LIVRE DEUXIÈME. (continued 2)

Il respondirent que il ne savoient et que il

n’avoient mies eu bon losir dou conter, mais tout li

camp en estoient couvert. Là eut Piètres dou Bois

pluiseurs imaginations dou traire avant pour retourner

30les fuians et combatre leurs ennemis qui les cachoient,

ou de retraire vers Courtrai: tout consideret, consilliet

fu que dou retraire pour celle fois ce estoit li plus

[56] pourfitables. Si se retraïssent tout en bataille rengie

sans iaulx desrouter, et s’en retournèrent ce jour à

Courtrai, et là se retraioient li fuiant. Si se logièrent

cil de Gaind en Courtrai, et missent garde as portes,

5par quoi il ne fuissent souspris. Comptés leurs gens et

avisés, quant Jehans Boulle et Ernouls Clers furent

retournet, il congneurent que de la ville de Gaind, de

ceulx que il avoient envoiiet à Ippre, estoient bien

mort douse cens, et si en i ot bien de ceulx de Ippre

10otant ou plus ocis, et, se les enbusques dou conte

euissent cachiet en alant vers Ippre et en allant vers

Courtrai, petit en fuissent demoret que tout n’euissent

esté rataint, mais ce que point ne cachièrent ne n’entendirent

à tuer fors ceulx qui cheïrent en leur

15enbusque, en sauva trop grant plenté. Si furent cil de

Ippre moult esbahi, quant il veïrent leurs gens retourner

desconfit le propre jour que il estoient issut,

et demandoient comment che avoit esté. Il dissoient

apriès l’un l’autre que Jehans Boulle les avoit trahis

20e[t] menet mourir maisement.

§ 195. Vous avés pluiseurs fois oï recorder que c’est

dure cose de commun rapaisier, quant il est esmeus;

je le di pour ceulx de Gaind. Quant il furent che jour

retrait à Courtrai, li desconfit seurent que Jehans Boulle

25estoit en la ville; si se missent plus de mille ensamble,

et dissent: «Alons au faulx et très mauvais trahiteur

Jehan Boulle, qui nous a trahi, car par lui, et non

par autrui, fumes nous mené ou chemin dont nous

entrasmes en l’enbusque. Se nous euissons creu

30Ernoul Clerc, nous n’euissons eu garde, car il nous

volloit mener droit sus nos gens, et Jehans Boulle,

[57] qui nous avoit vendus et trahis, nous mena là où nous

avons esté desconfit.» Or regardés comment il l’acusoient

de traïson; je ne quide mies que il i euist

cause, car, se il fust enssi que il dissoient et que il les

5euist vendus ne trahis au conte, il ne fust jamais

retournés viers euls et fust demorés avoecques le

conte et ses gens: toutesfois, ce ne le peut escusser,

puisque il estoit aquelliés, que il ne fust mors; je vous

dirai comment. Li Gantois l’alèrent querre et prendre

10en son hostel, et l’amenèrent sus le rue, et là fu

depeciés pièce à pièce: cascuns enportoit une pièce.

Enssi fina Jehans Boulle. A l’endemain li Gantois se

departirent de Courtrai et s’en retournèrent en Gaind

et envoiièrent Jehan de Launoit ou castiel de Gavres,

15qui est castiaulx dou conte, seant sus la rivière d’Escaut,

et le prist Jehans en garde et en garnisson.

§ 196. Or parlerons dou conte de Flandres et de ses

gens. Quant il eurent enssi par leur enbusque rués

jus les Gantois et bien mors trois [mille] ou environ,

20que de ceulx de Gaind, que de ceulx de Ippre, li contes

eut conseil que il se trairoit devant la ville de Ippre et

[i] meteroit le siège. Sicom il fu consilliet, il fu fait,

et se traïst li contes celle part à toutes ses gens et à

belle compaignie de chevaliers et d’escuiers de Flandres,

25de Hainnau et d’Artois, qui l’estoient venu servir.

Quant cil de Ippre entendirent que li contes, leurs

sires, venoient là si efforciement, si furent tout effraé,

et eurent conseil li rice homme de la ville et li notable

que il ouveroient leurs portes et s’en iroient devers le

30conte et se meteroient dou tout en se ordenance et

obeïssance et li crieroient merchi, car bien savoit que

[58] de che que il avoient esté gantois, che avoit esté par

force et par le commun, foulons et tisserans et tels

mesceans gens de la ville de Ippre; il le sentoient

bien si notable et si merciable que il les prenderoit à

5merci. Sicom il ordonnèrent, il le fissent, et s’en

vinrent plus de trois cens, tout de une compaignie,

au dehors de la ville de Ippre, et avoient les clés des

portes avoecques eulx, et, quant li contes de Flandres

fu venus, il se jettèrent tout en genoulx devant li et

10li criièrent merchi, et se missent dou tout euls personnellement

et toute la ville en sa vollenté. Li contes en

eut pité et les fit lever et les prist à merchi: si entra,

et toute sa poissance, en le ville de Ippre, et i sejourna

environ trois sepmainnes et renvoia ceulx dou Franc

15et ceulx de Bruges. En che sejour que li contes fist à

Ippre, il en fist decoller plus de set cens, foulons et

tisserans, et telles manières de gens qui avoient mis

premierement Jehan Lion et les Gantois en la ville et

ochis ses vaillans hommes que il avoit là establis et

20envoiés, pour laquel cose il estoit moult irés pour ses

chevaliers. Et, à le fin que il ne fuissent plus rebelle

envers li, il en envoia trois cens des plus notables tenir

prison à Bruges, et, quant il eut tout che fait, il s’en

retourna à Bruges à belle compaignie de gens d’armes,

25mais il prist le chemin de Courtrai et dist que il voloit

ceuls de Courtrai mettre en se obeïssance.

§ 197. Quant cil de Courtrai entendirent que li

contes, leurs sires, venoit efforciement sus eulx et

que cil de Ippre s’estoient mis en se obeïssance, il se

30doubtèrent grandement, car il ne veoient point de confort

apparant en chiaulx de Gaind: si se avissèrent

[59] que il se renderoient legierement à leur signeur, et

trop mieulx leur valloit à estre dallés le conte, quant

il li devoient foi et loiaulté, que dallés les Gantois.

Adont s’ordonnèrent il trois cens de la ville, tous des

5plus notables, et se missent tout à piet sus les camps

contre le venue dou conte, les clés de la ville avoecques

eulx. Quant li contes deubt passer, il se jettèrent

tous en genous et li prièrent merchi. Li contes en ot

pité, si les rechut à merchi, et entra en la ville moult

10joieusement, et tout et toutes li fissent honneur et reverensse.

Si prist des bourgois de Courtrai environ deus

cens des plus notables, et les envoiia à Lille et à Douai

en ostagerie, affin que cil de Courtrai ne se revellaissent

plus. Quant il ot esté à Courtrai sis jours, il s’en

15ala à Donse et de là à Bruges, et s’i rafresqui environ

quinse jours. Et adont fist il un grant mandement partout

pour venir assegier la ville de Gaind, car toute

Flandres pour che tamps estoit apparillie à son commandement.

Si se parti li contes de Flandres de Bruges

20moult estofféement, et s’en vint mettre le siège devant

Gaind, et se loga en un lieu que on dist à la Biete.

Là vint messires Robers de Namur servir le conte à

une quantité de gens d’armes, enssi que il estoit

escrips et mandés, mais messires Guillaumes de Namur

25n’i estoit adont point, ains estoit en France deviers

le roi et le duc de Bourgongne. Che fu environ le Saint

Jehan Decollase que li sièges fu mis à Gaind, et estoit

marescaulx de toute l’ost de Flandres li sires d’Enghien

qui s’appelloit Gautiers, qui pour che tamps estoit

30jones, hardis et entreprendans, et ne resongnoit painne

[ne] peril qui li peuist avenir. Quoique li contes de

Flandres fust logiés devant Gaind à grant poissance,

[60] [si] ne pooit il si constraindre ceuls de la ville que il

n’euwissent trois ou quatre portes ouvertes, par quoi

tous vivres sans dangier leur venoient; et ossi chil de

Braibant, et par especial cil de Brousselles, leur estoient

5moult favourable. Ossi estoient li Liegois et leur mandoient

chil dou Liège pour eulx reconforter en leur

oppinion: «Bonnes gens de Gaind, nous savons bien

que pour le present vous avés moult à faire et estes

fort travilliet de vostre signeur le conte et des gentils

10hommes et dou demorant dou païs, dont nous sommes

moult courouchié; et sachiés que, se nous estions à

quatre ou à sis lieuwes près marchissans à vous, nous

vous ferions tel confort que on doit faire à ses bons

frères, amis et voisins, mais vous nous estes trop

15loing, et si est Braibans li païs entre vous et nous:

pour quoi il faut que nous nos souffrons, et pour ce,

se vous estes maintenant assegié, ne vous desconfortés

pas, car Dieux scet et toutes bonnes villes que vous

avés droit en ceste guerre. Si en vauldront vos besongnes

20mieux.» Enssi mandoient li Liegois à chiaulx

de Gaind, pour eulx donner bon confort.

§ 198. Li contes de Flandres avoit asegié la ville

de Gaind au lés deviers Bruges et deviers Courtrai,

car par devers Brouselle ne vers les Quatre Mestiers

25ne pooit il venir ne mettre le siège pour les grans

rivières qui i sont, le Lis et l’Escaut; et vous di, tout

consideré, Gaind est li une des plus fortes villes dou

monde, et i faudroit plus de deus cens mille hommes,

qui bien le voldroit assegier et clore tous les pas et les

30rivières, et encores fauroit il que leurs hoos fuissent

separées pour les rivières, ne au besoing il ne poroient

[61] conforter l’un l’autre, car il i a trop de peuple dedens

la ville de Gaind, et toutes gens de fait. Il se trouvoient

en che tamps, quant il regardoient à leurs besongnes,

quatre vins mille hommes tous aidables, portans armes

5desoulx soissante ans et deseure quinse ans.

Quant li contes eut esté à siège environ un mois

devant Gaind, et que ses gens et li sires d’Enghien

et li Hasses, ses fils, eurent fait pluiseurs escarmuces

et li jones senescaulx de Hainnau à chiaulx

10de Gaind, dont un jour perdoient et l’autre jour

gaaignoient, enssi que les aventures aportoient, il

fu conssiilliés que il envoieroit cheulx de Bruges et

ceulx de Ippre et de Popringhe escarmuchier à un

pas que on dist au Lonc Pont, et, se on pooit che pas

15gaaignier, che leur seroit trop grans pourfis, car il

enteroient ens es Quatre Mestiers, et si aprocheroient

Gaind de si priès comme il voldroient. Adont furent

cil ordonné pour aler à ce Lonc Pont, et en fu cappitains,

menères et conduissières uns moult entreprendans

20et hardis chevaliers, qui s’appelloit messires

Josses de Haluin: avoec lui i ot encores des chevaliers

et escuiers, mès messires Josses en estoit li chiés.

Quant cil de Bruges, d’Ippre et de Popringhe furent

venu à che pas que on dist au Lonc Pont, il ne le trouvèrent

25pas desgarni, mais pourveu de grant fuisson

de gens de Gaind, et i estoit Piètres dou Bois et Piètre

le Witre et Rasses de Harselle ou front devant. Là

commencha li escarmuce moult grande et moult

grosse, sitretos que les gens dou conte furent venu,

30et traioient canons et arbalestres de une part et d’autre

à effort, dont des quariaulx, tant des canons comme

des arbalestres, il en i ot pluiseurs mors et blechiés.

[62] Et trop bien s’i portèrent là li Gantois, car il i recullèrent

leurs ennemis et conquisent par force et par

armes le banière des orfèvres de Bruges, et fu jetté[e]

en l’aighe et là dedens touellie; et en i ot de ces

5orfèvres, et ossi i eult d’autres gens, grant fuisson de

mors et de blechiés, et par especial messires Josses

de Haluin i fu ocis, dont che fu damages. Et retournèrent

cil qui là furent envoiiet sans riens faire. Enssi

se portèrent li Gantois vaillanment.

10§ 199. Le siège estant devant Gaind par la manière

que li contes l’avoit assis, i eut fait pluiseurs escarmuces

autour de la ville, car li sires d’Enghien et li

senescaux de Hainau et li Haze de Flandres en trouvoient

à le fois à descouviert, dont il ne prendoient

15nulles raenchons, et à le fois il estoient rebouté si dur

que il n’avoient mies loissir de regarder derière iaulx.

Adont se requeillièrent en le ville de Gaind euls siis

mille de compaignons moult aidables, et eurent Rasse

de Harselle, Ernoul Clerc et Jehan de Launoit à cappitainnes,

20et se partirent de Gaind sans le dangier de

l’oost, et cheminèrent vers Alos, qui lors estoit une

ville bonne et bien fremée, et i avoit li contes mis en

garnisson pluiseurs chevaliers et escuiers. Mais, quant

cil de Gaind i furent venu, il s’i portèrent si vaillanment

25que par assault il le conquissent, et convint

messires Loeïs de Marbais, messires Godefrois de la

Tour et messires Phelippre le Jovene et pluiseurs

autres chevaliers et escuiers partir et vuidier hors par

la porte de Brouselles: autrement il euissent esté

30mort. Et fu adont par les Gantois Alos toute arsse,

portes et tout, et i conquissent moult grant pillage, et

[63] de là il vinrent devant Tenremonde, qui est forte ville;

mais adont par assaut il le conquissent, et i fu mors

messires Phelippres de Mamines. Et furent li Gantois

signeur de la ville et non pas dou castiel, car li sires

5de Widescot le tint vaillanment avoecques ses compaignons

contre eulx. Et de là vinrent li Gantois devant

Granmont, qui s’estoit nouvellement tournée deviers

le conte, par l’effort et tretiet dou signeur d’Enghien.

Ne sçai se il i eut traïsson ou autre cose, mais adont li

10Gantois i entrèrent de force, et en i ot de ceulx dedens

moult de mors, et, quant il eurent fait ces voiages, il

s’en retournèrent à Gaind à tout grant butinage et

grant pourfit.

§ 200. Quant li contes de Flandres veï que il perdoit

15son tamps à seoir devant Gaind, et, quoi que il

seïst là à grant frait et à grant painne pour li et pour

ses gens, cil de Gaind ne laissoient mies à issir ne à

ardoir le païs, et avoient conquis Alos, Tenremonde

et Granmont, si eut conseil que il se partiroit de là,

20car li iviers aproçoit. Si se departi et si renvoiia ses

gens en leurs maissons rafresquir, et envoiia le signeur

d’Enghien et le signeur de Montegni en Audenarde en

garnisson, et avoient sans les gens d’armes deus cens

bons archiers d’Engletière, dont on faissoit grant

25compte, et li contes s’en vint à Bruges; si fissent cil

signeur, qui en Audenarde se tenoient, pluiseurs belles

issues sus les Gantois, et estoient priès toudis sus les

camps, et ne pooit nuls aler à Gaind ne porter vivres

ne autres marchandisses, à painnes que il ne fust

30raconsieuois.

Quant li iviers fu passés, et che vint sus le març,

[64] li contes de Flandres rasambla toutes ses gens, et

manda ceuls de Ippre, de Courtrai, de Popringhe, dou

Dan, de l’Escluse et dou Franc, et se parti de Bruges

avoecques ceulx de Bruges, et s’en vint à Male; et là

5se tint une espasse de tamps, et fist de toutes ces

gens d’armes, encores avoec ceulx de Lille, de Douai

et de Audenarde, souverain cappitainne le signeur

d’Enghien. Les gens le conte, qui estoient bien vint

mille, sicomme on dissoit, se ordonnèrent pour venir

10devant Gauvres, où Jehans de Launoit se tenoit. Quant

Jehans seut le venue dou conte et des gens d’armes,

il le segnefia à Gaind à Rasse de Harselle, et li manda

que il fust confortés et que les gens le conte estoient

sus le païs. Rasses de Harselle asambla bien siis mille

15hommes de ceuls de Gaind, et se mist as camps vers

Gauvre, et ne trouva là point Jehan de Launoit, mais

le trouva à Donse, où il pilloit le païs d’autre part le

rivière. Adont se remissent il ensamble, et cheminèrent

che jour, et trouvèrent ceulx de Audenarde et de

20Donse qui en aloient devers le conte: si les asaillirent

et en ocirent bien sis cens, et n’estoit point li sires

d’Enghien en ceste compaignie, mais estoit allés deviers

le conte qui estoit logiés sus les camps entre Donse

et Bruges.

25Quant les nouvelles vinrent au conte et au signeur

d’Enghien que cil de Audenarde avoient recheu tel

damage, si en furent grandement courouchiet, et fu

adont ordonné que li sires d’Enghien se departiroit

atout quatre mille hommes, et s’en [venroit] à Gauvres

30là où on esperoit que Jehans de Launoit estoit, mès

estoit retrais à Gaind atout son pillage et son butin et

ses prisonniers, mais de ce n’avoit il mies grant fuisson.

[65] A l’endemain se departirent il, ils et Rasses de

Herselle, atout siis mille hommes, et eurent en pourpos

que d’aler à Donse; mais, quant il furent sus les

camps, [il tournèrent vers] Niewle, car on leur dist

5que li sires d’Enghien et bien quatre mille hommes i

estoient, et que li contes n’i estoit point encores

venus: si les voloient combatre.

Che propre jour que Rasses de Herselle issi de

Gaind, en issi ossi Piètres dou Bois atout siis mille

10hommes, et Ernoul Clerc en sa compaignie, et vinrent

ardoir les fourbours de Courtrai et abattre tous les

moulins qui estoient au dehors de Courtrai; et puis

s’en retournèrent vers Donse pour revenir à leurs

gens, mais che fu trop tart, car, quant Jehans de

15Launoit et Rasses de Herselle furent à Niewle, il trouvèrent

le conte et toute se poissance logiet sus les

camps, qui n’atendoit autre cose que il fuissent venu.

Enssi se trouvèrent ces deus hoos dou conte et des

Gantois sans ce que au matin il seuissent riens l’un de

20l’autre. Quant Rasses de Herselles et Jehans de Launoit

veïrent que combatre les convenoit, si ne s’effrèrent

point, mais se missent en bon convenant, et se

rengièrent sus les camps et se missent en trois batailles;

et en cascune bataille avoit deus mille hommes, tous

25hardis et aventureux compaignons des plus ables et

corrageus de la ville de Gaind, et otant en avoient

Piettres dou Bois et Ernoulx Clers, qui estoient sus le

païs, et riens ne savoient encores de ceste avenue que

leurs gens se deuissent combatre, et au departir de

30Gaind, il avoient pris ordenanche et convenant ensamble

que, se il trouveroient le conte et se poissance, il ne se

combateroient point l’un sans l’autre, car, cascune

[66] bataille à par li, il n’estoient point fort assés, et tout

ensamble il estoient fort assés pour combatre otant de

gens trois fois que il estoient. Et tout ce avoient il juret

et fianchiet ensamble Piètres dou Bois et Rasses; et

5au voir dire, Rasses euist bien arresté à non combatre

sitretos, se il vosist, car, se il se fust tenus en la ville

en attendant Piètre dou Bois, li contes ne ses gens ne

les euissent jamais là dedens requis; mais, sitretos

que Rasses sceut la venue dou conte, par orguel et

10par grandeur il se mist sus les camps, et dist en soi

meïsmes que il combateroit ses ennemis et en aroit

l’onneur sans attendre Piètre dou Bois ne les autres,

car il avoit si grant fiance en ses gens et si bonne esperance

en la fortune de ceulx de Gaind que vis li estoit

15que il ne pooit mies perdre, et bien monstra che jour

la grant volenté que il avoit de combatre, enssi comme

je vous recorderai presentement.

§ 201. Moult fu li contes de Flandres resjoïs, quant

il veï que Rasses de Herselle estoit issus de Nieule et

20trais sus les camps pour combatre: si fist ordonner

ses gens et mettre en bonne ordenance. Et estoient

environ vint mille hommes, toutes gens de fait; et i

avoit environ quinse cens lances, chevaliers et escuiers

de Flandres, de Hainau, de Braibant et d’Artois: là

25estoient de Hainnau, li sires d’Engien, mareschaulx

de l’oost, de sa route li sires de Montegni, messires

Mikieulx de le Hamède, li bastars d’Enghien, Gilles

dou Ris[oi], Huistin dou Lai et moult d’autres; et de

Hainnau encores, li sires de Lens et messires Jehans

30de [Berlaimont]; et de Flandres, li sires de Gistelles,

messires Guis de Gistelles, li sires d’Escornai, li sires

[67] de Hulut, li sires de Haluin et messires Daniiel de

Haluin, messires Thieris de Disquemue, messires

d’Estainnebourc, li sires de Grutus, messires Jehans Villains,

messires Gerars de Marquillies et pluiseurs

5autres; et là i ot fait aucuns chevaliers nouviaulx.

Et estoit en devant li jovenes senescaulx de Hainnau

mors sus son lit de la boce [à Obies] dalés Mortaigne,

car il i euist esté. Si fist li contes de Flandres

cinc batailles, et en cascune mist quatre mille hommes:

10là estoient il en grant vollenté de courir sus les ennemis;

et porta che jour li sires de Lieureghem la

banière dou conte de Flandres. Toutes ces batailles

faittes et ces ordenances, il aprocièrent, les cinc

batailles contre les trois; mais de commenchement il

15n’en i ot que trois de la partie dou conte qui aprochaissent

ne asamblaissent, car les deus estoient sus

elle pour reconforter les branllans. Là estoit li contes

en present, qui les prioit et amonnestoit de bien faire

et de prendre vengance de ces esragiés de Gaind, qui

20leur avoient fait tant de painne, et dissoit bien à ceulx

des bonnes villes: «Soiiés tout seur, se vous fuiés,

vous serés mieux mort que devant, car sans merci je

vous ferai tous trenchier les testes.» Et mist li contes

ceulx de Bruges en la première bataille, et ceulx dou

25Franc en la seconde, et ceulx de Ippre et de Courtrai

en la tierce, et ceulx de Popringhe, de Berghes, de

Cassiel et de Bourbourc en la quarte, et il avoit retenu

dallés li ceulx de Lille, de Douai et de Audenarde.

Or s’asamblèrent ces batailles, et vinrent l’un contre

30l’autre. Rasses de Herselle avoit la première bataille,

car c’estoit li plus outrageus, hardis et entreprendans

des aultres, et pour ce voloit il estre des premiers

[68] asaillans et avoir ent l’onneur, se point [en] i ceoit,

et s’en vint asambler à ceuls de Bruges, que li sires

de Gistelles et si frère menoient. Là eut, je vous dis,

grant bouteïs et grant poussis de premières venues:

5ossi d’autre part les aultres batailles asamblèrent. Là

en i ot pluiseurs reversés à ce commencement de une

part et d’autre, et i faissoient li Gantois des grans

appertisses d’armes; mais cil dou conte estoient trop

plus grant fuisson: quatre contre un. Là ot bon bouteïs

10et qui longuement dura, anchois que on peuist

veoir ne savoir qui en aroit le milleur, et se missent

toutes ces batailles ensamble. Là crioit on: «Flandres

au lion!» en reconfortant les gens le conte; et li

autre crioient à haute vois: «Gaind! Gaind!» Et fu

15tel fois que les gens le conte furent en aventure de

tout perdre, et, se il euissent perdu terre, il estoient

desconffi et mort sans recouvrier, car Piètres dou

Bois et bien sis mille hommes estoient sus les camps,

qui bien les veoient combatre, mais il ne les pooient

20conforter pour un grant plassiet d’aige et de marès,

qui estoit entre eulx et les combatans; mais, se li

contes euist perdu ce jour et que ses gens euissent fui

par cause de desconfiture, Piettres dou Bois leur fust

saillis au devant et les euist eu à volenté, ne ja piés

25n’en fust escappés, ne contes ne autres, que tout

n’euissent esté mort sus le place ou en cace; dont

c’euist esté grant damage, car en Flandres n’euist eu

point de recouvrier.

§ 202. Rasses de Herselle et Jehans de Launoit ne

30l’eurent mies d’avantage à asaillir les gens le conte,

car li contes avoit là grant fuisson de bonne chevalerie

[69] et ses commugnes de Bruges, d’Ippre, de Courtrai,

d’Audenarde, dou Dan, de l’Escluse et dou Franc de

Bruges, et estoient les gens dou conte quatre contre

un des Gantois; dont il avint que, quant les batailles

5dou conte furent toutes remisses ensamble, il i ot

grant gent, et ne les peurent souffrir li Gantois, mais

se ouvrirent et recullèrent viers la ville, et li chevalier

et li gent dou conte les commenchièrent fort à aprochier

et à desrompre. Sitos que il les eurent ouviers,

10il entrèrent ens; si les abatoient et les tuoient à

mons.

Adont se retraïssent li Gantois vers le moustier de

Nieule, qui estoit fors, et là se rasamblèrent, et i eut

grant bataille et grant occision des Gantois au rentrer

15ou moustier. Jehans de Launoit, comme tous esbahis

et desconfis, entra ou moustier, et pour li sauver il se

bouta en une grosse tour dou clocier, et cil qui peurent

de ses gens avoecques li; et Rasses de Herselle

demora dehors, qui gardoit l’uis et requelloit ses gens,

20et fist à l’uis grant fuisson d’apertisses d’armes, mais

finablement il fu efforchiés et ferus de une longue

picque tout oultre le corps, et là abatus et tantos paroccis.

Enssi fina Rasses de Herselle, qui avoit esté uns

grans cappitains en Gaind contre le conte, et que li

25Gantois amoient moult pour son sens et pour sa

proèce; mais de ses vaillances il en eut en fin che

leuwier.

Quant li contes de Flandres fu venus en la place

devant le moustier, et il veï que li Gantois se requelloient

30là dedens et estoient requelliet, il commanda à

bouter le feu ou moustier et tout ardoir. Ses commandemens

fu tantos fais, et li feus aportés et grant fuisson

[70] d’estrain et de velourdes que on mist et [apoia] tout

autour dou moustier, et puis bouta on le feu dedens.

Chils feus monta tantos amont, qui s’esprist ens es

couvretures dou moustier: là moroient li Gantois qui

5estoient ou moutier à grant martire, car il estoient

ars, et, se il issoient hors, il estoient esboullé et

regetté ou feu. Jehans de Launoit, qui estoit ou cloquier,

se veoit ou point de la mort et estre tous ars,

car li cloquiers s’esprendoit à ardoir: si crioit à ceulx

10qui estoient bas: «Raenchon! Raenchon!» et offroit

sa taisse, qui estoit toute plaine de florins, mais on

n’en faissoit que rire et galler, et li dissoit on: «Jehan,

Jehan, venés cha par ces fenestres parler à nous, et

nous vous requellerons. Faites le biau saut, enssi que

15vous avés euwan fait saillir les nostres; il vous convient

faire che saut.» Jehans de Launoi[t], qui se

veoit en tel parti et que ce estoit sans remède et que

li feus le quoitoit de si priès que il convenoit que il fust

ars, entra en hideurs et avoit plus chier à estre ocis

20que ars; et il fu l’un et l’autre, car il sailli hors par les

fenestres enmi eulx, et là fu requelliés à glaves et à

espées, et detrenchiés, et puis jettés ou feu. Enssi fina

Jehans de Launoit.

§ 203. De bien siis mille hommes que Rasses de

25Herselle et Jehans de Launoit, de la ville de Gaind ou

de environ Gand, qui servoient les Gantois pour leur

argent, avoient là amenet, il n’en escapèrent point

trois cens, que tout ne fuissent mort sur les camps

ou en la ville, ou ars ou moustier; ne onques Piètres

30dou Bos, qui avoit une grosse bataille sus les camps,

ne les peut aidier, car entre sa bataille et les gens de

[71] Rasse, qui se combatoient et qui mort estoient, avoit

un grant plasquier tout plain d’aige et grans marescages,

par quoi il ne pooient venir jusques à eulx. Si

se parti de sa place à toutes ses gens bien rengiet et

5bien ordonné en une bataille, et dist: «Alons ent tout

le pas nostre chemin vers Gand. Rasses de Herselle et

Jehans de Launoit et nos gens ont mal exploitié: il

sont desconfit; je ne sai que il nous avenra, se nous

somme[s] poursieuwi ne asailli des gens le conte. Si

10nous tenons tout ensamble et nous vendons et combatons

vaillanment, enssi que bonnes gens qui se combatent

sur leur droit.» Il respondirent, cil qui l’oïrent:

«Nous le volons.» Lors se partirent il de là et se

missent au chemin pour venir vers Gaind en une

15belle bataille rengie et serée. Li fuiant aucun, qui

escappé estoient de la bataille de Nieulle, se retournèrent

vers Gaind et rentrèrent tout effraé, enssi que

gens desconfis, en la ville, et recordèrent ceste dure

aventure comment Rasses de Herselle et Jehans de

20Launoit et leurs gens estoient desconfit et mort par

bataille à Nieulle. Cil de Gand pour ces nouvelles

furent durement effraé et courouchié pour la mort de

Rasse, car mout l’amoient et grant fiance en lui ent

avoient, car il l’avoient trouvé bon cappitaine et loial,

25et, pour ce que Rasses estoient gentils homs, fils de

signeur et de dame, et que ils les avoit servis pour

leur argent, tant l’avoient il plus amé et honnouré.

Si demandèrent as fuians qui retournoient: «Dites

nous et où estoit Piètres dou Bos, entrues que vous

30vos combatiés?» Cil, qui point ne l’avoient veut ne

qui de lui nulles nouvelles ne savoient, respondoient:

«Nous n’en savons riens, ne point veut ne l’avons.»

[72] Lors commenchièrent aucunes gens en Gaind à murmurer

sur Piètre dou Bos et à dire que mal s’en estoit

acquités, quant il n’avoit estet à le bataille, qui avoit

sis ou sept mille homme tous armés; et eurent adont

5li Gantois, qui en la ville estoient et qui le gouvrenement

en avoient, en pourpos que, che Piètre lui revenu,

il l’ochiroient, et puis au conte leur signeur s’apointeroient

et accorderoient, et se meteroient dou tout

en sa merchi. Je croi que, se il euissent enssi fait, il

10eussent bien ouvret et fuissent legierement venut à

pais, mais point ne le fissent, dont il le comparèrent

depuis, et ossi fist toute Flandres; ne encores n’estoit

point la cose à che jour là où elle devoit estre ne li

grans maus de Flandres sanchiés, enssi comme il fu

15depuis et sicom je vous recorderai avant en l’istoire.

[A]près la desconfiture des Gantois, qui furent pour

che jour mort et desconfit à Nieule, et Rasses de Herselle

et Jehans de Launoit mort, li contes de Flandres

entendi que Piètres dou Bos et une bataille de Gantois

20estoient sus les camps et s’en raloient à Gaind; adont

s’arresta li contes et demanda conseil à ses chevaliers

se on les iroit combatre. On li respondi en conseil que

pour ce jour on en avoit assés fait et que ses gens

estoient tout lassé, et les convenoit reposser. «Mais,

25sire, che seroit bon que de cinc cens ou sis cens

hommes d’armes, tous bien monté, vous les fesissiés

poursieuir, pour savoir leur convenant. Il poroient

bien che soir gesir en tel lieu que nous seriens à leur

logement.» Li contes s’enclina à ce conseil et fist

30enssi. Tantost furent ordonné cil qui seroient en ceste

chevauchie, et en fu li sires d’Enghien menères et

souverains: si montèrent environ cinc cens lances as

[73] chevaulx et se departirent de Nieulle et dou conte, et

prissent les camps, et chevauchièrent à le couverte

pour veoir les Gantois; et tant alèrent que il les veïrent

avaler un tierne, et estoient tout serré et en bon

5convenant, et cheminoient le bon pas sans iaulx desrouter.

Li sires d’Enghien et sa route les poursieuoient

de loing et sour costé. Piètres dou Bos et les Gantois

les veoient bien, mais nul samblant de iaulx desrouter

ne faissoient, et dissoit Piètres dou Bos: «Alons toudis

10nostre chemin et le bon pas, et point ne nous

desroutons, et, se il se boutent en nous, nous les

requellerons; mais je croi bien que il n’en ont nulle

vollenté.» Enssi cheminèrent il li un et li autre sans

rien faire jusques à Gaind, que li sires d’Enghien

15retourna deviers le conte, et Piètres dou Bos et ses

gens rentrèrent en Gaind. Adont fu Piètres aquelliés

de plait et sus le point d’estre là ochis pour la

cause de che que il n’[avoit] autrement confortet

Rasse et [ses] gens. Piètres s’escusa, et de voir, et

20dist que il avoit bien mandé à Rasse que nullement il

ne se combatesist sans li, car li contes estoit trop

poissanment sus les camps, et il fist tout le contraire:

«Se il l’en est mesavenu, je ne le puis amender,

et sachiés que je sui ossi dollans de la mort Rasse

25que nuls poeut estre, car la ville de Gaind i a perdu

un très bon et sage cappitainne: si nous en fault

requerre un aultre, ou nous mettre dou tout en la

volenté et obeïssance dou conte, qui nous fera tous

morir de malle mort. Regardés lequel vous vollés

30faire: ou perseverer en che que vous avés commenchié,

ou mettre en la vollenté et merchi de monsigneur.»

Piètres ne fu adont point respondus, mais

[74] tant que de la bataille et avenue de Nieulle et de la

mort de Rasse il fu excusés et descouppés. Dont ce

que on ne le respondi point, il se contempta mal,

et sus aucuns grans bourgois qui là present estoient,

5li plus riche et li plus notable de la ville, tels que sire

Ghisebrest Grute et sire Simon Bete, il n’en fist

adont nul samblant, mais il leur remonstra durement

en l’anée, enssi que vous orés recorder avant

en l’istoire.

10§ 204. Quant li sires d’Enghien et li sires de Montegni,

li Haseles de Flandres et leurs routes furent

retourné à Nieulle devers le conte, et il eurent recordé

ce que il avoient veu, li contes se departi de Nieule

et s’en retourna vers Bruges, et ren[v]oiia ses bonnes

15villes et ceulx dou Franc, et le signeur d’Enghien et

les Hainnuiers en garnison en Audenarde.

Quant cil de Gaind entendirent que li contes estoit

retrais en Bruges et que il avoit donnet congiet toutes

ses gens, si se resmurent par l’esmouvement de Piètre

20dou Bos, qui leur dist: «Alons devant Courtrai et

ne nous refroidons point de faire guerre; monstrons

que nous sommes gens de fait et d’emprise.» Adont

se departirent il de Gand plus de quinse mille, et

s’en vinrent moult estofféement devant Courtrai et i

25missent siège, le feste et le pourcession de Bruges seant,

l’an mil trois cens quatre vint et un; et furent là dis

jours, et ardirent tous les fourbourgs de Courtrai et

le païs d’environ. Quant li contes en sot nouvelles, il

remanda tous ses gentils hommes et ceulx des garnissons

30et les communs d’Ippre et dou Franc, et se

departi de Bruges avoec ceuls de Bruges, et se

[75] trouvèrent sour les camps plus de vint et cinc mille. Dont

se missent il au chemin pour venir vers Courtrai et

combatre les Gantois et lever le siège.

Quant Piètres dou Bos et li Gantois entendirent que

5li contes venoit vers euls si efforchiement, si n’eurent

mies conseil que de l’attendre là [à siège], et se

departirent et s’en allèrent logier à Donse et à Nieulle,

et dissent que là il atenderoient le conte et segnefieroient

leur estat à ceulx de Gaind et remanderoient

10l’arière ban pour estre plus fort et plus de gens. Si

se departirent de Gaind bien encores quinse mille

hommes, et s’en vinrent devers leurs gens à Nieule

et à Donse, et se logièrent tout sur les camps, en

attendant le conte. Quant li contes fu venus à Herlebèque,

15dallés Courtrai, il entendi que li Gantois estoient

parti de là et retrait vers Gaind et logiet à Donse et à

Nieule. Si n’eut mies li contes conseil adont dou poursieuir,

et donna congiet ses gens d’armes et ses commugnes,

et en laissa une grant quantité à Courtrai,

20et renvoia le signeur d’Enghien et les Hainuiers et son

fils bastart le Halse en Audenarde en garnisson.

Quant Piètres dou Bos et li Gantois veïrent que li

contes ne venoit point vers eulx, si se departirent de

Donse et de Nieule, et prissent le lonc chemin par

25devers Audenarde pour revenir par là à Gand. Si

envoiièrent, che jour que il passèrent vers Audenarde,

une quantité de leurs gens, desquels Ernouls Clers

estoit cappitains, et s’en vinrent cil escarmuchier

jusques as bailles de la ville. Li chevalier et li escuier,

30qui là dedens estoient, ne se peurent astenir que il ne

venissent escarmuchier à iaulx; et en i ot des mors

et des bleciés de une part et d’autre. A celle fois cil

[76] de Gaind ne conquestèrent point plenté à l’escarmuche,

et s’en partirent et s’en retournèrent avoecques leurs

gens à Gand, et se retraït cascuns en sa maison.

Trois jours apriès, fu ordonnés Ernouls Clerc à

5venir à Gauvres atout douse cens des Blans Capprons,

et li fu li castiaulx et la castelerie de Gauvres baillie

par manière de garnisson pour faire frontière à ceulx

d’Audenarde. Si i vint Ernouls Clers à toute sa route

et se tint là, gaires ne fu che mies. Quant il entendi

10que aucun chevalier et escuier qui estoient en Audenarde

estoient issu hors à l’aventure, adont se departi

il de Gauvres avoecques ses gens, et estoient bien en

nombre quinse cens. Si se missent en enbusque sour

ceuls qui au matin estoient issu hors d’Audenarde, li

15sires d’Escornai, li sires de Ramseflies, messires Jehans

Villains, [li sires de Lieureghen], li Gallois de [Mamines],

li bastars d’Escornai, messires Blanchart de Calonne

et pluiseur autre. Enssi que cil chevalier et escuier

qui avoient pris leur retour, s’en revenoient à Audenarde,

20Ernouls Clers et li embusque leur sailli au

devant: là en i ot des ratains et des rués jus et

ochis, car il ne prendoient nullui à merchi. Là vinrent

as chevaliers et as escuiers li cheval bien à point,

car il brochièrent des esperons et retournèrent vers

25Audenarde, et, enssi que il venoient devant les bailles,

il descendoient et se mettoient à d[eff]ense et atendoient

leurs gens et leurs vallès, mais il ne peurent

onques si nettement rentrer en la ville que il n’en i

eust mors et bleciés plus de soissante. Et, quant il

30eurent faite leur empainte, Ernouls Clers retourna che

soir à une abbeïe priès de là, que on nomme Eham:

si trouvèrent cil Gantois en la ville d’Eham Pière de

[77] [Stinehus] et le Galois de Mamines et environ cent

compaignons de leur route. Si assallirent l’abbie où

il estoient trait: à grant dur se sauva li Gallois de

Mamines, et se parti par derière et entra en un batiel,

5et s’en vint celle nuit à Audenarde et compta au signeur

d’Enghien, au signeur de Montegni, à messire Daniel

de Haluin et as chevaliers qui là estoient, comment

ce soir Ernouls Clers et li Blanc Cappron estoient entré

en l’abbeïe d’Eham et avoient ochis leurs compaignons,

10et bien penssoit que Pières de Stinehus estoit mors,

et voirement le fu il, car Ernouls Clers et ses gens le

fissent sallir jus de une[s] phenestres enmi le place, et

le requellièrent à glaves, et le ochirent, dont che fu

grans damages.

15§ 205. Quant li chevalier, qui en Audenarde se

tenoient, entendirent que Ernoulx Clers et li Blanc

Cappron environ douse cens, que il avoit adont de

sa carge, estoient aresté à Eham, et mort leurs compaignons

et pris l’abbeïe, si en furent moult courouchié,

20et avissèrent que il envoiieroient celle nuit leurs

espies celle part, pour savoir se à l’endemain il i seroient

trouvet. Enssi comme il l’ordonnèrent il le fissent. Leurs

espies reportèrent au matin que li Blanc Cappron s’ordonnoient

pour demorer là che jour, dont li signeur

25furent resjoï. Adont s’armèrent li sires d’Enghien, li

sires de Montegni, li sires de Lens, li sires de Brifuel,

messires Mikieulx de le Hamaide et plus de cent chevaliers

et escuiers de Hainnau et bien otant de

Flandres, et se departirent de Audenarde environ trois

30cens lanches et plus de mille que arbalestriers que

gros vallès, et vinrent à Eham. Quant il deurent

[78] aprochier Eham, il envoièrent devant messire Daniel de

Haluin à cent lances, pour commenchier le hustin et

atraire hors de l’abbeïe Ernoul Clerc, et ossi pour

attendre les gros varllés et arbalestriers qui venoient

5tout de piet, et pour euls mettre en ordenance. Messires

Daniel et li sires de Disquemue et li Hases de

Flandres s’en coururent devant esperonnant, et entrèrent

en la place devant l’abbeïe d’Eham en escriant:

«Flandres au lion au bastart!» Cil Gantois ne se

10donnoient garde de celle enbusque, car il estoit encores

assés matin; si n’estoient mis tout aparilliet. Nonpourquant

chil qui [avoient] fait le gait le nuit, se missent

ensamble et requellièrent et ensonniièrent les chevaliers

et leurs gens qui là venoient, et entrues s’armoient

15li autre. Avant que Ernoulx Clers peust avoir

remis tous ses gens ensamble, li sires d’Enghien, li

sires de Lens, li sires de Briffuel, li sires d’Escornai,

li sires de Montegni et leur bataille entrèrent par

derière en la ville en escriant: «Enghien au signeur!»

20et se boutèrent de grant volenté en ces Gantois et ces

Blans Capprons, qui noient ne du[rè]rent, mais s’ouvrirent,

et ne tinrent onques point de conroi ne d’ordonnance.

Des douse cens en i ot bien mors, que là

qu’en l’abbeïe que sus les camps, onse cens, et i fu

25ochis Ernouls Clers en fuiant et ferus de deus pickes

tout parmi le cors et là apoiiés contre une haie. Après

ceste desconfiture retournèrent li sires d’Enghien et

li chevalier en Audenarde, et tinrent ceste besongne à

grant proèche. Et sachiés que li contes de Flandres,

30qui pour ce tamps se tenoit à Bruges, quant il en

sceut les nouvelles, en fu grandement resjoïs, et dist

dou signeur d’Enghien: «Par ma foi, il i a en lui un

[79] bon enfant et qui sera encores vaillant homme.» Au

voir dire dou signeur d’Enghien, c’estoit tous li coers

dou conte de Flandres, et ne l’appelloit mies li contes

de Flandres son cousin, mais son biau fil.

5§ 206. Quant les nouvelles furent venues à Gand

que Ernous Clers estoit mors et leurs gens desconfis,

si se commenchièrent li pluiseur à esbahir et à dire

entre iaulx: «Nos besongnes se portent mal; petit à

petit, on nous ochist nos capitainnes et nos gens; nous

10avons mal exploitié de avoir esmeu guerre contre no

signeur le conte, car il nous usera tous petit à petit.

A mal nous retoura les haïnes de Gisebrest Mahieu et

de Jehan Lion; nous avons trop soustenu et eslevé les

oppinions de Jehan Lion et de Piètre dou Bos: il nous

15ont bouté si avant en ceste guerre et en ceste haïne

envers le conte, nostre signeur, que nous n’i poons

ne savons trouver voie de merci ne de pais. Encores

vauroit il mieux que vint ou trente le comparaissent

que toute la ville.» Enssi dissoient li pluiseur en requoi

20l’un à l’autre, car generaument n’estoi[t] ce mies, pour

le doubtance des mauvais, qui estoient tout de une

sexte et qui s’eslevoient en poissance de jour en jour,

qui en devant estoient povre compaignon et sans nulle

chavance; ores avoient il or et argent assés, car, quant

25il leur en falloit et il s’en complaindoient as leurs cappitaines,

il estoient oï et tantost conforté, car on avissoit

aucuns simples hommes et riches en la ville, et

leur disoit on: «Alés, et [si] dites à tels et à tels que

il viengnent parler à nous.» On les aloit querre: il

30venoient (il n’osaissent contrester); là leur estoit dit:

«Il fault [à] la bonne ville de Gand à present finance

[80] pour paiier nos saudoiiers qui aident à garder et à

deffendre nos juridicions et nos francisses; il fault

vivre les compaignons.» Et là metoient avant finance

toute celle que on leur demandoit, car, se il desissent

5dou non, il fuissent tantos mors, et les amesist on

que il fuissent traïtre à la ville de Gaind et que il ne

vosissent mies l’onneur et le pourfit de la ville. Enssi

estoient li garçon et li mauvais maistre et furent tant

que la guerre dura entre eulx et le conte, leur signeur;

10et, au voir dire, se li rice et li noble en la ville de

Gaind estoient batu de tels verghes, on ne les en

devoit ou doit point plaindre, ne il ne se poeuent

excuser par leur record meïsmes que il ne fuissent

cause de ces fourfais. Raison pour quoi? Quant li

15contes de Flandres leur envoia son baillieu, pour constraindre

et justichier aucuns rebelles et mauvais, ne

pooient il tout demorer dallés lui et avoir conforté à

faire justice? Liquel i furent? on en i trueve petit. Il

avoient ossi chier, à ce que il monstrèrent, que la cose

20alast mal que bien et que il eussent guerre à leur

signeur que pais, et bien pooient sentir et congnoistre

que, se il faissoient [guerre], povres gens et mescheans

gens [seroient] signeur de leur ville [et] seroient leur

maistre, et ne les en osteroient mies quant il vorroient,

25enssi comme il en est avenu. Jehans de le Faucille,

par li dissimuller et partir de la ville de Gaind et venir

demorer en Hainnau, s’en cuida purgier et oster, et

que des haïnes de Flandres, tant dou conte son signeur

que de la ville de Gaind, dont il estoit de nation, il

30n’en fust en riens demandés; mais si fu, dont il morut.

Et vraiement che fu damages, car cils Jehans de le

Faucille, en son tamps, fu uns sages et très notables

[81] homs; mais on ne poeut à present clopiier devant

[boiteux, c’est à dire devant] les signeurs ne leurs

consaulx: il i voient trop cler. Il avoit bien sceu

les aultres aidier et consillier, et de li meïsmes il

5ne sceut prendre le milleur chemin: je ne sai de

verité se des articles, dont il fut amis de messire

Simon Rin ou chastiel de Lille, il fu coulpables,

mais li chevalier, avoeecq le perverse fortune de li,

qui tourna tout à un fais sour li, le menèrent si avant

10qu’il en morut. Et ossi ont fait toutes les cappitainnes

de Gand, ou quoiement ou ouvertement, qui ont tenu

et soustenu rebellion encontre leur signeur, et ossi

ont moult d’autres gens de la ville de Gand, meïsmement

ceulx, espoir, qui couppe n’i avoient, sicom

15vous orés recorder de point en point en l’istoire chi

après.

§ 207. Quant Piètres dou Bos veï que la ville de

Gaind afoiblissoit de cappitainnes, et se trouvoit enssi

que tous seux, et que li riche homme se commenchoient

20à taner et à lasser de la guerre, si se doubta trop fort

et imagina que, se par nul moiien dou monde pais se

faissoit entre le conte et la ville de Gaind, quels traitiés

ne quels loiens de pais ne d’acord que il i eust,

il convenoit que il i mesist la vie. [Si] li ala souvenir

25et souvenoit souvent de Jehan Lion, qui fu ses maistres,

et par quel art il avoit ouvret; il veoit bien que ils tous

seuls ne pooit avoir tant de sens ne de poissance que

de gouvrener le ville de Gaind, et n’en voloit mies

avoir le principal fais, mais il volloit bien de toutes les

30folles emprisses couvertement avoir le soing. Si se

avissa adont d’un homme de quoi en la ville de Gaind

[82] on ne se donnoit garde, sage jovene homme assés,

mais ses sens n’estoit point congneus ne on n’en avoit

eu jusques à che jour que faire. Et celli on appelloit

Phelippre d’Artevelle, et fu fils anchiennement de

5Jaque d’Artevelle, lequel, en son tamps, eut sept ans

tout le gouvrenement de le conté de Flandres; et avoit

cils Piètres dou Bos trop de fois oï recorder Jehan

Lion, son maistre, et les anchiiens de Gaind, que

onques li païs de Flandres ne fu si cremus, si amés

10ne si honnourés que le tams que Jaques d’Artevelle en

ot le gouvrenement, et encores dissoient li Gantois

tous les jours: «Se Jaques d’Artevelle vivoit, nos

cosses seroient en boin estat, nous ariens pais à nostre

vollenté, et seroit nos sires li contes tous liés, quant il

15nous poroit tout pardonner.» Piètres dou Bos s’avisa

de soi meïsmes sur ces parolles et regarda que Jaques

d’Artevelle avoit un fil qui s’appelloit Phelippe, assés

convegnable et gracieux homme, que la roïne d’Engletière

Phelippe avoit anchienement, dou tamps que

20elle reposoit à Gand et que li sièges fu devant Tournai,

levé sus fons, et contre la roïne il ot à non Phelippes.

Piètres dou Bos s’en vint un soir chiés ce Phelippe,

qui demoroit avoecques sa damoiselle de mère,

et vivoient de leurs rentes tout bellement. Piètres dou

25Bos s’aquinta de lui de parolles, et puis li ouvri la

matère pour quoi il estoit là venus, et li dist enssi:

«Phelippe, se vous vollés entendre à mes parolles et

croire mon conseil, je vous ferai le plus grant de toutes

Flandres.»—«Comment le me ferés vous? dist

30Phelippes.»—«Je le vous ferai par telle manière, dist

Piètres dou Bos, [que] vous arés le gouvrenement et la

menistration de la ville de Gaind, car nous sommes en

[83] present en grant necessité de avoir un souverain cappitainne

de bon non et de bonne renommée, et vos

pères, Jaques d’Artevelle, resusite maintenant en

ceste ville par le bonne memore de li, et dient toutes

5gens, et il dient voir, que onques li païs de Flandres

ne fu si bien gouvrenés, tant amés ne tant cremus ne

honnourés comme il fu de son vivant. Legierement

vous meterai en son lieu, se vous volés, et, quant

vous i serés, vous vous ordonnerés par mon conseil,

10tant que vous arés apris la manière et le [stille] dou

fait, ce que vous arés apris tantos.» Phelippes, qui

avoit eage de homme et qui par nature desiroit à estre

avanchiés et honnourés et avoir de la chavance plus

qu’il n’eust, respondi: «Piètre, vous me offrés grant

15cose, et je vous en crerai; et, se je sui en l’estat que

vous me dites, je vous jur par ma foi que je ne ferai ja

riens hors de vostre conseil.» Respondi Piètres dou

Bos: «Sarés vous faire le cruel et le hauster? car

uns sires, entre communs et par especial à ce que nous

20avons à faire, ne vault riens, se il n’est cremus et

redoubtés et renommés à le fois de cruauté. Enssi

voellent Flament estre mené, ne on ne doit entre euls

[tenir] conte de vies d’ommes ne avoir pité nient

plus que des arondiaulx ou aloettes, c’on prent en leur

25saisson pour mengier.»—«Par ma foi! respondi

Phelippes, je sarai bien tout ce faire.»—«Et c’est

bien, dist Piètres, et vous serés tels que je pensse,

souverains de tous les autres.» A ces mos, il prist

congiet de li, et se parti de son hostel et retourna

30[au] sien.

La nuit passa, li jours vint: Piètres dou Bos s’en

vint en une place où il avoit plus de trois mille hommes

[84] de ceulx de sa sexte et des autres, qui là estoient

asamblé pour oïr nouvelles et pour savoir comment

on se ordonneroit et qui on feroit à cappitainne. Et là

estoit li sires de Hersselles, par lequel en partie des

5besongnes dedentrainnes de Gaind on usoit, mais de

aler au dehors il ne s’en voloit de riens ensongniier ne

traitiier. Là nommoit on aucuns hommes de la ville,

et Piètres dou Bos escoutoit tout. Quant il ot assés oï

parler, il esleva sa vois et dist: «Signeur, je croi

10bien que ce que vous dites est par grant afection et

deliberation de corage que vous avés à garder l’onneur

et le pourfit de la bonne ville de Gaind, et que cil que

vous nommés sont bien idone et merite d’avoir une

partie dou gouvrenement de la ville de Gaind, mais

15j’en sai un qui point n’i vise ne ne pensse, que, se il

s’en voloit ensongniier, il n’i poroit avoir plus propisce

ne de milleur non.» Dont fu Piètres dou Bos requis

que il vosist celi nommer; il le nomma et dist: «C’est

Phelippes d’Artevelle, qui fu tenus as fons en l’eglise

20de Saint Pière de Gaind de la noble roïne d’Engletière,

que on appella Phelippe, et qui fu sa marine, en che

tamps que ses pères, Jaques d’Artevelle, seoit devant

Tournai avoecques le roi d’Engletière, le duc de Braibant,

le duc de Guerlles et le conte de Hainnau, liquels

25Jaques d’Artevelle, ses pères, gouvrena en son tamps

la ville de Gaind et le païs de Flandres si très bien

que onques puis ne fu si bien gouvrenés, à ce que

j’en ai [oï] et oc encores recorder tous les jours

les anchiens qui le connissance en eurent, ne ne fu

30onques si bien tenus ne gardés en droit que il fu de

son tamps, car Flandres estoit un tamps toute perdue,

quant par son grant sens et l’eur de li il le recouvra.

[85] Et sachiés que nous devons mieux amer les branques

et les membres qui viennent de si vaillant homme qui

fu que de nul autre.» Sitost que Piètres dou Bos ot

dist ceste parolle, Phelippes d’Artevelle entra en toutes

5manières de gens si en corage que on dist tout de une

vois: «On le voist, on le voist querre! Nous ne volons

autre.»—«Nenil, dist Piètres [dou Bos], nous ne

l’envoierons point querre. Il vault bien que on voist

vers li; encores ne savons nous comment il se vaura

10maintenir ne de nous soi ensonniier.»

§ 208. A ces mos, se missent tout cil, qui là estoient,

et encores plus assés, qui les sieuoient, au chemin, et

vinrent vers le maison Phelippe, qui de leur venue

estoit tous avissés. Li sires de Herselles, Piètres dou

15Bos, Piètres le Wintre et environ dis ou douse des

doiiens des mestiers entrèrent en sa maisson et là [li]

requesrent et li remonstrèrent comment la bonne ville

de Gaind estoit en grant dangier d’avoir un souverain

cappitaine, auquel hors et ens on se peust raloiier, et

20que toutes manières de gens demorant en Gaind li

donnoient leur vois et l’avoient avisset à estre leur

souverains cappitains, car li recorps de son boin nom,

et pour l’amour de son bon père, leur ceoit mieux en

la bouce que de nul autre: pour quoi il li prioient

25affectueusement que de bonne volenté il se vausist

emprendre d’avoir le gouvrenement de la ville et le

fais des besongnes ens et hors; et il li juroient foi et

loiaulté [enterinement] comme à leur signeur, et

feroient toutes gens, com grans qu’il fuissent en la

30ville, venir à son obeïssance. Phelippes entendi bien

toutes leurs requestes et parolles, et puis moult

[86] sagement il respondi et dist enssi: «Signeur, vous me

requerés de grant cose, et, espoir, vous ne penssés

mie bien le fais tel comme il est, quant vous vollés que

je aie le gouvrenement de la ville de Gaind. Vous dites

5que l’amour que vostre predicesseur eurent à mon père

vous i atrait: quant il eut fait tous les plus biaus services

comme il peut, il l’ochirent. Se je emprendoie le

gouvrenement tel que vous dites, et j’en fuisse enfin

ochis, j’en aroie petit leuwier et povre guerredon.»

10—«Phelippe, dist Piètres dou Bos, qui happa la parolle et

qui estoit li plus doubtés, ce qui est passé ne poet on

recouvrer. Vous ouverés par conseil et vous serés

tousjours si bien consilliés que toutes gens se loeront

de vous.» Respondi Phelippes: «Je ne le vorroie

15mie faire autrement.» Adont fu il là eslevés entre eus

et amenés ou marchiet et là sermentés; et il sermenta

ossi les maieurs et les eschievins et tous les doiens de

Gaind. Enssi fu Phelippes d’Artevelle souverains cappitains

de Gaind, et aquist en ce commenchement

20grant grace, car il parloit à toutes gens, qui [à lui] à

besoingnier avoient, doucement et sagement, et fist tant

que tout l’amoient, et, une partie des revenues que li

contes de Flandres a en le ville de Gaind de sen hiretage,

il les fist distribuer au signeur de Herselles, pour

25cause de gentillèce et pour parmaintenir au chevalier

son estat, car, tout ce qu’il avoit en Flandres hors de

la ville de Gaind, il avoit tout perdu.

Nous nos soufferons un petit à parler des matères

de Flandres, et parlerons des besongnes d’Engletière

30et de Portingal.

§ 209. Vous avés bien chi dessus oï recorder que,

[87] quant li rois Henris de Castille fu trespassés de che

siècle et ses ainsnés fils dans Jehans couronnés à roi

et sa moullier couronnée à roïne, laquelle estoit fille

dou roi Piètre d’Aragon, la guerre se resmut entre le

5roi Ferrant de Portingal et le roi de Castille sus certainnes

actions qui estoient entre eux deus, et princhipalment

pour le fait des deus dames, filles dou roi

dan Piètre, Constanse et Isabel, mariées en Engletière,

la première au duc de Lancastre et la seconde au conte

10de Cambruge. Et disoit cils rois de Portingal que on

avoit à tort et sans cause deshireté ses deus cousines

de Castille, et que ce n’estoit pas cose à consentir que

deus si nobles et si hautes dames fuissent planées de

leurs hiretages, et que les coses se poroient bien tant

15enviesir et eslongier que on les meteroit en oubli, pour

quoi les dames ne retourneroient jamais à leur droit,

laquel cose il ne voloit pas veoir ne consentir, qui

estoit li uns des plus prochains que elles euissent, tant

pour l’amour de Dieu que pour aidier à garder raison

20et justice, à quoi tout bon crestiien doivent entendre

et estre enclin. Si deffia le jone roi dam Jehan de Castille,

que toute Espagne, Galise et Sebille avoient couronnet,

et li fist guerre sus le title des articles ci dessus

dis. Li rois dans Jehans se deffendi grandement à

25l’encontre de li et envoiia sus frontière en ses garnissons

grant fuisson de gens d’armes et de geniteurs,

pour resister contre ses ennemis, tant que à che

commenchement il ne perdi riens, car il avoit de la sage

et bonne chevalerie de France avoecques lui, qui le

30confortoient en sa guerre et consilloient, tel que le

Bèghe de Vellainnes et messire Pierre, son fil, messire

Jehan de Berguettes, messire Guillaume de [Lingnac],

[88] messire Gautier de Pasac, le signeur de Taride, messire

Jehan et messire Tristram de Roie et pluiseurs

autres qui i estoient alé depuis que li contes de Bouquighem

fu venus en Bretaigne, car li rois de France,

5qui grans aliances et grans confederations avoit au roi

de Castille, et ont eut longuement ensamble, les i avoit

envoiés, pour quoi li rois de Portingal s’avisa que il

envoieroit certains messages en Engletière devers le

roi et ses oncles, affin que il fust aidiés et confortés de

10ses gens, par quoi il fust fors et poissans de faire une

bonne guerre as Espagnos. Si appella un sien chevalier,

sage homme et vaillant et grant treteur, qui s’appelloit

Jehan Frenando, et li dist toute se ent[ent]e:

«Jehan, vous me porterés ces lettres de creance en

15Engletière. Je n’i puis envoiier plus especial de vous

ne qui mieux sache mes besongnes, et me recommandés

au roi avoecq les lettres, et li dirés que je soustieng

le droit de mes cousines, les hiretières d’Espagne

et de Castille, ses belles antes, et en fac guerre ouverte

20à celi qui s’est boutés et mis par le poissance

de France en leur hiretage, et je ne sui mies fors ne

poissans de moi pour resister à l’encontre d’euls ne

conquerre tels hiretages comme Castille et Espagne,

Galise et Sebille sont, sans sen aide: pour quoi je li

25priie que il me voelle envoiier son bel oncle le duc de

Lancastre, sa femme et sa fille, mes cousines, et une

quantité de gens d’armes et d’archiers; et nous ferons,

eux venus par dechà, bonne guerre avoecq le poissance

nostre, [tant] que nous recouverons, au plaisir de Dieu,

30leur hiretage.»—«Monsigneur, dist li chevaliers, à

vostre plaisir je ferai vostre message.» Depuis ne

demora il gaires de tamps que il entra en un bon vaissiel

[89] et fort, pour faire che voiage, et se parti dou

havene de la chité de Lusebonne, et chemina tant

par mer que il vint à Pleumoude.

En celle propre heure et en che propre jour et de

5celle marée i arivèrent li contes de Bouquighem et

aucuns de ses vaissaulx qui retournoient de Bretaigne,

et vous di que li Englès avoient eut si grant fortune

sur mer que il avoient perdu trois de leurs vaissaulx,

cargiés de gens et de pourveances, et estoient espars

10par mauvais vent et arivet en grant peril en trois

havenes en Engletière. De la venue dou chevalier de

Portingal fu grandement resjoïs li contes de Bouquighem

et li fist très bonne chière, et li demanda des

nouvelles: il l’en dist assés, tant d’Espagne comme de

15Portingal. Si chevauchièrent depuis ensamble jusques

à la bonne citté de Londres, où li rois d’Engletière

estoit.

§ 210. Quant li contes de Bouquighem fu venus à

Londres, li Londriien li fissent bonne chière. Si s’en

20ala deviers le roi, qui estoit à Westmoustier, et si doi

oncle dallés li, le duc de Lancastre et le conte de Cambruge,

et avoit le chevalier de Portingal en sa compaignie,

pour lequel il parla premierement au roi et à ses

frères. Quant li rois et li seigneur dessus nommé en

25eurent la congnissance, si en fissent grant samblant de

joie et l’onnourèrent moult. Il presenta ses lettres au

roi: li rois les lissi, present ses oncles. Or devés vous

savoir que li rois ne faissoit riens fors par le conseil

de ses oncles, car pour che tamps il estoit encores

30moult jovenes. Si fu li chevaliers demandés et examinés,

pour tant que il avoit aportés les lettres de creance,

[90] sus quel estat il est[oit] issus hors de Portingal et venus

en Engletière. Il en leur respondi bellement et sagement

selonc le premisse que vous avés oï chi dessus;

et, quant li signeur l’eurent bien entendu, si respondirent

5liement et dissent: «Grant merchis à mon

cousin le roi de Portingal, quant si avant il se boute

en nos besongnes que il en fait guerre à nostre aversaire;

et ce que il requiert, c’est requeste raisonnable;

si sera aidiés hastéement, et ara li rois avis comment il

10i ordonnera.» Adont n’i eut plus parolle. Li chevaliers

estraingnes, pour l’amour des nouvelles que il

avoit aporté plaisans au duc de Lancastre et au conte

de Cambruge, fu festiiés et disgna dalés le roi, et puis

demora il là environ quinse jours as octavles de le Saint

15Gorge, dont li rois d’Engletière et si oncle avoient

festiiet la feste ens ou chastiel de Windesore. Et là fu

messires Robers de Namur, liquels estoit alés veoir le

roi et relever ce que il tenoit de lui en Engletière, et

là furent li parlement et li conseil d’Engletière asignet

20à estre à Londres, c’est à entendre au palais de Westmoustier.

Je vous dirai pour quoi: tant pour les

besongnes de Portingal qui estoient frescement venues

que pour les Escos, car les trieuwes falloient entre

euls et les Englès le premier jour de juing. Si eurent

25là li prelat et li baron d’Engletière grans conssaus

ensamble comment il poroient de ces deus coses ordonner,

et estoient en estat de envoiier le duc de Lancastre

en Portingal, et disoient que ce estoit uns trop longs

voiages pour lui et que, se il i aloit, on s’en poroit

30bien repentir, car il entendoient que li Escot faissoient

grant aparant pour entrer en Engletière. Si fu consillié

determinéement pour le milleur que li dus de Lancastre,

[91] qui congnissoit le marce d’Escoce et les Escos,

iroit sur les frontières d’Escoce et saroit comment li

Escot se voroient maintenir, car mieux s’en saroit

ensongniier de traitiier que nuls hauls barons d’Engletière,

5et feroient li Escot plus pour li que pour nul

autre; et li contes de Cambruge, atout cinc cens lances

et otant d’archiers, feroit le voiage de Portingal, et,

se li dus de Lancastre pooit tant exploitier as Escos

que, à l’onneur dou roiaulme d’Engletière, unes

10trieuwes fuissent prisses à durer trois ans, il i poroit

bien aler, se li rois le trouvoit en consel, sour le mois

d’aoust ou [sour] le septembre en Portingal et renforchier

l’armée de son frère. Et encore i avoit un

autre point pour quoi li dus de Lancastre besongnoit

15à demorer en Engletière, che estoit pour ce que li rois

d’Engletière avoit renvoiiet certains messages avoecq

le duc de Tassem et l’arcevesque de Ravane deviers le

roi d’Allemaigne, pour avoir sa sereur à moullier ou

pour savoir comment il en seroit, car on en estoit en

20grans tretiés et avoit on estet plus d’un an. Si i estoient

d’Engletière li evesques de Saint David et messires

Simons Burlé, pour toutes ces coses confremer au

mieux que on poroit. A ce conseil s’acordèrent li rois

et tout li signeur, et se departi li parlemens sour cel

25estat, et furent nommet et escript li baron et li chevalier

qui en Portingal iroient avoecques le conte de

Cambruge.

§ 211. Li dus de Lancastre ordonna toutes ses

besongnes et se departi dou roi et de ses frères, et,

30au congiet prendre au conte de Cambruge, son frère,

il li jura par sa foi loiaulment que, li revenu d’Escoce,

[92] il ordonneroit tellement ses besongnes que il le sieuroit

hastéement en Portingal, voire se plus grans

empechemens, que il ne veoit encores, ne estoient

apparant en Engletière n’i avenoient. Sus cel estat,

5se departi li dus de Lancastre et prist le chemin d’Escoce,

et chevaucoit tant seullement li et ses hostés.

Encores en che parlement darrainement fait à Londres,

fu ordonnés messires Henris de Persi, contes de

Northombrelande, à estre regars de toute la terre de

10Northombrelande et de l’evesquiet de Durames, rentrant

jusques en Galles et la rivière de Saverne. Si se

departi de Londres pour aler celle part, mais che fu

quinse jours apriès chou que li dus de Lancastre fu

partis. Ossi se departi dou roi et dou conte de Bouquighem,

15son frère, li contes de Cambruge, pour aler

ens ou voiage que il avoit empris. Si fist faire ses pourveances

à Pleumoude, un port sus mer en la conté de

Barquesière, et s’en vint là tout premiers et enmena

avoecques lui sa femme, madame Isabel, et sen fil

20Jehan, et estoit li intention de li telle, et il l’acompli,

que il les menroit en Portingal. Avoec le conte de Cambruge

estoient de signeurs: premierement messires

Mahieux de Gournai, connestables de l’ost, messires li

canonnes de Robersart, messires [Raimons] de Castiel

25Noef, messires Guillaume de Biaucamp, mareschaulx

de l’ost, le soudich de l’Estrade, le signeur de la Barde,

le signeur de Thaleboz, messires Guillaume Helmen,

messires Thumas Simon, Milles de Windesore, messires

Jehans de [Sandevich] et pluiseurs autres; et

30estoient le somme de cinc cens hommes et otant d’archiers.

Si vinrent cil signeur et leurs gens à Pleumoude,

et là se logièrent ou ens es villages d’environ, pour

[93] attendre vent et cargier leurs vaissaux petit à petit; et

ne devoient passer nuls chevaulx, car li chemins est

trop loing d’Engletière jusques à Lusebonne en Portingal.

Et estoit li chevaliers portingallois, messires Jehans

5[Frenando] en leur compaignie, qui s’en aloit avoecq

eulx. Si sejournèrent plus de trois sepmaines sus le

mer, en faissant leurs pourveances et en attendant

vent, que il avoient contraire.

Et entrues s’en aloit li dus de Lancastre vers Escoce,

10et fist tant par ses journées que il vint à le chitté de

Beruich, c’est le darrainne ville à ce lés là de toute

Engletière; et, quant il fut là venus, il s’i aresta et

envoia un hirault en Escoce deviers le roi et les barons,

et leur mandoit que il estoit là venus pour traire sour

15marce, enssi que d’usage avoient eu dou tamps passé,

et, se il se voloient traire avant, il en fust segnefiiés:

autrement il savoit bien qu’il en avoit à faire. Li hiraus

dou duc parti de Bervich et chevaucha vers Haindebourcq,

où li rois Robers d’Escoce, li contes de Douglas,

20li contes de le Mare, li contes de Mouret et li

baron d’Escoce estoient tout asamblé, car il avoient ja

entendu que li dus de Lancastre venoit celle part pour

traitier à euls, et pour che s’estoient il mis en la souverainne

ville d’Escoce, sus les frontières d’Engletière,

25tout ensamble, et enssi les trouva li hiraus d’Engletière

envoiés de par le duc de Lancastre, liquels fist

son message bien et à point, et fu bien et volentiers

oïs, et eut responsse de par les signeurs d’Escoce qui

li dissent enssi que volentiers il oroient le duc parler.

30Si rapporta li hiraus sauf conduit pour le duc de Lancastre

et toutes ses gens, à durer tant comme il seroient

sur marce et que il parlementeroient ensamble. Et s’en

[94] retourna li hiraus confortés et pourveus des asseurances,

et retourna à Bervich, et monstra au duc tout

ce que fait avoit. Sur ce, li dus de Lancastre se departi

de Bervich, mais à son departement il laissa toutes ses

5pourveances en la ville, et puis prist le chemin de

Rosebourc, et là se loga une nuit, et à l’endemain il

s’en vint logier en l’abbeïe de Mauros sur la [Tuide]

(c’est une abbeïe qui depart les deus roiaulmes, Escoce

et Engletière), et là se tint li dus et ses hostels tant

10que li Escot furent venu à la [Morlane], à trois petites

liewes de là; et, quant il furent venu, li dus en fu

segnefiiés. Si commenchièrent li traitiet et li parlement

entre les Escos et les Englès, et durèrent plus de quinse

jours.

15En ces tretiés durans et parlemens faissans, avinrent

en Engletière très grans meschiés de rebellions et de

esmouvement de menu peuple, par lequel fait Engletière

en fu sus le point que de estre toute perdue sans

recouvrier, ne onques roiaulmes ne païs n’en fu [en

20si] grant peril ne aventure comme il le fu en celle

saisson; et, pour la grant aisse et craisse où li menus

peuples d’Engletière gratoit et vivoit, s’esmut et esleva

ceste rebellion, enssi que jadis s’esmurent et eslevèrent

en France li Jaque Bonhomme, qui i fissent moult de

25maulx et par quels incidensses li nobles roiaulmes de

France a esté moult grevés.

§ 212. Che fu une mervilleuse cose et de povre fondacion,

dont ceste pestillensse commencha en Engletière;

et, pour donner exemple à toutes manières de

30bonnes gens, j’en parlerai et le remonstrerai selonc ce

que dou fait et de le incidensse j’en fui adont infourmés.

[95] Uns usages est en Engletière, et ossi est il en

pluiseurs païs, que li noble ont grant francisse sus

leurs hommes et les tiennent en servage, c’est à entendre

que il doivent de droit et par coustume labourer

5les terres des gentils hommes, quellier les grains

et amener à l’ostel, mettre en la grange, batre et vaner,

et par servage les fains fener et amener à l’ostel, la

busce copper et amener à l’ostel, et toutes telles oevres;

et doient cil homme tout ce faire par servage as

10signeurs, et trop plus grant fuisson de tels gens a en

Engletière que ailleurs, et en sont li gentil homme et

li prelat ou doient estre servi, et par especial en la

conté de Kemt, d’Exsexs, de Sousexs et de [Beteforde]

en i a plus que ens ou demorant de toute Engletière.

15Ches meschans gens ens es contrées que j’ai nommées

se commenchièrent à eslever, pour che que il

dissoient que on les tenoit en trop grande servitude,

et que au commenchement dou monde il n’avoit esté

nuls sers ne nuls n’en pooit estre, se il ne faissoit traïson

20envers son signeur, enssi comme Lucifer fist envers

Dieu; mais il n’avoient pas celle taille, car il ne estoient

ne engle ne esperit, mais homme fourmet à la samblance

de leurs signeurs, et on les tenoit comme bestes,

laquel cose il ne voloient ne pooient plus souffrir, mais

25voloient estre tout un, et, se il labouroient ou faissoient

aucuns labourages pour leurs signeurs, il en

voloient avoir leur salaire.

En ces esrederies les avoit dou tamps passet grandement

mis et boutés uns fols prestres d’Engletière,

30de la conté de Kemt, qui s’appelloit Jehans Balle, et,

pour ses folles parolles, il en avoit jeut en prison

devers l’arcevesque de Cantorbie par trop de fois, car

[96] cils Jehans Balle avoit eut d’usage que, les jours dou

diemence après messe, quant toutes les gens issoient

hors dou moustier, il s’en venoit en [l’aitre] et là praiechoit

et faissoit le peuple assambler autour de li, et

5leur dissoit: «Bonnes gens, les coses ne poent bien

aler en Engletière ne iront jusques à tant que li bien

iront tout de commun et que il ne sera ne villains ne

gentils homs, que nous ne soions tout ouni. A quoi

faire sont cil, que nous nommons signeur, plus grant

10maistre de nous? A quoi l’ont il deservi? Pour quoi nous

tiennent il en servitude? Et, se venons tout d’un père

et d’une mère, Adam et Eve, en quoi poent il dire ne

monstrer que il sont mieux signeur que nous, fors

parce que il nous font gaaignier et labourer ce que il

15despendent? Il sont vestu de velours et de camocas

fourés de vair et de gris, et nous sommes vesti de

povres draps. Il ont les vins, les espisses et les bons

pains, et nous avons le soille, le retrait [et] le paille,

et [buvons] l’aige. Ils ont le sejour et les biaux manoirs,

20et nous avons le paine et le travail, et le pleue

et le vent as camps, et faut que de nous viengne et

de nostre labeur ce dont il tiennent les estas. Nous

sommes appelé serf et batu, se nous ne faissons presentement

leur service; et [si] n’avons souverain à qui nous

25nos puissons plaindre ne qui nous en vosist oïr ne droit

faire. Alons au roi, il est jovenes, et li remonstrons nostre

servitude, et li dissons que nous vollons qu’il soit autrement,

ou nous i pourverrons de remède. Se nous i alons

de fait et tout ensamble, toutes manières de gens qui

30sont nonmé serf et tenu en servitude, pour estre afranchi,

nous sieuront. Et, quant li rois nous vera ou [orra],

ou bellement ou aultrement, de remède il i pourvera.»

[97] Enssi dissoit cils Jehans Balle et parolles semblables

les diemences par usage, à l’issir hors des messes as

vilages, de quoi trop de menues gens l’ooient. Li aucun

qui ne tendoient à nul bien disoient: «Il dist voir!»

5et murmuroient et recordoient l’un à l’autre as camps

ou alans leurs chemins ensamble de village à autre ou

en leurs maisons: «Tels coses dist Jehans Balle, et [si]

dist tout voir.» Li archevesques de Cantorbie, qui en

estoit enfourmés, faissoit prendre che Jehan et le

10mettre en prisson, et l’i tenoit deus ou trois mois pour

li castiier; et mieux vausist que très la première fois

il l’eust condempné à tousjours en prisson ou fait

morir que che que il en faissoit, car il le delivroit et

n’avoit point consience de li faire morir; et, quant

15Jehans estoit hors de le prisson de l’arcevesque, il

rentroit en sa russe comme en devant.

De sa parolle, de sa vie et de ses oevres furent aviset

et enfourmet trop grant fuisson de menues gens en

la citté de Londres, qui avoient envie sur les rices et

20sour les nobles, et commenchièrent à dire entre euls

que li roiaulmes d’Engletière estoit trop mal gouvrenés,

et que il estoit d’or et d’argent desroeubés par

ceulx qui se nommoient nobles: si commenchièrent

ces mescheans gens en Londres à faire le mauvais et à

25iaulx reveler et segnefiier à ceulx des contrées dessus

dites que il venissent hardiement à Londres et amenaissent

leur peuple, il trouveroient Londres ouverte

et le commun de leur acord, et feroient tant devers le

roi que il n’i aroit nul serf en Engletière.

30§ 213. A ces proumesses s’esmurent chil de la conté

de Kemt, cil d’Exsexs, de Sousexses, de Beteforde et

[98] des païs d’environ, et se missent au chemin et vinrent

vers Londres; [et se assemblèrent de pluseurs contrées

et de pluseurs villages au retour de Londres], et estoient

bien soissante mille, et avoient un souverain cappitain,

5qui s’appelloit Wautre Tillier; avoecques li estoient, et

de sa compaignie, Jaque Strau et Jehan Balle. Cil troi

estoient li souverain cappitainne de tous, et, le grigneur

entre eulx, c’estoit Wautre Tillier; et cils Wautres estoit

uns couvrères de maisons de tieulle: mauvais gars et

10envenimés estoit. Quant ces mescheans gens se commenchièrent

à eslever, sachiés, li Londriien, excepté cil de

leur sexte, en furent tout effraé, et eurent conseil li

maires de Londres et li rice homme de la ville, quant

il les sentirent enssi venir de tous costés, que il leur

15fremeroient les portes et n’en lairoient nul entrer en

la ville, enssi qu’il fissent. Mais, quant il [eurent] tout

l’afaire bien imaginet, [il dissent] que non feroient et

que il se metteroient en grant peril de tous leurs fourbours

ardoir. Si leur ouvrirent leur ville, et il i entrèrent

20ens par [fous] d’un village cent ou deus cens ou

vint ou trente, enssi que les villes estoient peuplées;

et, enssi que il venoient en Londres, il se logoient. Et

sachiés en verité que bien les troi pars de ces gens ne

savoient que il se demandoient ne qu’il queroient, mais

25sieuoient l’un l’autre, enssi que bestes et enssi que li

Pastouriel fissent jadis, qui dissoient que il aloient

conquerre la Sainte Terre, et puis tout ala à noient.

Enssi venoient ces povres gens et cil villain à Londres

de cent lieues, de soissante lieues, de quarante lieues,

30de vint lieues et de toutes les contrées environ Londres;

mais la grigneur plenté en vint des terres dessus

dittes de la conté de Kemt et d’Exsexs, et demandoient

[99] en venant le roi. Li gentil homme dou païs,

chevalier et escuier, se commenchièrent à doubter,

quant il sentirent tel peuple reveler, et, se il furent en

doubte, il i ot bien raison, car pour mains s’effrée on

5bien. Si se commenchièrent à mettre ensamble au

mieux et au plus bel qu’il peurent.

En che jour que ces meschans gens de la conté de

Kemt venoient à Londres, retournoit de Cantorbie la

mère dou roy d’Engletière, la princesse de Galles, et

10venoit de pelerignage. Si en fu en trop grant aventure

de estre perdue par eux, car ces mescans gens saloient

sur son char en venant et li faissoient moult de desrois,

de quoi la bonne dame fu en grant esmai de li

meïsmes que par [aucune] cose il ne li fesissent violensse

15ou à ses damoiselles. Toutesfois Dieux l’en garda,

et vint en un jour de Cantorbie à Londres, ne onques

ne s’osa anuitier sour le chemin.

A ce jour estoit li rois Richars, ses fils, ens ou castiel

de Londres; si vint là le princesse et trouva le roi,

20dalés li le conte de Sasleberi, l’arcevesque de Cantorbie,

messire Robert de Namur, le signeur de Gommegnies

et pluiseurs autres, qui se tenoient tout dalés li

pour le doutance de ces gens qui se reveloient enssi,

et ne savoient que il demandoient. Et cheste rebellion

25estoit bien sceue en l’osteil dou roi avant que il le

monstraissent ne que cils peuples isist hors de leurs

lieux; et, se n’i metoit point li rois remède ne conseil,

dont on se poeut moult esmervillier; et, afin que tout

signeur et bonnes gens qui ne voellent que bien i

30prendent exemple pour corigier les mauvais et les

rebelles, je vous esclarcirai che fait tout plainement,

enssi qu’il fu demenés.

[100] § 214. Le lundi, le premier jour de la sepmainne, à

bonne estrine, devant le jour dou Sacrement, en l’an

mille trois cens quatre vins et un, se departirent ces gens

et issirent hors de leurs lieux pour venir vers Londres

5et pour parler au roi et pour estre tout franc, car il

voloient que il n’i eust nul serf en Engletière. Et s’en

vinrent à Saint Thomas de Cantorbie, et là estoient Jehans

Balle, qui quidoit trouver l’arcevesque dou dit leu (mais

il estoit à Londres avoecques le roi), Wautre Tieullier et

10Jaques Strau. Quant il entrèrent en Cantorbie, toutes

gens leur firent feste, car toute li ville estoit de leur

sexte, et là eurent conseil et parlement ensamble que

il venroient à Londres deviers le roi; et envoièrent de

leurs gens et de leurs compaignons oultre le Tamisse

15en Exsexs, en Sousexsexs, en la conté de Stafort et de

Betefort parler au peuple, que tout venissent de l’autre

costé à Londres: si encloroient Londres. Enssi ne leur

poroit li rois escaper, et estoit leur intention que, le

jour dou Sacrement ou l’endemain, il se trouveroient

20tout ensamble.

Cil qui estoient en Cantorbie entrèrent en l’abbeïe

de Saint Thomas et i firent moult de desrois, et pillèrent

et fustèrent le cambre de l’arcevesque, et dissoient, en

pillant et en portant hors: «Cils canceliers d’Engletière

25a eu bon marchié de ce meuble: il nous rendera

conte temprement des revenues d’Engletière et des

grans pourfis que il a levés puis le couronnement dou

roi.» Quant il eurent che lundi fusté l’abbeïe de Saint

Thomas et l’abeïe de Saint Vinchant, il se partirent

30[l’endemain] au matin, et tous li peuples de Cantorbie

avoecq eulx, et prissent le chemin de Roceste. Et

enmenoient toutes gens des villages à destre et à

[101] senestre, et, en cheminant et allant, il fondefloient et

abatoient, enssi que uns tempestes, maisons d’avocas

et de procureurs de le court dou roi et de l’arcevesque,

et n’en avoient nulle merci.

5Quant il furent venu à Rocestre, on leur fist grant

chière, car les gens de la ville les attendoient, qui

estoient de leur sexte, et alèrent ou castiel et prissent

le chevalier qui gardiiens en estoit et cappitainne de la

ville, et se nommoit messires Jehans Meuton. [Si] li

10dissent: «Il faut que vous en venés avec nous et que

vous soiés nos souverains menères et cappitains, pour

faire che que nous voldrons.» Li chevaliers s’excusa

moult bellement, et remonstra pluiseurs raisons d’escusances,

se elles peussent riens valloir, mais nenil,

15car on li dist: «Messire Jehan, messire Jehan, se vous

ne faites ce que nous vollons, vous estes mors!» Li

chevaliers veoit che peuple tout foursené et aparilliet

de li ochire: si doubta le mort, et obeï à eux, et se

mist oultre son gré en leur route.

20Tout en tel manière avoient fait cil des autres contrées

d’Engletière, d’Exsexes, de Sousexses, de Kemt,

de Stafort, de Betefort, de l’evesquiet de [Norduich],

jusques à [Gernemue] et jusques à [Line], et mis les

chevaliers et les gentils hommes en leur obeïssance, et

25tels que le signeur de [Morlais], un grant baron, messire

Estièvene de Halles et messire [Estienne] de [Cosington],

et les faissoient venir avoec eux.

Or, regardés le grant derverie. Se il fuissent venu à

leur entente, il eussent destruit tous les nobles en

30Engletière; et après en autres nations tous menus

peuples se fust revelés, et prendoient piet et example

sour cheux de Gaind et de Flandres, qui se rebelloient

[102] contre leur signeur. Et en celle propre anée li Parisiien

le fissent ossi et trouvèrent à faire les maillès de fier,

dont il fissent plus de vint mille, sicom je vous recorderai

quant je serai venus jusques à là, mais nous

5poursieurons à parler premierement de ceulx d’Engletière.

§ 215. Quant cils peuples, qui estoit logiés à Rocestre,

eurent fait che pour quoi il estoient là venu, il se departirent

et passèrent la rivière et vinrent à Brainforde,

10et toudis tenant leur oppinion d’abatre à destre et à

senestre devant eux hostels et mansions d’avocas et

de procureurs. Ne nul n’en deportoient, et copèrent

en venant à pluiseurs hommes les testes et cheminèrent

tant qu’il vinrent à quatre lieues de Londres, et se

15logièrent sour une montaigne que on appelle ou païs

Blaquehède, c’est à dire en françois la Noire Bruière,

et dissoient en venant que il estoient au roi et au noble

commun d’Engletière.

Quant cil de Londres seurent que il estoient si priès

20d’eux logiés, il fremèrent le porte dou pont de la

Tamise et i missent gardes; et ceste ordonnance fist

faire li maires de Londres, sire Jehans Walourde, et

pluiseurs rices bourgois de Londres qui n’estoient pas

de leur sexte, mais il en i avoit en Londres de menues

25gens plus de trente mille.

Adont eurent avis chils peuples, qui estoit logiés sour

la montaigne de Blaquehède, que il envoieroient leur

chevalier devers le roi parler à li qui estoit en la Tour,

et li manderoient que il venist parler à eux, et que

30tout ce que il faisoient, c’estoit pour li, car li roiaulmes

d’Engletière un[e] grant fuison d’ennées avoit esté mal

[103] gouvrenés à l’honneur dou roiaulme et au pourfit du

menu peuple, et par ses oncles et par son clergiet et

princhipaument par l’arcevesque de Cantorbie, son

cancelier, dont il voloient ravoir compte.

5Li chevaliers n’osa dire ne faire dou contraire, que

il ne venist sus le Tamisse à l’encontre de la Tour, et

se fist naviier oultre l’aighe. Li rois et cil qui estoient

ou castiel de Londres, qui desiroient à oïr des nouvelles,

quant il veïrent le batelet venir fendant la

10Tamisse, si dissent: «Vechi aucune ame qui nous

aporte nouvelles!» Et estoient, je vous di, en grant

doubtance là dedens. Evous venir au rivage le chevalier:

on li fist voie; on le mena devant le roi qui estoit

en une cambre, le princesse sa mère dallés li et ses

15deus frères, messire Thumas le conte de Kemt, messire

Jehans de Hollandes, le conte de Sasebry, le conte de

Waruich, le conte d’Asquesuffort, l’archevesque de

Cantorbie, le grant prieux d’Engletière dou Temple,

messire Robert de Namur, le signeur de Vertaing, le

20signeur de Gommegnies, messire Henri de Senselles,

le maire de Londres et aucuns bourgois notables de

Londres, qui tout se tenoient dalés le roi. Li chevaliers

messires Jehans Meuton, qui bien fu cogneus entre

iaulx, car il estoit officiers dou roi, se mist en genous

25devant le roi, et li dist: «Mon très redoubté signeur,

ne voelliés mies prendre en desplaissance le mesage

que il me convient faire, car, chiers sires, c’est de

force que je sui venus si avant.»—«Nenil, dist li

rois, messire Jehan, dites che dont vous estes cargiés:

30je vous tieng pour excusé.»—«Très redoubtés

sires, li communs de vostre roiaulme m’envoie

devers vous pour traitiier, et vous prient que vous

[104] voelliés venir parler à eux sus la montaigne de la

Blaquehède, car il ne desirent nullui à avoir que vous;

et n’aiés nulle doubtance de vostre personne, car il

ne vous feront ja mal, et vous tiennent et tenront tousjours

5à roi; mais il vous monsteront, che dient, pluiseurs

coses qui vous sont necessaires à oïr, quant il

parleront à vous, desquels coses je ne sui pas cargiés

de vous dire. Mais, très chiers sires, voelliés moi donner

response telle qui les apaisse et que il sachent de

10verité que j’aie esté [devers] vous, car il ont mes

enffans en ostages pour moi vers euls et les feroient

morir, se je ne retournoie.» Respondi li rois: «Vous

arés response, et tantos.»

Adont se consilla li rois, et demanda quel cose estoit

15bonne à faire de ceste requeste. Li rois fu adont consilliés

que le matin le joedi il venissent aval sus la

rivière de Tamisse et que sans faute il iroit parler à

eulx. Quant messires Jehans Meuton eut celle response,

il ne demanda plus: il prist congiet au roi et as

20barons et rentra en son batiel et rapassa la Tamisse,

et retourna sus la montaigne où il avoit plus de soissante

mille hommes, et leur donna response que à

l’endemain au matin il envoiaissent leur conseil sus la

Tamisse, que li rois venroit là parler à eux. Ceste

25responsse leur plaissi grandement, et s’en contentèrent

tout, et passèrent le nuit au mieux qu’il peurent. Et

sachiés que les quatre pars d’eus junèrent par deffaute

de vivres, car il n’en avoient nuls, dont il estoient

tout courouchiet, et c’estoit raisons.

30§ 216. En che tamps estoit li contes de Bouquighem

en Galles, car il i tient bel hiretage et grant de par sa

[105] femme, qui fu fille au conte de Norhantonne et de

Herffort; mais la vois estoit tout commune aval Londres

que il estoit avoeques che peuple, et dissoient li aucun

pour certain que il l’i avoient veu, pour un Thomas,

5qui trop bien le resambloit, de la conté de Kemt, qui

estoit entre eulx.

Li contes de Cambrage et li baron d’Engletière, qui

gissoient à Pleumonde et qui apparilloient leurs vaissaulx

pour aler en Portingal, estoient tout enfourmé

10de ceste rebellion et dou peuple qui se commenchoit

à eslever: si se doubtèrent que leurs voiages n’en fust

rompus ou que li communs d’Engletierre, de Hantonne,

de Wincestre et de le conté d’Arondiel ne les

venist courir sus. Si desancrèrent leurs nefs et issirent

15hors dou havene à grant painne et à vent contraire,

et se boutèrent en le mer, et là ancrèrent, atendant vent.

Li dus de Lancastre, qui estoit sus marce entre le

Mourlane, Rosebourc et [Miauros], et qui là parlementoit

as Escos, estoit ossi tous enfourmés de ceste rebellion

20et de sa personne en grant doubte, car bien savoit

que il estoit petitement en le grace dou commun d’Engletière;

mais nonobstant toutes ces coses, [si] demenoit

il moult sagement ses traitiés envers les Escochois. Li

contes [de] Douglas, li contes de Mouret, li contes de

25Surlant, messires Thumas de Verssi et chil Escot, qui

pour le roi et le païs d’Escoche faissoient et menoient ces

tretiés, savoient bien toute la rebellion d’Engletière et

comment li peuples se commenchoit de toutes pars à

rebeller contre les nobles; si dissoient: «Engletière

30gist en grant branle et peril que de estre toute destruite.»

Et vous di que ens leurs traitiés il s’en tenoient

plus fort enviers le duc de Lancastre et son conseil.

[106] Or parl[er]ons dou commun d’Engletière, comment

il perseverèrent.

§ 217. Quant che vint le jour du Saint Sacrement

au matin, li rois Richars d’Engletière oï messe en la

5Tour de Londres, et tout li signeur. Apriès messe, il

entra en sa barge, li contes de Sasleberi, li contes de

Waruich, li contes d’A[cque]sufort et aucun chevalier

en sa compaignie, et naviièrent à rimes pour venir

oultre la Tamisse sour le rivage, en alant vers le Rideride,

10un manoir dou roi, où plus avoit plus de dis mille

bons hommes qui là estoient descendu de la montaigne,

pour veoir le roi et pour parler à lui. Quant il veïrent

la barge dou roi venir, il commenchièrent tout à huer

et à donner un si grant cri que che sambloit proprement

15que tout li diable d’infer fussent venu en leur

compaignie. Et vous di que il avoient amené messire

Jehan Meuton, leur chevalier, avoecques euls, à le fin

que, se li rois ne fust venus et que il l’euissent trouvé

en bourde, il l’eussent devoret et detrenchiet pièce à

20pièce. Tout che li avoient il proumis.

Quant li rois et li signeur veïrent che peuple qui

enssi se demenoit, il n’i ot si hardi que tout ne fuissent

effraé, et n’eut mies li rois conseil des barons qui là

estoient que il presist terre, mais commenchièrent à

25wauler la barge amont et aval sus le rivière, et dont

dist li rois: «Signeur, que vollés vous? Dites le moi.

Je sui chi venus pour parler à vous.» Il li dirent de

une vois, chil qui l’entendirent: «Nous volons que

tu viegnes sus terre, et nous te monsterons et dirons

30plus aissiement che qu’il nous fault.» Adont respondi

li contes de Sasleberi pour le roi, et dist: «Signeur,

[107] vous n’iestes mies en estat ne en arroi que li rois

doie maintenant parler à vous.» A ces mos, il n’i ot

plus riens dit. Li rois fu consilliés dou retourner, et

retourna ens ou castiel de Londres, dont il estoit

5partis.

Quant ces gens veïrent que il n’en aroient autre

cose, si furent tout enflamé d’aïr et retournèrent en

la montaigne où li grans peuples estoit, et recordèrent

comment on leur avoit respondu et que li rois estoit

10rallés en la Tour à Londres. Adont criièrent il tout

de une vois: «Alons tos à Londres!» Lors se missent

il au chemin, et s’avalèrent sus Londres, en fondeflant

et abatant manoirs d’abés, d’avocas et de gens de

court, et vinrent en es fourbous de Londres qui sont

15grant et bel. Si i abatirent pluiseurs biaulx hostels,

et par especial il abatirent les prisons dou roi que

on dist les Mareschauchies, et furent delivret tout li

prisonnier qui dedens estoient; et fissent en ces fourbous

moult de desrois, et manechoient à l’entrée dou

20pont ceulx de Londres pour tant que il avoient clos

les portes dou pont, et dissoient que il arderoient tous

leurs fourbours et conqueroient Londres par force, et

l’arderoient et destruiroient toute.

Li communs de Londres (moult en i avoit, qui

25estoient de leur acord) se missent ensamble et demandèrent:

«Pour quoi ne laist on ces bonnes gens entrer

en la ville? Ce sont nos gens, et tout ce qu’il font, c’est

pour nous.» Adont de force il convint que les portes

fuissent ouvertes. Si entrèrent ens ces gens tous afamés,

30et se boutèrent tantos par ces maisons bien

pourveues de pourveances, et s’ataquièrent au boire

et au mengier. On ne leur veoit riens, mais estoit on

[108] tout rebrachiet de faire bonne chière et de mettre avant

vivres et boires, pour iaulx apaissier.

Adont s’en alèrent les cappitainnes, Jehan Balle,

Jaque Strau et Vautre Tieullier, tout droit parmi

5Londres, en leur compaignie plus de trente mille

hommes, à l’ostel de Savoie, ou chemin de Wesmoustier

le palais dou roi, un très bel ostel seant sus le

Tamisse et hostel au duc de Lancastre. Tantos il

entrèrent ens et tuèrent les gardes et l’ardirent en

10feu et en flame. Quant il eurent fait cel outrage, il ne

se cessèrent mies atant, mais s’en alèrent à le maison

de l’Oppitalier de Rodes, que on dist Saint Jehan

de [Calerwille], et ardirent maison, hospital, moustier

et tout. Avoec tout ce, il allèrent de rue en rue, et

15tuèrent che jour tous les Flamens que il trouvèrent en

eglises, en moustiers et en maisons partout, ne nuls

n’estoit deportés. Et efforchièrent pluiseurs maisons

de Lombars et prissent des biens, qui dedens estoient,

à leur vollenté, car nuls ne leur ossoit aler au devant.

20Et tuèrent un rice homme en la ville, que on appelloit

Richart Lion, auquel, dou tamps passé, en France,

Wautre Tieullier, ens es guerres, avoit esté varlès;

mais Richart Lion avoit une fois batu son varlet. Si

l’en souvint et i mena ses gens, et li fist coper la teste

25devant li et mettre sus une glave et porter parmi les

rues de Londres. Enssi se demenoit cils mescheans

peuples comme gens foursenés et esragiés, et fissent

ce joedi moult de desrois parmi Londres.

§ 218. Quant che vint sus le soir, il s’en vinrent

30tout logier et amaignagier en le place que on dist

Sainte Katerine, devant le Tour et le castiel de Londres,

[109] et dissent que jamais de là ne partiroient si aroient

eu le roi à leur vollenté, et leur aroit acordé tout che

que il demandoient; et dissoient oultre que il voloient

conter au cancelier d’Engletière et savoir que li grans

5avoirs que on avoit levé parmi le roiaulme d’Engletière

puis cinc ans estoit devenus, et, se il n’en rendoit

boin compte et souffissant à leur plaissance, mal

pour lui. Sus cel estat, quant il eurent tout le jour fait

parmi Londres as estraingniers des mauls assés, se

10logièrent il devant la Tour.

Si poés bien croire et savoir que ce estoit grans

hideurs pour le roi et pour ceuls qui là dedens avoec

lui estoient, car à le fois chils mescheans peuples