggerheads, That dwell near Castlecarry, To let awa' sic a bonny lass, A Highlandman to marry.45

The Lawland lads think they are fine, But the hieland lads are brisk and gaucy; And they are awa near Glasgow toun, To steal awa a bonnie lassie. "I wad gie my gude brown steed,5 And sae wad I my gude grey naigie, That I war fifty miles frae the toun, And nane wi' me but my bonnie Peggy." But up then spak the auld gudman, And vow but he spak wondrous saucie;—10 "Ye may steal awa our cows and ewes, But ye sanna get our bonnie lassie." "I have got cows and ewes anew, I've got gowd and gear already; Sae I dinna want your cows nor ewes,15 But I will hae your bonnie Peggy." "I'll follow you oure moss and muir, I'll follow you oure mountains many, I'll follow you through frost and snaw, I'll stay na langer wi' my daddie."20 He set her on a gude brown steed, Himself upon a gude grey naigie; They're oure hills, and oure dales, And he's awa wi' his bonnie Peggy. As they rade out by Glasgow toun,25 And doun by the hills o' Achildounie, There they met the Earl of Hume, And his auld son, riding bonnie. Out bespak the Earl of Hume, And O but he spak wondrous sorry,—30 "The bonniest lass about a' Glasgow toun, This day is awa wi' a hieland laddie." As they rade bye auld Drymen toun, The lassies leuch and lookit saucy, That the bonniest lass they ever saw,35 Sud be riding awa wi' a hieland laddie. They rode on through moss and muir, And so did they owre mountains many, Until they cam to yonder glen, And she's lain doun wi' her hieland laddie.40 Gude green hay was Peggy's bed, And brakens war her blankets bonnie; Wi' his tartan plaid aneath her head, And she's lain doun wi' her hieland laddie. "There's beds and bowsters in my father's house,45 There's sheets and blankets, and a' thing ready, And wadna they be angry wi' me, To see me lie sae wi' a hieland laddie." "Tho' there's beds and beddin in your father's house, Sheets and blankets and a' made ready,50 Yet why sud they be angry wi' thee, Though I be but a hieland laddie? "It's I hae fifty acres of land, It's a' plow'd and sawn already; I am Donald the Lord of Skye,55 And why sud na Peggy be call'd a lady? "I hae fifty gude milk kye, A' tied to the staws already; I am Donald the Lord of Skye, And why sud na Peggy be call'd a lady!60 "See ye no a' yon castles and tow'rs? The sun sheens owre them a sae bonnie; I am Donald the Lord of Skye, I think I'll mak ye as blythe as onie. "A' that Peggy left behind65 Was a cot-house and a wee kail-yardie; Now I think she is better by far, Than tho' she had got a lawland lairdie."

Three score o' nobles rade up the king's ha', But bonnie Glenlogie's the flower o' them a'; Wi' his milk-white steed and his bonnie black e'e, "Glenlogie, dear mither, Glenlogie for me!" "O haud your tongue, dochter, ye'll get better than he;"5 "O say nae sae, mither, for that canna be; Though Drumlie is richer, and greater than he, Yet if I maun tak him, I'll certainly dee. "Where will I get a bonnie boy, to win hose and shoon, Will gae to Glenlogie, and cum again shun?"10 "O here am I, a bonnie boy, to win hose and shoon, Will gae to Glenlogie, and cum again shun." When he gaed to Glenlogie, 'twas "wash and go dine;" 'Twas "wash ye, my pretty boy, wash and go dine;" "O 'twas ne'er my father's fashion, and it ne'er shall be mine,15 To gar a lady's hasty errand wait till I dine. "But there is, Glenlogie, a letter for thee;" The first line that he read, a low smile ga'e he, The next line that he read, the tear blindit his e'e; But the last line that he read, he gart the table flee.20 "Gar saddle the black horse, gar saddle the brown; Gar saddle the swiftest steed e'er rade frae a town;" But lang ere the horse was drawn and brought to the green, O bonnie Glenlogie was twa mile his lane. "When he cam' to Glenfeldy's door, little mirth was there;25 Bonnie Jean's mother was tearing her hair; "Ye're welcome, Glenlogie, ye're welcome," said she, "Ye're welcome, Glenlogie, your Jeanie to see." Pale and wan was she, when Glenlogie gaed ben, But red and rosy grew she whene'er he sat down;30 She turned awa' her head, but the smile was in her e'e, "O binna feared, mither, I'll maybe no dee."

"'Why weep ye by the tide ladye, Why weep ye by the tide? I'll wed ye to my youngest son, And ye shall be his bride; And ye shall be his bride, ladye, Sae comely to be seen:' But aye she loot the tears down fa' For Jock o' Hazeldean."

As I went forth to take the air Intill an evening clear, And there I spied a lady fair Making a heavy bier. Making a heavy bier, I say,5 But and a piteous meen; And aye she sigh'd, and said, alas! For John o' Hazelgreen. The sun was sinking in the west, The stars were shining clear;10 When thro' the thickets o' the wood, A gentleman did appear. Says, "who has done you the wrong, fair maid, And left you here alane; Or who has kiss'd your lovely lips,15 That ye ca' Hazelgreen?" "Hold your tongue, kind sir," she said, "And do not banter so; How will ye add affliction Unto a lover's woe?20 For none's done me the wrong," she said, "Nor left me here alane; Nor none has kiss'd my lovely lips, That I ca' Hazelgreen." "Why weep ye by the tide, lady?25 Why weep ye by the tide? How blythe and happy might he be Gets you to be his bride! Gets you to be his bride, fair maid, And him I'll no bemean;30 But when I take my words again, Whom call ye Hazelgreen? "What like a man was Hazelgreen? Will ye show him to me?" "He is a comely proper youth,35 I in my sleep did see; Wi' arms tall, and fingers small,— He's comely to be seen;" And aye she loot the tears down fall For John o' Hazelgreen.40 "If ye'll forsake young Hazelgreen, And go along with me, I'll wed you to my eldest son, Make you a lady free." "It's for to wed your eldest son45 I am a maid o'er mean; I'll rather stay at home," she says, "And die for Hazelgreen." "If ye'll forsake young Hazelgreen, And go along with me,50 I'll wed you to my second son, And your weight o' gowd I'll gie." "It's for to wed your second son I am a maid o'er mean; I'll rather stay at home," she says,55 "And die for Hazelgreen." Then he's taen out a siller comb, Comb'd down her yellow hair; And looked in a diamond bright, To see if she were fair.60 "My girl, ye do all maids surpass That ever I have seen; Cheer up your heart, my lovely lass, And hate young Hazelgreen." "Young Hazelgreen he is my love,65 And ever mair shall be; I'll nae forsake young Hazelgreen For a' the gowd ye'll gie." But aye she sigh'd, and said, alas! And made a piteous meen;70 And aye she loot the tears down fa', For John o' Hazelgreen. He looked high, and lighted low, Set her upon his horse; And they rode on to Edinburgh,75 To Edinburgh's own cross. And when she in that city was, She look'd like ony queen; "'Tis a pity such a lovely lass Shou'd love young Hazelgreen."80 "Young Hazelgreen, he is my love, And ever mair shall be; I'll nae forsake young Hazelgreen For a' the gowd ye'll gie." And aye she sigh'd, and said, alas!85 And made a piteous meen; And aye she loot the tears down fa', For John o' Hazelgreen. "Now hold your tongue, my well-far'd maid, Lat a' your mourning be,90 And a' endeavours I shall try, To bring that youth to thee; If ye'll tell me where your love stays, His stile and proper name." "He's laird o' Taperbank," she says,95 "His stile, Young Hazelgreen." Then he has coft for that lady A fine silk riding gown; Likewise he coft for that lady A steed, and set her on;100 Wi' menji feathers in her hat, Silk stockings and siller sheen; And they are on to Taperbank, Seeking young Hazelgreen. They nimbly rode along the way,105 And gently spurr'd their horse, Till they rode on to Hazelgreen, To Hazelgreen's own close. Then forth he came, young Hazelgreen, To welcome his father free;110 "You're welcome here, my father dear, And a' your companie." But when he look'd o'er his shoulder, A light laugh then gae he; Says, "If I getna this lady,115 It's for her I must die; I must confess this is the maid I ance saw in a dream, A walking thro' a pleasant shade, As fair's a cypress queen."120 "Now hold your tongue, young Hazelgreen, Lat a' your folly be; If ye be wae for that lady, She's thrice as wae for thee. She's thrice as wae for thee, my son;125 As bitter doth complain; Well is she worthy o' the rigs That lie on Hazelgreen." He's taen her in his arms twa, Led her thro' bower and ha';130 "Cheer up your heart, my dearest dear, Ye're flower out o'er them a'. This night shall be our wedding e'en, The morn we'll say, Amen; Ye'se never mair hae cause to mourn,—135 Ye're lady o' Hazelgreen."

"False luve, and hae ze played me this, In the simmer, mid the flowers? I sall repay ze back again, In the winter mid the showers. "Bot again, dear luve, and again, dear luve, Will ze not turn again? As ze look to ither women Shall I to ither men."

"False love, and hast thou played me this, In summer, among the flowers? I will repay thee back again, In winter, amid the showers. "Unless again, again, my love, Unless ye turn again, As you with other maidens rove, I'll smile on other men."

A fair maid sat in her bower door, Wringing her lily hands; And by it came a sprightly youth, Fast tripping o'er the strands. "Where gang ye, young John," she says,5 "Sae early in the day? It gars me think, by your fast trip, Your journey's far away." He turn'd about wi' surly look, And said, "What's that to thee?10 I'm gaen to see a lovely maid, Mair fairer far than ye." "Now hae ye play'd me this, fause love, In simmer, 'mid the flowers? I sall repay ye back again,15 In winter, 'mid the showers. "But again, dear love, and again, dear love, Will ye not turn again? For as ye look to ither women, Shall I to ither men."20 "Make your choose o' whom you please, For I my choice will have; I've chosen a maid mair fair than thee, I never will deceive." But she's kilt up her claithing fine,25 And after him gaed she; But aye he said, "ye'll turn back, Nae farder gang wi' me." "But again, dear love, and again, dear love, Will ye never love me again?30 Alas! for loving you sae well, And you nae me again." The first an' town that they came till, He bought her brooch and ring; But aye he bade her turn again,35 And gang nae farder wi' him. "But again, dear love, and again, dear love, Will ye never love me again? Alas! for loving you sae well, And you nae me again."40 The niest an' town that they came till, His heart it grew mair fain; And he was deep in love wi' her, As she was ower again. The niest an' town that they came till,45 He bought her wedding gown; And made her lady o' ha's and bowers, In bonny Berwick town.

The gard'ner stands in his bouer door, Wi' a primrose in his hand, And bye there cam a leal maiden, As jimp as a willow wand; And bye there cam a leal maiden, As jimp as a willow wand. "O ladie can ye fancy me,5 For to be my bride; Ye'se get a' the flowers in my garden, To be to you a weed. "The lily white sall be your smock; It becomes your body best;10 Your head sall be buskt wi' gelly-flower, Wi' the primrose in your breist. "Your goun sall be the Sweet William; Your coat the camovine; Your apron o' the sallads neat,15 That taste baith sweet and fine. "Your hose sall be the brade kail-blade, That is baith brade and lang; Narrow, narrow, at the cute, And brade, brade at the brawn.20 "Your gloves sall be the marigold, All glittering to your hand, Weel spread owre wi' the blue blaewort, That grows amang corn-land." "O fare ye weil, young man," she says,25 "Fareweil, and I bid adieu; Sin ye've provided a weed for me Amang the simmer flowers, It's I'se provide anither for you, Amang the winter-showers:30 "The new fawn snaw to be your smock; It becomes your bodie best; Your head sall be wrapt wi' the eastern wind, And the cauld rain on your breist."

"I am gaing awa, Jeanie, I am gaing awa, I am gaing ayont the saut seas, I'm gaing sae far awa." "What will ye buy to me, Jamie,5 What will ye buy to me?" "I'll buy to you a silken plaid, And send it wi' vanitie." "That's na love at a', Jamie, That's na love at a';10 All I want is love for love, And that's the best ava. "Whan will ye marry me, Jamie, Whan will ye marry me? Will ye tak me to your countrie,—15 Or will ye marry me?" "How can I marry thee, Jeanie, How can I marry thee? Whan I've a wife and bairns three,— Twa wad na weill agree."20 "Wae be to your fause tongue, Jamie, Wae be to your fause tongue; Ye promised for to marry me, And has a wife at hame! "But if your wife wad dee, Jamie,25 And sae your bairns three, Wad ye tak me to your countrie,— Or wad ye marry me? "But sin they're all alive, Jamie, But sin they're all alive,30 We'll tak a glass in ilka hand, And drink, 'Weill may they thrive.'" "If my wife wad dee, Jeanie, And sae my bairns three, I wad tak ye to my ain countrie,35 And married we wad be." "O an your head war sair, Jamie, O an your head war sair, I'd tak the napkin frae my neck, And tie doun your yellow hair."40 "I hae na wife at a', Jeanie, I hae na wife at a', I hae neither wife nor bairns three; I said it to try thee." "Licht are ye to loup, Jamie,45 Licht are ye to loup, Licht are ye to loup the dyke, Whan I maun wale a slap." "Licht am I to loup, Jeanie, Licht am I to loup;50 But the hiest dyke that we come to, I'll turn and tak you up. "Blair in Athol is mine, Jeanie, Blair in Athol is mine; Bonnie Dunkel is whare I dwell,55 And the boats o' Garry's mine. "Huntingtower is mine, Jeanie, Huntingtower is mine, Huntingtower, and bonnie Belford, And a' Balquhither's mine."60

"Aft hae I playd at cards and dice For the love o' a bonny rantin' laddie, But now I maun sit i' my father's kitchen nook, And sing, 'Hush, balow, my baby.' "If I had been wise, and had ta'en advice,5 And dane as my bonny love bade me, I would hae been married at Martinmas, And been wi' my rantin' laddie. "But I was na wise, I took nae advice, Did not as my bonny love bade me,10 And now I maun sit by mysel' i' the nook, And rock my bastard baby. "If I had horse at my command, As often I had many, I would ride on to the Castle o' Aboyne,15 Wi' a letter to my rantin' laddie." Down the stair her father came, And looked proud and saucy; "Who is the man, and what is his name, That ye ca' your rantin' laddie?20 "Is he a lord, or is he a laird, Or is he but a caddie? Or is it the young Earl o' Aboyne, That ye ca' your rantin' laddie?" "He is a young and noble lord,25 He never was a caddie; It is the noble Earl o' Aboyne That I ca' my rantin' laddie." "Ye shall hae a horse at your command, As ye had often many,30 To go to the Castle o' Aboyne, Wi' a letter to your rantin' laddie." "Where will I get a little page, Where will I get a caddie, That will run quick to bonny Aboyne,35 Wi' this letter to my rantin' laddie?" Then out spoke the young scullion boy, Said, "Here am I, a caddie; I will run on to bonny Aboyne Wi' the letter to your rantin' laddie."40 "Now when ye come to bonny Deeside, Where woods are green and bonny, Then will ye see the Earl o' Aboyne, Among the bushes mony. "And when ye come to the lands o' Aboyne,45 Where all around is bonny, Ye'll take your hat into your hand, Gie this letter to my rantin' laddie." When he came near the banks of Dee, The birks were blooming bonny,50 And there he saw the Earl o' Aboyne Among the bushes mony. "Where are ye going, my bonny boy, Where are ye going, my caddie?" "I am going to the Castle o' Aboyne55 Wi' a letter to the rantin' laddie." "See yonder is the castle there, My young and handsome caddie, And I myself am the Earl o' Aboyne, Tho they ca' me the rantin' laddie."60 "O pardon, my lord, if I've done wrong; Forgive a simple caddie; O pardon, pardon, Earl o' Aboyne, I said but what she bade me." "Ye've done no wrong, my bonny boy,65 Ye've done no wrong, my caddie;" Wi' hat in hand he bowed low, Gave the letter to the rantin' laddie. When young Aboyne looked the letter on, O but he blinkit bonny;70 But ere he read four lines on end, The tears came trickling mony. "My father will no pity shew, My mother still does slight me, And a' my friends have turned from me,75 And servants disrespect me." "Who are they dare be so bold To cruelly use my lassie? But I'll take her to bonny Aboyne, Where oft she did caress me.80 "Go raise to me five hundred men, Be quick and make them ready; Each on a steed, to haste their speed, To carry home my lady." As they rode on thro' Buchanshire,85 The company were many, Wi' a good claymore in every hand, That glanced wondrous bonny. When he came to her father's gate He called for his lady;90 "Come down, come down, my bonny maid, And speak wi' your rantin' laddie." When she was set on high horseback, Row'd in the highland plaidie, The bird i' the bush sung not so sweet,95 As sung this bonny lady. As they rode on thro' Buchanshire, He cried, "Each lowland lassie, Lay your love on some lowland lown, And soon will he prove fause t' ye.100 "But take my advice, and make your choice Of some young highland laddie, Wi' bonnet and plaid, whose heart is staid, And he will not beguile ye." As they rode on thro' Garioch land,105 He rode up in a fury, And cried, "Fall back each saucy dame, Let the Countess of Aboyne before ye."

"The Lord of Gordon had three daughters."

The duke of Gordon has three daughters, Elizabeth, Margaret, and Jean; They would not stay in bonny Castle-Gordon, But they would go to bonny Aberdeen. They had not been in Aberdeen5 A twelvemonth and a day, Till Lady Jean fell in love with Captain Ogilvie, And away with him she would gae. Word came to the duke of Gordon, In the chamber where he lay,10 Lady Jean has fell in love with Captain Ogilvie, And away with him she would gae. "Go saddle me the black horse, And you'll ride on the grey; And I will ride to bonny Aberdeen,15 Where I have been many a day." They were not a mile from Aberdeen, A mile but only three, Till he met with his two daughters walking, But away was Lady Jean.20 "Where is your sister, maidens? Where is your sister, now? Where is your sister, maidens, That she is not walking with you?" "O pardon us, honoured father,25 O pardon us," they did say; "Lady Jean is with Captain Ogilvie, And away with him she will gae." When he came to Aberdeen, And down upon the green,30 There did he see Captain Ogilvie, Training up his men. "O wo to you, Captain Ogilvie, And an ill death thou shalt die; For taking to my daughter,35 Hanged thou shalt be." Duke Gordon has wrote a broad letter, And sent it to the king, To cause hang Captain Ogilvie, If ever he hanged a man.40 "I will not hang Captain Ogilvie, For no lord that I see; But I'll cause him to put off the lace and scarlet, And put on the single livery." Word came to Captain Ogilvie,45 In the chamber where he lay, To cast off the gold lace and scarlet, And put on the single livery. "If this be for bonny Jeany Gordon, This pennance I'll take wi';50 If this be bonny Jeany Gordon, All this I will dree." Lady Jean had not been married, Not a year but three, Till she had a babe in every arm,55 Another upon her knee. "O but I'm weary of wandering! O but my fortune is bad! It sets not the duke of Gordon's daughter To follow a soldier lad.60 "O but I'm weary of wandering! O but I think lang! It sets not the duke of Gordon's daughter, To follow a single man." When they came to the Highland hills,65 Cold was the frost and snow; Lady Jean's shoes they were all torn, No farther could she go. "O wo to the hills and the mountains! Wo to the wind and the rain!70 My feet is sore with going barefoot, No further am I able to gang. "Wo to the hills and the mountains! Wo to the frost and the snow! My feet is sore with going barefoot,75 No farther am I able for to go. "O! if I were at the glens of Foudlen, Where hunting I have been, I would find the way to bonny Castle-Gordon, Without either stockings or shoon."80 When she came to Castle-Gordon, And down upon the green, The porter gave out a loud shout, "O yonder comes Lady Jean." "O you are welcome, bonny Jeany Gordon,85 You are dear welcome to me; You are welcome, dear Jeany Gordon, But away with your Captain Ogilvie." Now over seas went the captain, As a soldier under command;90 A message soon followed after, To come and heir his brother's land. "Come home, you pretty Captain Ogilvie, And heir your brother's land; Come home, ye pretty Captain Ogilvie,95 Be earl of Northumberland." "O what does this mean?" says the captain; "Where's my brother's children three?" "They are dead and buried, And the lands they are ready for thee."100 "Then hoist up your sails, brave captain, Let's be jovial and free; I'll to Northumberland, and heir my estate, Then my dear Jeany I'll see." He soon came to Castle-Gordon,105 And down upon the green; The porter gave out with a loud shout, "Here comes Captain Ogilvie." "You're welcome, pretty Captain Ogilvie, Your fortune's advanced I hear;110 No stranger can come unto my gates, That I do love so dear." "Sir, the last time I was at your gates, You would not let me in; I'm come for my wife and children,115 No friendship else I claim." "Come in, pretty Captain Ogilvie, And drink of the beer and the wine; And thou shalt have gold and silver, To count till the clock strike nine."120 "I'll have none of your gold and silver, Nor none of your white money; But I'll have bonny Jeany Gordon; And she shall go now with me." Then she came tripping down the stair,125 With the tear into her eye; One babe was at her foot, Another upon her knee. "You're welcome, bonny Jeany Gordon, With my young family;130 Mount and go to Northumberland, There a countess thou shalt be."