LIVRE PREMIER. (continued 4)
Reading edition
yaus quelconques, siques, à ce pourpos li doy duch
5dessus nommé, qui chapitainne et gouvreneur estoient
de toutes ces gens d’armes, et qui, au partir
d’Engleterre, avoient juret ensi que li aultre font et
ont fait dou temps passet, et qui sçavoient bien où
il estoient cargiet d’aler, ne pooient respondre à ces
10trettiés que chil doy legal proposoient, li archevesques
de Ravane et li evesques de Carpentras, fors
couvertement, ne point en leur poissance n’estoit,
jusques à tant qu’il euissent trait à chief leur emprise,
de donner ne de accepter triewes ne respit, ne
15d’entendre à nulle pais quelconques. Ossi il n’en estoient
mies en volenté, mais se dissimuloient envers
les legaus moult sagement, et toutdis aloient avant
sus le royaume, et ardoient villes, maisons et petis
fors, et pilloient et rançonnoient gens, abbeyes et
20pays; ne onques, pour trettiet qui proposet y fuissent,
leur voiage faisant, il ne s’en desrieulèrent de
riens, mais chevauchièrent toutdis en bonne ordenance
et en bon arroi par mi le royaume de France.
Ossi il estoient sagement poursivi dou connestable
25de France, dou signeur de Cliçon, dou visconte de
Rohem, dou visconte de Miaus et de plus de mil
lances, chevaliers et escuiers, tous à election, des
milleurs dou royaume de France et les plus soubtilz
de guerre, qui les tenoient si cours qu’il ne s’osoient
30desfouchier; car, se li baron de France et de Bretagne
y euissent point veu de leur avantage au combattre
ou par trop esparsement logier ou chevaucier,
[170] il ne les euissent ja en riens espargniés pour cose
que li legal fuissent là, qui toutdis aloient de l’un à
l’autre, pour veoir se il trouveroient nul moiien; mès
nennil, car onques gens n’alèrent mieulz ensamble
5qu’il fisent, ne par plus sage ordenance.
§ 748. Ensi chevaucièrent li dus de Lancastre et li
dus de Bretagne parmi le royaume de France et menèrent
leurs gens, ne onques ne trouvèrent à qui
parler par manière de bataille; si ne demandoient il
10aultre cose; et envoioient souvent leurs hiraus devers
les signeurs qui les poursievoient, en requerant
bataille et en donnant et faisant pluiseurs pareçons,
mès onques li François n’en veurent riens accepter,
ne election ne pareçon, que li Englès leur
15feissent, ne peut venir à effect. Mais il les costioient
une heure à diestre, l’autre à seniestre, ensi que les
rivières s’adonnoient; et se logoient priès que tous
les soirs ens es fors et en es bonnes villes, où il se
tenoient tout aise, et li Englès as camps, qui eurent
20pluiseurs disettes de vivres et en l’ivier des grans
froidures; car en Limozin, en Roerge et en Aginois
il trouvèrent moult povre pays, et n’i avoit si grant
ne si joli de leur route qui dedens cinc jours ou sis
mengassent point de pain. Bien souvent ce leur avint
25de puis qu’il furent entré en Auvergne; car il estoient
poursievi, sus le fin de leur chevaucie, de plus de
trois mil lances; si n’osoient aler fourer, fors tout
ensamble. Toutes fois en che meschief, il passèrent
toutes les rivières qui sont courans oultre le Sainne
30jusques à Bourdiaus, le Loire, Aillier, le Dourdonne
et Garone et pluiseurs aultres grosses rivières qui
[171] descendent des montagnes en Auvergne. Mais de
leur charoi, qui en voelt oïr nouvelles, je le vous
dirai: il n’en peurent pas la tierche part remettre en
le cité de Bourdiaus, tant par les chevaus qui leur
5faillirent, que pour les destrois des montagnes où il
ne pooient passer. Et si leur morurent pluiseur chevalier
et escuier des froidures et des povretés qu’il prisent
en l’ivier sus le chemin, car il fu li Noëlz passés
ançois que il rentrassent en le cité de Bourdiaus, et
10en y eut encores des bons chevaliers, qui y conchurent
des maladies, de quoi il morurent de puis, et
par especial li connestables de lor ost, li sires Despensiers,
qui fu moult plains et moult regretés de
tous ses amis, car che fu uns gentilz coers et vaillans
15chevaliers, larges et courtois: Diex li face bonne
merchi!
CHAPITRE CI CHAPITRE CI
§ 749. Ensi fu traitte ceste grant chevaucie à chief,
et rentra ossi en le cité de Thoulouse auques en ce
temps li dus d’Ango et li connestables de France avoecques
20lui. Dont se departirent toutes gens d’armes,
mais li dus d’Ango à leur departement disoit à chiés
des signeurs, que tantost à le Paske il retournaissent
devers lui, car il voloit faire se chevaucie moult grande
et moult estoffée, ossi bien que li dus de Lancastre avoit
25fait la sienne en le Haute Gascongne, et tout li avoient
en couvent que il feroient ce qu’il li plairoit. Si se tinrent
li doi legal dalés lui et dalés le connestable, qui
souvent aloient de l’un à l’autre en istance de ce que
volentiers il euissent amenet ces parties à ce que
30acors [ou respis] se fust pris entre les François et les
Englès, et n’avoient point trouvet, en devant ce que
[172] il fust venus à Bourdiaus, le duch de Lancastre en si
bon parti pour y entendre, qu’il le trouvèrent. Mais
de premiers, quant li legal vinrent devers lui à Bourdiaus,
il s’escusa moult bellement que il n’i pooit
5encores entendre, ne donner response où on se peuist
en riens confiier, jusques à tant que il aroit tout l’estat
segnefiiet à son signeur de père. Si ne furent mies
ces coses si tost faites; mais tout l’ivier et le quaresme
et jusques au may, li dus d’Ango fist faire ses pourveances
10grandes et grosses, et dist que il voloit aler
en le Haute Gascongne veoir aucuns rebelles à lui qui
estoient des arrierefiés de Gascongne et qui ne voloient
obeïr au roy de France; ossi n’avoient il fait
au prince de Galles. Et fu li princes, dou temps qu’il
15se tenoit en Acquitainnes, trop de fois temptés pour
faire à ces signeurs de le Haute Gascongne guerre,
et l’euist fait, la saison que il ala en Espagne, se li
voiages ne li euist brisiet; et de puis de plus en plus
il eut tant à faire que il n’i peut entendre. Et voloit
20li contes de Fois ses gens porter et tenir frans, et
disoit que li drois en apertenoit à lui, non au roy de
France ne au roy d’Engleterre.
§ 750. Tantost apriès Paskes revinrent devers le
duch d’Ango toutes manières de gens d’armes de
25France, de Bourgongne, de Bretagne, d’Ango, de
Poito et du Mainne, et estoit li mandemens dou duch
assignés en le ville et en le cité de Pieregorch. Si vinrent
là tout cil qui mandé et escript en furent, et
par especial il y eut bien mil lances de purs Bretons.
30Quant il furent tout assamblé, il se trouvèrent dis
mil hommes d’armes et trente mil de piet sans les
[173] Genevois arbalestriers, où il avoit bien mil et cinc
cens. Là estoient avoech le duch li connestables de
France, li sires de Cliçon, li viscontes de Rohem, li
sires de Laval, li sires de Biaumanoir, messires Jehans
5d’Ermignac, li contes de Pieregorch, li contes de
Commignes, li sires de Labreth, li viscontes de Quarmaing,
li contes de Laille, li dauffins d’Auvergne, li
sires de la Barde, messires Bertrans de Taride et tant
de grans signeurs que jamais ne les aroie tous nommés.
10Et quant il se departirent de Pieregorch, il chevaucièrent
en grant arroi et poissant, et trambloient
toutes gens devant yaus, et disoit on communement
par toute Gascongne, que li dus d’Ango aloit mettre
le siège devant Baione. Si vinrent tout premierement
15devant une ville que on claime Saint Silvier: si
en est uns abbes sires. Si s’arrestèrent par devant li
dus d’Ango et toutes ses gens, et fisent grant samblant
de l’assallir et de drechier engiens, car il en menoient
fuison avoecques yaus. Li abbes de Saint Silvier, qui
20estoit uns moult sages homs, s’umelia grandement
devers le duch d’Ango et le connestable, et remoustra
moult sagement que c’estoit uns homs d’eglise qui
n’estoit mies tailliés ne en volenté de gherriier, et
que il n’estoient pas singulierement là venu pour
25lui, mès pour aultres signeurs qui estoient plus grant
de lui. Si leur prioit que il volsissent chevaucier oultre
et laissier sa terre en composition, et que il feroit
volentiers tout ensi que li aultre. Li dus d’Ango et li
connestables et leurs consaulz regardèrent qu’il disoit
30assés: si le fisent obligier selonch sa parolle et livrer
bons ostages que on envoia à Pieregorch, et jurer que,
se li aultre se mettoient en l’obeïssance dou roy de
[174] France, ilz s’i metteroit ossi. Par ensi demora il en
souffrance, et toute sa terre.
Puis chevaucièrent ces gens d’armes noblement et
richement montés et en grant arroi, et esploitièrent
5tant que il vinrent devant une cité qui s’appelle
Lourde, de la quele uns chevaliers estoit chapitains
de par le conte de Fois, qui s’appelloit messires Pières
Ernaulz de Berne. Là s’arrestèrent toutes ces gens
d’armes et l’assegièrent fortement et estroitement,
10et y furent plus de quinse jours, et fisent drecier leurs
engiens par devant, qui onniement jettoient et qui
chiaus dedens moult travilloient. Trop volentiers se
fuissent rendu les gens de Lourde, mais li chevaliers
ne le voloit consentir, et disoit qu’il estoient fort
15assés pour yaus tenir, mais finablement non furent,
car la cités fu assallie si très fort et par si grant
ordenance que elle fu prise et conquise, et entrèrent ens
toutes gens d’armes et aultres. Si fu li dis chevaliers
mors, car onques ne se volt rendre, et trop vaillamment
20se deffendi. Si fu la cités de Lourde toute
courue et pillie, et y eut mors grant fuison des bonhommes
et pris à raençon.
§ 751. Apriès le conquès et destruction de la cité
de Lourde, chevaucièrent ces gens d’armes et leurs
25routes oultre, et entrèrent en la terre le visconte de
Chastielbon; si fu toute courue, arse et destruite, car
li François estoient moult grant fuison; et puis entrèrent
en la terre dou signeur de Chastiel Nuef: si
fu toute courue ossi sans point espargnier. Puis
30chevaucièrent amont vers Berne, et entrèrent en le
terre le signeur de l’Escut, et vinrent devant une
[175] ville et un fort chastiel que on dist Saut, dont messires
Guillonès de Paus, de le conté de Fois, estoit
chapitains, apert homme d’armes durement. Si s’arrestèrent
là li François, et y misent le siège, et y furent
5moult longement, et pluiseurs grans assaus y
fisent et livrèrent.
Li contes de Fois, qui estoit en son pays, regarda
que cilz pays de ses arrierefiés se perdoit, et bien
savoit que il en devoit hommage au roy de France
10ou au roy d’Engleterre, mais il n’estoit mies encores
discerné au quel des deus ce devoit estre. Si eut avis
et conseil de trettier devers le duch d’Ango et son
conseil, et priier que il vosist mettre ces coses en
souffrance et ces terres en composition, parmi tant que
15cilz qui seroit li plus fors dedens le moiiene d’aoust
devant Montsach en Gascogne, ou li rois de France
ou li rois d’Engleterre ou personnes de par yaus, à
celui il recongnisteroit hommage et obeïssance, et
feroit recognoistre tous chiaus de ces terres en debat,
20et pour ce intimer et acomplir en cause de plus
grant seurté, il livreroit bons plèges, sis chevaliers
et sis escuiers. Li dus d’Ango fu adont si consilliés
que il entendi à ces trettiés et les accepta, et retourna
arrière à Pieregorch, mais il ne donna à nulz de ses
25gens d’armes congiet, ançois les tenoit sus le pays,
pour tant que il voloit estre fors à le journée qui assignée
estoit devant Montsach. A ces trettiés faire dou
costé le conte de Fois rendirent grant painne li abbes
de Saint Silvier et li sires de Marsen. Tout ce sceurent
30bien li dus de Lancastre et li dus de Bretagne,
qui se tenoient à Bourdiaus, et ja estoient retourné
une partie de leurs gens en Engleterre.
[176] Li archevesques de Ravane et li evesques de Carpentras,
qui legal estoient, travilloient fort que uns
respis fust pris et acordés entre le duch d’Ango et le
duch de Lancastre, et esploitièrent tant que li dus de
5Lancastre envoia quatre de ses chevaliers à Pieregorch,
pour parler au duc d’Ango et au connestable et à leur
conseil. Chil chevalier furent li sires d’Aubeterre, li
Chanonnes de Robertsart, messires Guillaumes Helmen
et messires Thumas Douville. Si furent chil quatre
10chevalier recheu, avoech les trettieurs dou duch
d’Ango, moult douchement, et rendoit li connestables
de France [grant painne] à che que unes triewes fuissent
prises entre ces parties. Tant fu parlementé,
pourtrettié et alé de l’un à l’autre, que unes triewes
15furent prises à durer jusques au daarrain jour d’aoust,
et cuidièrent adont li Englès, dont il furent decheu,
que la journée de Montsach deuist estre enclose en
le triewe.
§ 752. Quant ceste triewe fu acordée par l’ayde et
20pourcach des legaus dessus nommés, li dus de Lancastre
et li dus de Bretagne s’ordonnèrent à partir et
retourner en Engleterre, car il avoient ja esté priès
d’un an hors, et ossi toutes leurs gens le desiroient.
Et se tiroit li dus de Bretagne que il peuist avoir une
25armée à par lui pour ariver en Bretagne et conforter
aucunes forterèces qui se tenoient en son non, et
lever le siège de Becheriel; car moult desiroit à oïr
nouvelles de sa femme, que il avoit laissiet ou chastiel
d’Auroy en le garde de monsigneur Jehan Augustin,
30siques ces coses aidièrent moult à ce que li dus
de Lancastre se parti. Si institua et ordonna, à son
[177] departement, à estre grans seneschaus de Bourdiaus
et de Bourdelois, monsigneur Thumas de Felleton,
et pria et requist as barons [de] Gascongne, qui pour
li se tenoient, que il vosissent obeïr à lui comme à
5son lieutenant, et telement et si diligamment consillier
que il n’i euissent point de blasme, ne ils point de
damage. Il li eurent tout en couvent de bonne volenté,
et sus cel estat se departi, et toute sa route,
et s’en retournèrent en Engleterre. De ce departement
10ne furent mies courouchié li dus d’Ango, li
connestables ne li signeur de France, qui à Pieregorch
se tenoient; car leur intention de le journée de
Montsach en fu grandement embellie.
Or parl[er]ons un petit dou siège de Becheriel, qui
15s’estoit tenus un an et plus, sans chiaus de le garnison
estre noient rafreschi ne aidié; car il estoient si
priès gardé de tous costés que riens ne lor pooit venir,
et se ne lor apparoit confors de nulle partie. Quant
il veirent que leurs pourveances commençoient ja à
20afoiblir et que longement ne pooient demorer en cel
estat, il s’avisèrent qu’il tretteroient un respit devers
ces signeurs de France et de Normendie, qui là tenoient
le siège, que, se il n’estoient conforté de gens
fors assés pour combatre les François dedens le jour
25de le Toussains, il renderoient le forterèce. Si envoiièrent
un hiraut promouvoir ce trettié. Li mareschaus
de Blainville et li signeur qui là estoient, respondirent
à ce commenchement que nuls [traictiés]
n’apertenoit à yaus à donner ne à oïr, sans le sceu
30dou roy de France, mais volentiers il envoieroient
devers lui et li segnefieroient tout cel estat. Li hiraus
raporta ceste response as chapitainnes de Becheriel,
[178] monsigneur Jehan Appert et monsigneur Jehan de
Cornuaille: si leur plaisi bien ceste response et ossi
que il envoiassent hasteement devers le roy de France.
Finablement il y envoiièrent, et rescrisi li rois à ses
5mareschaus, monsigneur Loeis de Sausoirre et monsigneur
de Blainville, et les barons qui là estoient,
que de toutes compositions il en fesissent à leur
ordenance, et qu’il les tenoit et tenroit à bonnes.
Dont fu perseverés li trettiés devant pourparlés et
10acordés, et donnés respis à chiaus dedens, et chil
dedens à chiaus dehors, à durer jusques à le Toussains.
Et, se là en dedens li un[s] des filz le roy d’Engleterre
ou li dus de Bretagne ne venoient si fort que
pour lever le siège, il devoient rendre le chastiel de
15Becheriel as François, et de che livroient il bons
ostages, chevaliers et escuiers, tant que li signeur de
France et de Normendie, qui là se tenoient, s’en
contentèrent bien. Ensi demora li chastiaus de Becheriel
en composition, et segnefiièrent tout leur
20estat li doi chevalier qui dedens estoient, au plus
tost qu’il peurent, au roy d’Engleterre et au duch de
Bretagne, et ossi as contes et as barons d’Engleterre.
Si sambla as Englès que il avoient journée [encores]
assés: si le misent en noncaloir, excepté li dus de
25Bretagne, à qui il touchoit plus que à nul des aultres,
car li chastiaus se rendoit de lui et de son
hiretage.
§ 753. Or revenons à le journée de Montsach. Voirs
est que quant la moiienne d’aoust deubt approchier,
30li dus d’Ango s’en vint devant le ville de Montsach,
et là se loga et fist logier ses gens par grande et
[179] bonne ordenance, et avoit en devant priiés et mandés
gens de tous costés, chevalier[s] et escuiers, efforciement.
Avoech tout che li rois de France y envoia
grant gent d’armes, et me fu recordé que trois jours
5devant la moiienne d’aoust et trois jours apriès, il y
eut bien quinse mil hommes d’armes, chevaliers et
escuiers, et bien trente mil d’autres gens. Nulz ne se
comparut, car il n’i avoit nul grant chief ou pays,
excepté monsigneur Thumas de Felleton, qui fu trop
10grandement esmervilliés de celle journée, et le debati
longement et par pluiseurs raisons. Et vint en l’ost,
quant la moiienne d’aoust fu passée et la journée inspirée,
parler moult aviseement au duch d’Ango et au
connestable sus assegurances, et leur remoustra bien
15et sagement que li dus de Lancastre et li dus de Bretagne
avoient donné le respit par mi che que la journée
de Montsach devoit estre ens enclose, mès on li
prouva tout le contraire; car, à verité dire, il y eut
trop peu parlé pour les Englès, car li trettiés de le
20composition ne faisoit point de mention de Montsach.
Si couvint monsigneur Thumas de Felleton,
volsist ou non, retourner à Bourdiaus et souffrir [ceste
cose] à laiier passer. Ensi vint en ce temps de ces
arrierefiés. Li contes de Fois entra ou service et en
25l’obeïssance dou roy de France, et tout li baron et li
prelat, qui dedens estoient; et en prist li dus d’Ango
les fois et les hommages; et quant il s’en senti bien
au dessus, il renvoia les ostages qu’il tenoit en Pieregorch
au conte de Fois, et puis s’en retourna à Toulouse,
30quant il eut pris le saisine et possession de le
ville et dou chastiel de Montsach, que moult recommenda
en coer, et le fist de puis remparer et rapareillier,
[180] et dist que de Montsach il feroit sa cambre et
son gardecorps.
§ 754. Tantost apriès le revenue de Montsach à
Thoulouse, et que li dus d’Ango et li baron, qui
5avoecques lui estoient, s’i furent un petit reposet et
rafreschi, li dis dus d’Ango remist une aultre chevaucie
sus de ces propres gens qu’il avoit tenu toute le
saison, et dist qu’il vorroit chevaucier vers le Riole et
vers Auberoce, car là estoit encores uns grans pays à
10reconquerre, qui ne desiroit aultre cose. Si se departi
de Thoulouse le XVIIe jour de septembre, l’an de
grasce mil trois cens settante et quatre, ossi estoffeement
ou plus que quant il fu en le Haute Gascongne,
et estoient avoecques lui par manière de service li
15abbes de Saint Silvier, li viscontes de Chastielbon, li
sires de Chastiel Nuef, li sires de l’Escut et li sires de
Marsen, et fisent tant par leurs journées qu’il vinrent
devant le Riole. Tous li pays trambloit devant. Chil de
le Riole, qui ne desiroient aultre cose qu’il fuissent
20françois, se ouvrirent tantost et se misent en l’obeïssance
dou roy de France. Ossi fisent cil de Langon,
de Saint Malkaire, de Condon, de Saint Basille, de
Prudaire, de Mautlyon, de Dion et de Sebillach, et
bien quarante villes fremées que fors chastiaus, qui
25à point de fait se tournèrent, et la daarrainne ville ce
fu Auberoce; ne riens ne se tenoit ne duroit en celle
saison devant les François, et legière cose estoit à
faire, car il desiroient à yaus rendre, et se ne leur
aloit nuls au devant.
30En ce temps que ces chevaucies se faisoient, estoient
en le marche de Pikardie revenu li doi trettieur legal
[181] et se tenoient à Saint Omer, et avoient leur messages
alans et venans en Engleterre devers le roi et son
conseil, et ossi à Paris devers le roy de France, pour
impetrer un bon respit, et en ce respit durant c’estoit
5leur entention qu’il metteroient toutes parties en
acord. Et, à ce que j’entendi adont, il estoient volentiers
oy dou roy d’Engleterre et de son conseil, car
il veoient que par toutes les metes et limitations [où]
il tenoient terres, villes, chastiaus et pays se perdoient
10à peu de fait pour yaus, et se n’i savoient [comment
donner conseil ne comment remediier. Et par especial
trop fort desplaisoit au roy d’Engleterre en
coer de che que li dus de Bretagne avoit ensi et à
petite ocquison perdu son hiretage pour l’amour
15de lui. Si travillièrent tant chil doi legal que li rois
d’Engleterre acorda que ses filz li dus de Lancastre
paseroit mer et venroit à Calais pour oïr et savoir
plainnement quel cose li François voloient dire. Ossi
li rois de France acorda et seela que ses frères, li dus
20d’Ango, venroit contre lui à Saint Omer, et par le
moiien des discrètes et venerables personnes l’archevesque
de Ravane et l’evesque de Carpentras, il se
lairoient gouvrener et consillier, siques, si tretost que
li dus d’Ango et li baron de France et de Bretagne
25eurent achievé ceste daarrainne chevaucie devant
ditte, il furent quoiteusement remandé dou roy de
France et escript que tantost et sans delay il retournaissent
en France, et qu’il avoit accordé son frère
à estre contre celle Toussains à Saint Omer, car li dus
30de Lancastre devoit estre à Calais; et ossi il touchoit
grandement as barons de Bretagne pour le fait de
Becheriel. Li dus d’Ango, li connestables, li sires de
[182] Cliçon et li aultre se departirent de Roerge au plus
tost qu’il peurent, les lettres dou roy veues et oyes,
sans tourner à Thoulouse, et donnèrent congiet toutes
manières de gens d’armes de lontainnes marces,
5et ne retint avoecques lui li dus fors les Bretons; si
s’en retourna en France, où il fu grandement festés
et conjoys, et toute sa compagnie, dou roy et de
tout son conseil.
§ 755. En ce temps estoient les marces de Pikardie
10trop bien garnies de bonnes gens d’armes, car messires
Hues de Chastillon, mestres des arbalestriers,
qui nouvellement estoit retournés d’Engleterre, se tenoit
en garnison à Abbeville atout grant fuison de
gens d’armes et tous bons compagnons, et desiroit
15grandement [de soy contrevengier] pour ses contraires
et desplaisirs que on li avoit fais en Engleterre
nouvellement; car, ensi que dit est en ceste hystore,
il fu pris au dehors d’Abbeville par embusche de monsigneur
Nicole de Louvaing qui ne le voloit mettre
20a finance, mais il trouva voie et tour par le pourcach
de ma dame sa femme, comment il fu delivrés
par l’ayde d’un maronnier de l’Escluse en Flandres,
qui se mist en l’aventure de li aler querre en le marce
de Northombreland, et fist tant toutes fois qu’il le ramena
25en Flandres. Je m’en passerai assés briefment,
car la matère en seroit trop longe à demener. Mais,
quant il fu revenus, on li rendi son office, ensi que
devant, de estre nommés monsigneur le Mestre. Si
se tenoit en le bonne ville d’Abbeville, et chevauçoit
30à le fois ens et hors, ensi que le mieulz li plaisoit.
De Dieppe sus mer estoit chapitainne messires
[183] Henris des Isles, uns moult appers chevaliers; de Boulongne,
messires Jehans de Lonchvillers; de Moustruel,
messires Guillaumes de Nielle; de Rue, li chastellains
de Biauvais; et toutes ces garnisons de là
5environ françoises estoient très bien pourveues de
bones gens d’armes, et bien besongnoit, car li Englès
estoient ossi fort sus [le marce]. Pour ce temps estoit
chapitains de Calais messires Jehans de Burlé, et ses
lieutenans, messires Gautiers d’Evrues; de Ghines
10messires Jehans de Harleston, et d’Arde, li sires de
Gommegnies.
Or avint que messires Gautiers d’Evrues, messires
Jehans de Harleston et li sires de Gommegnies furent
en parlement et en conseil ensamble de chevaucier,
15et l’acordèrent l’un à l’autre, et fisent leur assamblée
et leur amas dedens le bastide d’Arde, et s’en
partirent au point dou jour bien largement huit vint
lances, et chevaucièrent viers Boulongne. Che propre
jour au matin, estoit partis de Boulogne messires
20Jehans de Lonchvillers à soissante lances, et avoit
chevauciet viers Calais pour trouver aucune aventure.
Ensi que tout le pas il s’en retournoit, et pooit estre
environt deus liewes priès de Boulongne, il encontra
sus son chemin le signeur de Gommegnies et se route.
25Sitos que li Englès les perchurent, il furent moult
resjoy, et escriièrent leur cri, et ferirent chevaus des
esporons, et se boutèrent entre yaus, et les espardirent
et en ruèrent jus jusques à quatorse qu’il retinrent
pour prisonniers. Li aultre se sauvèrent par leurs
30bons coursiers et par l’avantage qu’il prisent, et rentrèrent
tout à point en le ville de Boulongne. Si furent
il cachiet jusques as barrières. Apriès celle cache,
[184] li Englès se recueillièrent et se misent au chemin pour
revenir vers Arde, par une adrèce que on dist ens ou
pays l’Eveline et tout droit devers Alekine, un biau
vert chemin.
5Ce propre jour avoit fait sa moustre messires Hues
de Chastillon, que on dist monsigneur le Mestre; et
avoit avoecques lui toutes ces chapitainnes de là
environ, et estoient bien quatre cens lances. Li jones
contes de Saint Pol, messires Galerans, estoit nouvellement
10revenus de sa terre de Loerainne, et
n’avoit mies à Saint Pol sejourné trois jours, quant
par devotion il s’estoit partis pour aler en pelerinage
à Nostre Dame de Boulongne. Si oy [dire] sus son
chemin que monsigneur le Mestre et chil François
15chevauçoient; se li vint en avis que ce li seroit
blasmes et virgongne, puis que il savoit leurs gens
sus le pays qui chevauçoient, se il ne [se] mettoit en
leur compagnie, et n’i volt trouver nulle excusance,
ensi que uns jones chevaliers qui se desire à avancier
20et qui quiert les armes. Et s’en vint ce propre jour
au matin avoech monsigneur [Hue] de Chasteillon et
les aultres compagnons, qui furent tout resjoy de sa
venue. Si chevaucièrent liement ensamble celle matinée
viers Arde, qui riens ne savoient des Englès
25ne li Englès d’yaus, et cuidoient li François que li
Englès fuissent en Arde, et vinrent jusques à là. Et
fisent leur moustre et leur coursée devant les barrières;
et, quant il eurent là esté une espasse, il s’en
retournèrent et prisent le chemin devers Likes et devers
30Tournehen.
§ 756. Si tretost que li François se furent parti de
[185] devant Arde et mis au retour en chevauçant moult
bellement, uns Englès issi de le ville d’Arde et se mist
à voie couvertement à l’aventure, pour savoir se jamais
il trouveroit leurs gens pour recorder ces riches
5novelles. Et tant ala et tant vint de lonch et de travers,
que sus son chemin d’aventure il trouva le signeur
de Gommegnies, monsigneur Gautier d’Evrues
et monsigneur Jehan de Harleston. Si s’arresta à euls
et yaus à lui, et leur [compta] comment li François
10chevauçoient et avoient fait leur moustre devant Arde.
«Et quel chemin tiennent il?» dist li chevaliers.—«Par
ma foi, mi signeur, il prisent le chemin pour
aler vers Likes; car encores, depuis que je me fui
partis, je les ay veus sus le mont de Tournehen, et
15croi qu’il ne sont pas lonch de chi. Tirés sus destre
en costiant Likes et Tournehen, je espoir que vous
les trouverés, car il chevaucent tout le pas.» Adont
recueillièrent cil troi chevalier toutes leurs gens et
remisent ensamble, et chevaucièrent tout le pas, le
20banière dou signeur de Gommegnies tout devant et
les deux pennons des deus aultres chevaliers dalés.
Ensi que li François eurent passé Tournehen, et
qu’il tiroient à aler viers Likes, il oïrent nouvelles de
chiaus dou pays et furent segnefiiet que li Englès
25chevauçoient et estoient hors d’Arde. Si en furent
trop malement joiant, et disent qu’il ne demandoient
ne queroient aultre cose, et faisoient trop durement
grant enqueste où il en poroient oïr nouvelles, car il
faisoient doubte que il ne les perdesissent; et furent
30sus un estat une espasse, que il se departiroient en
deus chevaucies pour yaus trouver plus prestement,
et puis brisièrent ce pourpos et disent, tout consideret,
[186] que il valoit mieulz que il chevauçassent tout
ensamble. Si chevaucièrent tout ensamble baudement,
barrières et pennons ventelant, car il faisoit
bel et joli, et trop estoit courouciés li contes de Saint
5Pol qu’il n’avoit là tout son arroi et especialment sa
banière, car il l’euist boutée hors, et fretilloit telement
de joie, qu’il sambloit qu’il n’i deuist ja à
temps venir. Et passèrent oultre l’abbeye de Likes et
prisent droitement le chemin que li Englès tenoient.
10Si vinrent à un bosket deseure Likes, et là s’arrestèrent
et rechainglèrent leurs chevaus, et fisent en che
dit bosket une embusche de trois cens lances, des
quelz messires Hues de Chastillon estoit chiés, et fu
ordonnés li contes de Saint Pol à courir, et cent
15lances, chevaliers et escuiers, avoecques lui. Assés
priès de là, au lonch d’une haie, estoient descendu
li Englès, et avoient rechenglé leurs chevaus, et fu
ordonnés messires Jehans de Harleston à courir à
tout quinse lances pour ouvrir l’embusche des François;
20et se parti avoecques se route, et l’avoient li
sires de Gommegnies et messires Gautiers d’Evrues,
au departement, bien avisé que, se il venoit sus les
coureurs des François, que il se fesist cachier, et de
che se tenoit il tous enfourmés. Ensi chevauça messires
25Jehans de Harleston et vint sus le conte de Saint
Pol et se route qui estoient tout bien monté. Sitos
que li Englès furent venu jusques à yaus, il fisent leur
moustre, et tantost se misent au retour pour revenir
à leurs compagnons, qui les attendoient au lonch de
30le haie en très bonne ordenance [et tout à piet], leurs
archiers pardevant yaus. Quant li contes de Saint
Pol les vei fuir, il fu un petit trop aigres d’yaus
[187] poursievir, et feri cheval des esporons, la lance ou poing,
et dist: «Avant, avant! il ne nous poeent escaper.»
Lors veissiés desrouter ces François et mettre en
cache apriès ces Englès, et les cachièrent jusques au
5pas de le haie. Quant li Englès furent là venu, il
s’arrestèrent, et ossi fisent li contes de Saint Pol et se
route, car il furent recueilliet de ces gens d’armes et
de ces archiers, qui commenchièrent à traire saiettes
à effort et à navrer chevaus et abatre chevaliers et
10escuiers. Là eut un petit de bon estour, mais tantost
il fu passés; car li contes de Saint Pol ne chil qui
avoecques lui estoient, n’eurent point de durée à ces
Englès. Si fu li dis contes pris d’un escuier de la
ducé de Guerles, et en celle route li sires de Pois, li
15sires de Clari, messires Guillaumes de Nielle, messires
Charles de Chastillon, messires Lyonniaus d’Arainnes,
li sires de Cipoi, chastellain de Biauvais, messires
Henris des Isles, et Jehans, ses frères, messires Gauwiné[s]
de Bailluel et plus de soissante bons prisonniers,
20chevaliers et escuiers.
§ 757. Droitement sus le point de celle desconfiture,
evous venir à frapant monsigneur Hue de Chastillon
et se banière, et estoient bien trois cens lances,
et chevauchièrent jusques au pas de le haie, où li
25autre s’estoient combatu, et encor en y avoit qui se
combatoient. Quant li sires de Chastillon vei le
manière que li contes de Saint Pol et se route estoient
ruet jus, si n’eut mies desir ne volenté d’arrester,
mais feri cheval des esporons, et se parti, et se banière.
30Li aultre, par droit d’armes, n’eurent point de
blasme se il le sievirent, quant c’estoit leurs sires et
[188] leurs chapitains. Ensi se departirent là trois cens
hommes tous bien montés et tailliés, se li hardemens
fust en yaus, de faire une bonne besongne et de
reskeure le journée, et le jone conte de Saint Pol, au
5quel ceste aventure fu moult dure, et à tous les bons
chevaliers et escuiers qui avoecques lui furent pris.
Sachiés bien que au commenchement, quant li
Englès veirent venir sus yaus celle grosse route, tous
bien montés et appareilliés de faire un grant fait, il
10ne furent mies bien à segur de leurs prisonniers ne
d’yaus meismes; mais, quant il les veirent partir et
moustrer les talons, il furent grandement reconforté
et n’eurent nulle volenté adont de cachier chiaus qui
fuioient, mais montèrent as chevaus et fisent monter
15leurs prisonniers, et tantost fu nuis. Si retournèrent
ce soir en le garnison d’Arde, et se tinrent tout aise
et tout joiant de che qu’il eurent. Che propre soir
après souper, acata li sires de Gommegnies le conte
de Saint Pol à son mestre qui pris l’avoit, et l’en fist
20fin de dis mil frans. Ensi fu li contes de Saint Pol
prisonniers au signeur de Gommegnies. A l’endemain,
cascuns des chapitainnes retourna où il devoit
aler, messires Jehans de Harleston à Ghines, et messires
Gautiers d’Evrues à Calais, et leurs gens, et en
25menèrent leurs prisonniers et tout leur butin.
Ces nouvelles s’espardirent jusques en Engleterre,
et vinrent au roy, et li fu dit que ses chevaliers, li
sires de Gommegnies, avoit eu sus un jour rencontre
et bataille as François, et si bien s’i estoit portés que
30ilz et si compagnon avoient desconfi les François, et
tenoit le conte de Saint Pol à prisonnier. De ces
nouvelles fu grandement resjoïs li rois d’Engleterre
[189] et tint ce fait à grant proèche, et manda par ses
lettres et par un sien escuier au signeur de Gommegnies,
que il le venist veoir en Engleterre et li amenast
son prisonnier. Li sires de Gommegnies obéï,
5che fu raisons, et recarga Arde à ses compagnons,
et puis s’en parti, le conte de Saint Pol en se compagnie.
Si vinrent à Calais, et là se tinrent tant
qu’il eurent vent pour passer oultre, et, quant il
l’eurent, il entrèrent en un passagier. Si arrivèrent,
10ce propre jour qu’il montèrent, à Douvres. De puis
esploitièrent il tant qu’il vinrent à Windesore, où li
rois se tenoit, qui rechut le signeur de Gommegnies
en grant chierté. Tantos li sires de Gommegnies,
quant il li eut fait la reverense, ensi que on doit faire
15à un roy, li presenta et li donna le conte de Saint Pol,
pour tant qu’il sentoit bien que li rois le desiroit à
avoir pour deus raisons. Li une estoit que li rois n’avoit
point amet son signeur de père le conte Gui,
pour tant que sans congiet il s’estoit partis d’Engleterre
20et que très grant painne avoit mis à la guerre
renouveler; l’autre, que il en pensoit bien à ravoir
ce vaillant chevalier et ce grant chapitainne de gens
d’armes monsigneur le captal de Beus, qui gisoit en
prison en le tour dou Temple à Paris, ens es dangiers
25dou roy de France. Si remercia li rois liement
le signeur de Gommegnies de ce don et de ce present,
et li fist tantost delivrer vint mil frans. Ensi
demora li jones contes de Saint Pol en prison courtoise
devers le roy d’Engleterre, recreus sus sa foy
30d’aler et de venir par mi le chastiel de Windesore et
non issir de le porte sans le congiet de ses gardes; et
li sires de Gommegnies retourna à Arde entre ses
[190] compagnons. Si paia bien aise de l’argent le roy
d’Engleterre l’escuier de Guerles, qui pris avoit le
signeur de Lini, conte de Saint Pol.
§ 758. Tantost apriès ceste aventure, furent les
5triewes prises et acordées entre le roy de France et
le roy d’Engleterre, et ne s’estendoient, à ce premier,
fors tant seulement entre Calais et le rivière
de Somme, et furent ensi prises et données par avis
pour les signeurs de France chevaucier segurement
10en le marce, où li parlement devoient estre, car toute
celle saison il n’en tinrent nulles ens es lointaines
marces, et par especial en Bretagne et en Normendie.
Si vint li dus d’Ango à Saint Omer en grant arroy, et
cil doy legal trettieur avoecques lui, et n’i vint mies
15si simplement qu’il n’euist en se compagnie plus de
mil lances de Bretons, dont li connestables de France,
li sires de Cliçon, li viscontes de Rohem, li sires de
Laval, li sires de Biaumanoir et li sires de Rocefort
estoient chief. Si se tenoient ces gens d’armes pour
20les embusches ou plat pays environ Bailluel et le
Crois en Flandres, et prendoient leurs sauls et leurs
gages, et paioient tout ce qu’il prendoient, sans riens
grever le pays, mais il se tenoient là en celle instance
qu’il ne s’asseuroient mies trop parfaitement en es
25Englès.
En ce temps se mist li sièges devant Saint Salveur
le Visconte en Normendie, et li mist premierement
par mer messires Jehans de Viane, amiraus de mer.
En se compagnie estoient li sires de Rays et Yewains
30de Galles, et la navie [du roy] dan Henri de Castille: si
en estoit amiraus dan Radigho de Rous, de Louwars.
[191] Li dus d’Ango, quant il deubt venir à Saint Omer,
manda en Haynau son biau cousin monsigneur Gui
de Blois pour lui acompagnier, li quels y vint moult
estoffeement, quatre chevaliers en se compagnie,
5dont li dus d’Ango li sceut grant gré, quant il le
trouva si honnourable et si appareillié, car il ne l’avoit
priiet qu’à trese chevaus, et il y vint à trente.
Ossi li dus de Lancastre vint à Calais, et là se tint
un temps, et eut grant merveille pour quoi tant de
10gent d’armes de Bretons se tenoient en le marce de
Saint Omer. On li dist que li dus d’Ango, ses cousins,
ne s’asseuroit point bien en lui, et qu’il n’i avoit
aultre visce. De quoi li dus de Lancastre en crolla
le tieste, et dist: «Se il le fait pour ce, il n’est mies
15bien consilliés; car en pais doit estre paix, et en
guerre guerre.» Si commenchièrent à aler de l’un à
l’autre li doi trettieur et à mettre raisons et pareçons
avant, et à entamer matère de paix ou de respit, et
toutdis aloit li saisons aval.
20Or vint li termes qu’il couvenoit chiaus de Becheriel
rendre ou estre conforté, siques, si tretost que li
jours deubt approcier, li rois de France escrisi devers
le connestable et le signeur de Cliçon, et leur
manda que il se presissent priès pour iestre à le journée,
25si en vaurroit la besongne mieulz. Et ossi il voloit
que ses gens y fuissent si fort que, se li Englès y
venoient, qui de poissance vosissent lever le siège,
on les peuist combatre. Si tretost que cil doi signeur
furent segnefiiet [de l’entention] dou roy de France,
30il le remoustrèrent au duc d’Ango, et li dus d’Ango
leur acorda de partir, et une quantité de leurs gens,
et les aultres demorer. Si se partirent, et esploitièrent
[192] tant par leurs journées qu’il vinrent au siège de Becheriel,
où toutes gens d’armes s’arivoient, par l’ordenance
dou roy de France, de Bourgongne, d’Auvergne,
de Poito, de Saintonge, de Berri, de Campagne,
5de Pikardie, de Bretagne et ossi de Normendie,
et eut là, au jour que li compositions devoit
clore, devant Becheriel plus de dis mil lanches, chevaliers
et escuiers, et y vinrent li François si efforciement,
pour tant que on disoit que li dus de Bretagne
10et li contes de Sallebrin estoient sus mer à bien
dis mil hommes parmi les archiers; mès on n’en vei
onques nul apparant. De quoi chil de Becheriel furent
moult couroucié, quant si longhement que plus
de quinse mois s’estoient tenu et si vaillamment, et
15si n’estoient aultrement conforté. Toutes fois il leur
couvint faire et tenir che marchié, puis que juré et
couvenencié l’avoient, et que à ce il s’estoient oblegié
et livré bons ostages. Si rendirent et delivrèrent
au connestable de France la ditte forterèce de Becheriel,
20qui est belle et grande et de bonne garde, et
s’en partirent messires Jehans Appers et messires
Jehans de Cornuaille et leurs gens, et en portèrent
ce qui leur estoit. Tout ce pooient il faire par le trettié
de le composition, et s’en vinrent sus le conduit
25dou connestable à Saint Salveur le Visconte, et là se
boutèrent. Si recordèrent as compagnons de laiens
comment il avoient finet as François.
§ 759. Si tretost que li connestables de France et
li sires de Cliçon et li doi mareschal de France, qui
30là estoient, eurent pris la saisine et possession de
Becheriel, caudement il s’en vinrent mettre le siège
[193] devant Saint Salveur le Visconte. Ensi furent la ville
et li chastiaus de Saint Salveur le Visconte assegiet
par mer et par terre. Si fisent tantost chil baron de
Bretagne et de Normendie, qui là estoient, lever et
5drechier grans mangonniaus et grans engiens devant
le forterèce, qui nuit et jour jettoient grans pières et
grans mangonniaus as tours, as garittes et as crestiaus
de le ville et dou chastiel, qui durement cuvrioient
et travilloient. Et bien souvent sus le jour li chevalier
10et li escuier de l’ost s’en alèrent escarmucier as
barrières à chiaus de dedens, et li compagnon de le
garnison ossi s’esprouvoient à yaus. Si en y avoit
souvent par telz fais d’armes des mors, des navrés
et des blechiés. Quatreton, uns hardis et appers homs
15d’armes, qui chapitains en estoit de par monsigneur
Alain de Bouqueselle, estoit durement curieus et
songneus d’entendre à le forterèce, car trop euist esté
courouciés, se par sa negligense il euissent recheu
damage ne encombrier. Avoecques lui estoient et
20avoient esté toute la saison messires Thumas Trivés,
messires Jehans de Bourch et messires Phelippes
Picourde et li troi frère de Maulevrier, qui ossi en
tous estas en faisoient bien leur devoir; et se y estoient
de rechief revenu messires Jehans Appers et
25messires Jehans de Cornuaille et li compagnon qui
parti estoient de Becheriel. Si se confortoient l’un
par l’autre, et leur sambloit qu’il estoient fort assés
pour yaus tenir un grant temps, et pensoient que li
dus de Bretagne par mer les venroit rafreschir et
30combatre les François, ou à tout le mains li dus de
Lancastre, qui estoit à Calais, les metteroit en son
trettié de triewes ou de respit, par quoi li François
[194] ne seroient mies signeur d’une si belle forterèce
que Saint Salveur est. Ensi en considerant ces coses
à leur pourfit, se tenoient vaillamment li compagnon
qui dedens estoient, et se donnoient dou bon temps,
5car il avoient vins et pourveances assés. La cose del
monde qui plus les grevoit, c’estoit li grant enghien
de l’ost, qui continuelment, nuit et jour, jettoient,
car li grosses pières de fais leur desrompoient et
effondroient les combles et les tois des tours. Ensi se
10tinrent il tout cel ivier, et li dus d’Ango à Saint
Omer, et li dus de Lancastre à Calais.
§ 760. Tant alèrent de l’un à l’autre, amoienant
les besongnes, li doi prelat et legal dessus nommet,
que il approcièrent ces trettiés, et que li doi duch
15d’Angho et de Lancastre s’acordèrent à ce que d’yaus
comparoir à Bruges l’un devant l’autre, car au voir
dire, li trettieur aloient à trop grant painne de Saint
Omer à Calais et de Calais à Saint Omer. Et quant il
avoient tout alé et tout venu, se ne faisoient il riens;
20car, sus trois ou quatre journées que il mettoient tant
en alant et retournant qu’en parlant as parties, se
muoient [bien] nouvel conseil.
Quant li dus de Lancastre se deut partir de Calais,
li dus de Bretagne, qui s’estoit là tout le temps tenus
25avoecques lui, prist congiet et retourna en Engleterre
et raporta nouvelles des trettiés au roy et sus
quel estat il estoient. A ce retour qu’il fist, il esploita
si bien au roy d’Engleterre, parmi les bons moiiens
qu’il eut, monsigneur Alain de Bouqu[es]elle, cambrelent
30dou roy, que li rois li [acorda et] delivra deus
mil hommes d’armes et quatre mil archiers, et par
[195] especial en se compagnie, pour mieulz esploitier de
ses besongnes, monsigneur Aymon, son fil, conte de
Cantbruge, monsigneur le conte de le Marce, monsigneur
Thumas de Hollande, qui de puis fu conte de
5Kent en Engleterre, ainsnet fil de la princesse, le signeur
Despensier, qui pas n’estoit encores mors,
mais il morut au retour de ce voiage, le signeur de
Manne, messires Hughe de Hastinghes, monsigneur
Bruiant de Stapletonne, monsigneur Symon Burlé,
10monsigneur Richart de Pontchardon, monsigneur
Thumas Tinfort, le signeur de Basset, monsigneur
Nicole Stammore, monsigneur Thumas de Grantson,
et pluiseurs aultres. Si fisent leurs pourveances à
Hantonne et là montèrent en mer; et quant il se partirent,
15il avoient entention que de venir combatre
sus mer le navie dou roy de France, qui gisoit devant
Saint Salveur, mais il eurent vent contraire qui
les bouta en Bretagne: si prisent terre devant Saint
Mahieu de Fine Posterne. Si tost que il furent hors
20de leurs vaissiaus, il se traisent devers le chastiel qui
siet au dehors de la ville: si l’assallirent fortement
et diversement, et le conquisent de force, et furent
mort tout chil qui dedens estoient. Adont se rendi la
ville de Saint Mahieu au duch de Bretagne. Si entrèrent
25li Englès dedens le ville de Saint Mahieu: si y
attraisent leurs pourveances là dedens et s’i
rafreschirent.
Or vinrent ces nouvelles au connestable de France,
au signeur de Cliçon et as barons de France et de
30Normendie et de Bretagne, qui devant Saint Salveur
se tenoient, que li dus de Bretagne efforciement estoit
arivés à Saint Mahieu et avoit ja pris le ville et
[196] le chastiel. Si eurent conseil entre yaus comment il
s’en poroient chevir. Dont fu regardé pour le milleur
et segur estat que on envoieroit, contre yaus faire
frontière, trois cens ou quatre cens lances, qui les
5ensonnieroient, et herieroient leurs coureurs, se il
s’abandonnoient de trop avant chevaucier ou pays,
et toutdis tenroient il le siège devant Saint Salveur,
et ne s’en partiroient, ensi qu’en pourpos l’avoient,
si l’aroient conquis. Adont furent ordonné principaument
10quatre baron de Bretagne, li sires de Cliçon,
li viscontes de Roem, li sires de Laval et li
sires de Biaumanoir, à frontière faire contre les Englès.
Si s’en vinrent à Lambale, et là se tinrent.
Li dus de Bretagne, li contes de Cantbruge, li
15contes de le Marce, li sires Despensiers et li baron
[et li chevalier] d’Engleterre, qui estoient arrivet à
Saint Mahieu de Fine Posterne, ne sejournèrent
gaires en le ville de puis que elle fu rendue, mais s’en
vinrent devant Saint Pol de Lyon, et là s’arrestèrent.
20Si l’assallirent fortement et le prisent de force;
si fu toute courue et essillie, et de là il s’en vinrent
devan[t] Saint Brieu de Vaus, une ville malement
forte, et l’assegièrent et avoient grant entention dou
prendre, car il misent mineurs en oevre, qui s’ahatirent
25que dedens quinse jours il esploiteroient si bien,
qu’il feroient reverser un tel pan dou mur, que sans
dangier il enteroient bien en le ville.
§ 761. Quant li Englès, qui dedens Saint Salveur
estoient, entendirent que li dus de Bretagne et li
30contes de Cantbruge et grant fuison de signeurs
d’Engleterre, estoient efforciement arrivet en Bretagne,
[197] si en furent moult joiant; car il en cuidièrent grandement
mieulz valoir et que par yaus fust cilz sièges
levés. Si s’avisèrent, car il leur besongnoit, qu’il
tretteroient devers ces signeurs de France, à fin que
5il euissent un respit un mois ou cinc sepmainnes, et,
se là en dedens il n’estoient conforté, il renderoient
le ville et le chastiel de Saint Salveur. Au voir dire,
il ne pooient en avant; car il estoient si travilliet et
cuvriiet des engiens qui nuit et jour jettoient, qu’il
10n’osoient aler parmi la ville ne le chastiel, mais se
tenoient ens es tours. Et avint une fois que Quatreton,
le chapitainne, gisoit en une tour sus un lit, car
il estoit moult dehetiés: si entra une pière d’engien
en celle tour par une trelle de fier que elle rompi.
15Et fu adont avis proprement à Quatreton que li tonnoires
fust descendus laiens, et ne fu mies assegurés
de sa vie; car celle pière d’engien qui estoit ronde,
pour le fort tret que on li donna, carola tout autour
[de le tour] par dedens, et quant elle cheï, elle effondra
20le planchier et entra en une autre estage, ensi
que Quatreton recorda de puis à ses compagnons,
siques, pour yaus oster de ce dangier, fust par pais
ou par bataille, entre yaus il se consillièrent pour le
millieur que il tretteroient unes triewes. Si le fisent
25et envoièrent par un hiraut querre un saufconduit
au connestable que il peuissent segurement venir parlementer
en l’ost: on leur acorda, et le reporta li
hiraus tout seelé. Dont vinrent en l’ost [traictier]
messires Thumas Trivès et messires Jehans de Bourch
30au connestable et au duch de Bourbon, qui là estoient.
Si esploitièrent si bien que uns respis lor fu acordés
par tel manière, que se dedens la close Paske il
[198] n’estoient conforté dou duc de Bretagne personelment,
il rend[er]oient la forterèce, et c’estoit environ le
miquaresme, et ce terme pendant, on ne leur devoit
faire point de guerre, et ossi il n’en feroient point; et
5se defaute estoit que dou duch de Bretagne il ne fuissent
conforté et secouru dedens le jour qui expresseement
y estoit mis, il liv[re]roient presentement bons
hostages pour rendre la forterèce. Ensi demora Saint
Salveur en composition, et li doi duch d’Angho et de
10Lancastre et leurs consauls estoient à Bruges, qui savoient
et qui ooient tous les jours nouvelles de Bretagne
et de Normendie; et par especial li dus d’Ango
les avoit plus fresches que n’euist ses cousins, li dus
de Lancastre: si s’avisoit selonch ce. Là estoient li
15doi legal moiien pour toutes parties, qui portoient
tous les jours de l’un à l’autre ces trettiés; et quant
on estoit sus voie d’acord, Bretagne et Espagne desrompoient
tout. Je vous diray pour quoi et comment
li dus de Lancastre ne se voloit nullement assentir à
20trettié de paix ne à composition nulle, se li dus de
Bretagne ne ravoit tout entirement la ducé de Bretagne,
ce que li rois de France avoit applikiet à l’iretage
de France et au demainne par l’acort de tous
les barons, les prelas, les cités et les bonnes villes de
25Bretagne. Or regardés se ce n’estoit point fort à oster,
Chastille, que on entent Espagne, quant li rois de
France voloit que tout outreement elle demorast au
roy Henri, dont li dus de Lancastre se tenoit hoirs
de par ma dame se femme, qui avoit estet fille au roy
30dan Pietre et dont li dessus dis dus s’escrisoit sires
et rois, et des armes il s’esquarteloit. Et avoit li rois
de France juré solennelment que jamès pais ne feroit
[199] au roy d’Engleterre, que li rois Henris de Chastille ne
fust ossi avant en le pais comme il seroit. D’autre
part, li rois d’Engleterre avoit ensi juré au duch de
Bretagne, quel trettié qu’il fesist au roy de France,
5il reseroit en son hiretage de Bretagne, siques ces
coses estoient fortes à desrompre et à brisier. Mès li
doi legal, qui sage et avisé estoient et bien enlangagié
et volentiers oy de toutes les parties par leur attemprée
promotion, et qui consideroient bien toutes ces
10coses, disoient que, se il plaisoit à Nostre Signeur, il
trouveroient bien entre ces ordenances aucun moiien
par quoi il se departiroient par acord.
Or revenrons nous au fait de Bretagne et as guerres,
qui y estoient fortes et dures.
15§ 762. Vous devés savoir, comment que Saint
Salveur le Visconte et li Englès, qui dedens estoient,
se fuissent mis sus certains articles de composition,
li connestables de France et li baron de Bretagne et
de Normendie, qui à siège avoient là esté tout l’ivier,
20ne se deslogièrent mies pour ce, mais s’i ordonnèrent
et establirent plus fort assés que devant, et segnefiièrent
tout leur estat au roy de France en remoustrant
sus quel parti il gisoient et comment li dus
de Bretagne, que il appelloient Jehan de Montfort,
25estoit [arrivés] efforciement ou pays, et pooient bien
estre Englès dis mil combatans, et esperoient que
il les venroient combatre pour reskeurre le ville et
le chastiel de Saint Salveur. Li rois de France, qui
ne voloit mies que ses gens fuissent entrepris, ne que
30il receuissent, par faute de poissance, blasme ne
villonnie avoech grant damage, manda et escrisi par
[200] tout là où il pensoit à recouvrer de droite fleur de
gens d’armes, en Flandres, en Braibant, [en Haynnau],
en Hesbain, en le ducé de Guerles, en Bar, en
Loerainne, en Bourgongne et en Champagne, que
5tout fuissent au plus estoffeement qu’il pooient à
celle journée devant Saint Salveur le Visconte en
Constentin. Tout baron, chevalier et escuier et gens
d’armes, qui mandé ou priiet en estoient, obeïrent
et s’appareillièrent dou plus tost qu’il peurent, et se
10misent à voie et à chemin par devers Normendie,
pour estre à celle journée.
Ce terme pendant et ces coses faisans, toutdis
parlementoient li doi duc d’Ango et de Lancastre à
Bruges, et ossi leurs consaulz. Et ossi, d’autre part,
15li sièges se tenoit grans et fors dou duch de Bretagne
et dou conte de Cantbruge et des barons et des
chevaliers d’Engleterre devant Saint Brieu de Vaus.
Entrues que il estoient là à siège et qu’il esperoient
fort à conquerre la ville par le fait de leurs mineurs
20qui ouvroient en leur mine, li quel s’estoient ahati
qu’il leur renderoient le ville dedens quinse jours,
nouvelles leur vinrent de chiaus de Saint Salveur en
remoustrant comment de lonch temps il avoient esté
assegié et le dangier que il avoient souffiert, de quoi
25sus le fiance de leur confort il s’estoient mis en
composition; et couvenoit le ville et le chastiel rendre
as François, se, dedens la close Paske qu’il attendoient,
li sièges n’estoit levés; et pour ce tenir et
acomplir, il avoient livré bons ostages. Li dus de
30Bretagne, li contes de Campbruge, li contes de le
Marce, li sires Despensiers et li baron qui là estoient,
eurent bien mestier d’avoir avis et conseil de ceste
[201] cose et comment à leur honneur il en useroient. Si
eurent sur ce avis et pluiseurs imaginations. Li aucun
disoient que ce seroit bon que on alast les François
combatre, et li autre disoient le contraire, car plus
5honnourable [et proufitable] leur estoit de tenir leur
siège devant Saint Brieu de Vaus, puis que si avant
l’avoient mené qu’il le devoient dedens sis jours
avoir, que soudainn[em]ent yaus partir [de là] et faire
une nouvelle emprise, et que encores, apriès le conquès
10de Saint Brieu de Vaus, tout à temps po[r]oient
il retourner à Saint Salveur. Tant fu cils pourpos demenés
et debatus que finablement, tout consideré
et d’une sieute, il s’acordèrent à tenir le siège devant
Saint Brieu de Vaus, et leur sambla le plus
15pourfitable.
§ 763. Messires Jehans d’Evrues, comme hardis
et entreprendans chevaliers et bons homs d’armes de
le partie des Englès, estoit pour ce temps en l’isle de
Camperlé, et avoit toute celle saison fait sa route à
20par lui et fortefiiet une motte à deus liewes priès de
le ville de Camperlé, que on appelloit ou pays le
Nouviel Fort. Et avoit li dis messires Jehans d’Evrues,
parmi l’ayde de ses gens et le retour et mansion de
ce Nouviel Fort, où il tenoit assés bonne garnison,
25telement travilliet et heriiet et guerriiet le pays, que
nuls n’osoit aler de ville à autre; ne on ne parloit
d’autre cose en toute celle marce ne en l’isle de
Camperlé, que de ce Nouvel Fort; et proprement li
enfant en Bretagne et les jones fillettes en avoient
30fait une cançon que on y chantoit tout communement.
Se disoit la cançons ensi:
[202]Gardés vous dou Nouviau Fort,
Vous qui alés ces alues;
Car laiens prent son deport
Messires Jehans d’Evrues.
5Il a gens trop bien d’acort,
Car bon leur est viés et nues;
N’espargnent foible ne fort;
Tantost aront plains les crues
De le Mote Marciot
10D’autre avoir que de viés oes;
Et puis menront à bon port
Lor pillage et leur conquès.
Gardés vous dou Nouviau Fort,
Vous qui alés ces alues;
15Car laiens prent son deport
Messires Jehans d’Evrues.
Cliçon, Rohem, Rocefort,
Biaumanoir, Laval, entrues
Que li dus à Saint Brieu dort,
20Chevauchiés les frans alues.
Fleurs de Bretagne, oultre bort
Estre renommée sues,
Et maintenant on te mort,
Dont c’est pités et grans duelz.
25Gardés vous dou Nouviau Fort,
Vous qui alés ces alues;
Car laiens prent son deport
Messires Jehans d’Evrues.
Remoustre là ton effort,
30Se conquerir tu les poes;
Tu renderas maint sourcot
A nos mères, se tu voes.
En ce pays ont à tort
Pris moutons, pors et cras bues;
[203] Or paieront leur escot
A ce cop, se tu t’esmues.
Gardés vous dou Nouviau Fort,
Vous qui alés ces alues;
5Car laiens prent son deport
Messires Jehans d’Evrues.
Ensi estoit messires Jehans d’Evrues par sa chevalerie
criés et renommés ou pays, et tant se montepliièrent
ces canchons, que elles vinrent en le cognissance
10de ces signeurs de Bretagne, qui se tenoient
à Lambale. Si commencièrent à penser sus et
à dire: «A Dieu le veu! li enfant nous aprenderont
à guerriier. Voirement n’est chou pas chose bien
seans que nous savons nos ennemis si priès de nous,
15qui ont toute celle saison robet et pilliet le pays, et
si ne les alons point veoir? Il nous couvient chevaucier
viers ce Nouviau Fort, et tant faire que nous
l’aions et messire Jehan d’Evrues dedens: il ne nous
poet nullement escaper, qu’il ne soit nostres, et nous
20rendera compte de tout son pillage.»
Adont s’esmurent chil signeur et leurs gens une
partie, et une partie en laissièrent en Lambale pour
le garder, et chevaucièrent environ deus cens lances
viers le Nouviau Fort, et fisent tant qu’il y vinrent.
25Si s’arrestèrent par devant et l’environnèrent de
tous lés, afin que nuls n’en peuist issir, et se misent
tantos en ordenance pour assallir, et messires Jehans
d’Evrues et ses gens en bon arroi pour yaus deffendre.
Là eut par trois jours grant assaut, et des
30bleciés d’une part et d’autre, et telement l’avoient
empris li sires de Cliçon et chil baron de Bretagne,
[204] que de là ne partiroient, si aroient conquis ce Nouviau
Fort et chiaus qui dedens estoient. Il n’en euissent
jamais falli que voirement ne l’euissent il eu,
car li Nouviaus Fors n’estoit mies tels que pour tenir
5à le longe contre telz gens d’armes, et l’euissent eu
très le premier jour, se n’euist esté leur bonne et
aperte deffense et la bonne arteillerie qui dedens
estoit, et dont il l’avoient pourveue.
§ 764. Entrues que cil baron de Bretagne estoient
10devant ce Nouviau Fort, assés priès de Camperlé, et
qu’il herioient et appressoient durement monsigneur
Jehan d’Evrues, trois nouvelles en un moment vinrent
au duch de Bretagne, au conte de Campbruge,
au conte de le Marce et as barons d’Engleterre, qui
15devant Saint Brieu de Vaus estoient. Les premières
furent teles que leur mineur avoient perdu leur mine
et que il leur en couvenoit refaire une nouvelle,
se on voloit avoir le ville par mine, la quele cose leur
fu trop grandement desplaisans, et en estoient tout
20pesant et merancolieus, quant Chandos, li hiraus,
leur aporta les secondes nouvelles, qui venoit tout
droit de Bruges et dou duch de Lancastre. S’envoioit
par ses lettres closes au duch de Bretagne, à son frère
de Cantbruge et au conte de le Marce le manière et
25l’ordenance dou trettié et sus quel estat il estoient
entre lui et le duch d’Ango, quant li dis Chandos
parti de Bruges. La tierce nouvelle fu, qui tous les
resvilla, comment li sires de Cliçon, li viscontes de
Rohem, li sires de Biaumanoir, li sires de Laval et
30li sires de Rocefort avoient enclos et assegiet monsigneur
Jehan d’Evrues en son Nouviel Fort, et le faisoient
[205] assallir telement et si fortement qu’il estoit
en peril d’estre pris et en grant aventure.
Quant li dus de Bretagne oy ce, si dist: «Or tost
as chevaus! chevauçons quoiteusement celle part.
5J’aroie ja plus chier la prise de ces cinc chevaliers
que de ville ne de cité qui soit en Bretagne: che
sont chil, avoech messire Bertran de Claiekin, qui
m’ont plus fait à souffrir et les quels je desir plus à
tenir. Nous ne les poons avoir plus aisiement que ens
10ou parti où il sont, et nous attenderons là, je n’en
fai mies doubte, mais que nous nos hastons; car il
desirent à avoir le chevalier messire Jehan d’Evrues,
qui vault bien que on le sekeure et oste de dangier.»
A ces parolles evous ces signeurs tantos armés et
15montés et une partie de leurs gens, et se partent,
cescuns qui mieus mieulz, sans attendre l’un l’autre;
et escuier et varlès commencièrent à tourser et à
sievir leurs mestres. Ensi soudainnement se desfist li
sièges de Saint Brieu de Vaus.
20§ 765. Certes li dus de Bretagne, [li contes de
Cantbruge], li contes de le Marce, li sires Despensiers
et [chil baron et] chil chevalier d’Engleterre
avoient si grant haste et tel desir de venir devant ce
Nouviau Fort pour trouver leurs ennemis, qu’il ne
25fisent tout le chemin que reslaissier, et que leur coursier
estoient tout mouilliet de sueur. Mais onques ne
se peurent ne sceurent tant haster, que li sires de
Cliçon et li baron de Bretagne, qui devant le Nouviau
Fort estoient, ne fuissent segnefiiet de ces nouvelles,
30et leur fu dit ensi: «Or tos, signeur, montés sus
vos chevaus et vous sauvés: autrement vous serés
[206] pris à mains, car vechi le duch de Bretagne, le conte
de Campbruge et toutes leurs gens qui viennent.»
Quant cil signeur oïrent ces nouvelles, si furent
moult esbahi et à bonne cause. Or eurent il d’avantage
5tant que leur cheval estoient ensellé; car, se il
ne le fuissent, il ne l’euissent point esté à temps, tant
estoient il et furent hasté. Et si tretos qu’il furent
monté, et qu’il se partoient, il regardèrent derrière
yaus et veirent le grosse route et espesse dou duch
10de Bretagne, qui venoient les grans galos. Adont
sceurent bien cheval qu’esporon valoient en le route
le signeur de Cliçon, car, quanques il pooient brochier,
il brochoient le chemin de Camperlé, et li dus
de Bretagne et se route apriès. Che aida moult au
15signeur de Cliçon et à se compagnie, et leur fist grant
avantage que leur cheval estoient fresch et chil dou
duch de Bretagne travilliet: aultrement il euissent
esté rataint sur le chemin.
Li sires de Cliçon et ses gens trouvèrent les portes
20de Camperlé toutes ouvertes; si leur vint grandement
à point, et entrèrent ens, et à fait qu’il entroient,
il descendoient et prendoient leurs lances, et
s’ordonnoient as barrières pour deffendre et attendre
leurs compagnons, mais li plus lontains n’estoit mies
25le trait d’un arch lonch. Si furent tout recueillié, et
se sauvèrent par grant aventure, et levèrent les pons
et cloïrent les barrières et les portes de Camperlé.
Evous le duch de Bretagne, le conte de Campbruge
et les barons et les chevaliers d’Engleterre tous
30venus, qui font leur course et leur moustre devant
les barrières, et, ensi que il venoient, il s’arrestoient
et descendoient de leurs chevaus, qui estoient tout
[207] blanch de sueur. Là voloit li dus de Bretagne que
tantos on les assallist, mais il li fu dit: «Sire, il
vault trop mieuls que nous nos logons et regardons
par quele ordenance nous les assaurrons, que nous
5nos hastons avoecques le traveil que nous avons. Il
sont enclos; il ne vous poeent nullement escaper, se
il n’en volent en l’air. Camperlé n’est pas si forte
contre vostre host que vous ne le doiiés avoir.»
Adont se logièrent toutes manières de gens, et se
10misent en bonne ordenance tout autour de le ville;
car, quant il furent tout venu, il se trouvèrent gens
assés pour ce faire. Ensi fu messires Jehans d’Evrues
delivrés de grant peril et de grant dangier, et ses
nouviaus fors ossi.
15§ 766. Ce premier jour entendirent li Englès à
yaus logier bien et faiticement, et disoient li signeur
que il ne vosissent estre autre part que là, tant avoient
grant plaisance en ce que il sentoient les barons de
Bretagne, que le plus desiroient à tenir enclos dedens
20Camperlé. Si se tinrent ce premier jour tout aise, et
la nuit ossi, et fisent bon gait. A l’endemain environ
soleil levant, il se misent en ordenance pour assallir,
et se traisent tout devant Camperlé.
Bien savoient li sires de Cliçon et li aultre qu’il
25seroient assalli et que on leur feroit dou pis que on
poroit. Si estoient yaus et leurs gens ossi ordonné
selonch ce et mis en bon couvenant; car il estoient
bien gens, puis qu’il avoient un peu d’avantage, qui
n’estoient mies legier à desconfire. Là ot ce jour jusques
30à haute nonne fort assaut et dur, et n’i avoit
homme ne femme en le ville de Camperlé, qui ne
[208] fust ensonniiés d’aucune cose faire, ou de porter
pières et dessoler les pavemens ou d’emplir pos
plains de cauch ou d’aporter à boire as compagnons
qui se deffendoient et qui de sueur estoient tout
5moulliet. En cel estat furent il jusques en le nuit par
trois ou par quatre assaus, et en y avoit de chiaus de
l’host, en assallant, aucuns bleciés et navrés. A l’endemain,
on refist tout otel, et assallirent li Englès ce
secont jour jusques à le nuit. Li sires de Cliçon et li
10baron qui là estoient et qui en ce dangier se veoient,
et qui en sus de tous confors se sentoient, n’estoient
mies à lor aise. Si regardèrent que trop mieulz leur
valoit à yaus rendre et paiier raençons, que attendre
l’aventure d’estre pris, car bien cognissoient que longement
15ne se pooient tenir en cel estat. Si faisoient
doubte que, se il estoient pris de force, trop grant
meschiés ne lor avenist, car par especial il se sentoient
fort hay dou duch, pour tant que il li avoient
esté trop contraire. Si envoiièrent devers le duch de
20Bretagne un hiraut qui bien remoustra leur entente
avoech lettres de creance qu’il portoit. Li dus à leur
offres ne volt onques entendre, mais [en] respondi
tantost, et dist: «Hiraus, retournés et leur dittes de
par mi, que je n’en prenderai ja nul [à merci], se il
25ne se rendent simplement.» Dont dist li hiraus, je
ne sçai se il en estoit cargiés [de parler] si avant, je
croi bien que oïl: «Chiers sires, ce seroit grans durtés,
se pour loyaument servir leur signeur il se mettoient
en tel dangier.»—«Leur signeur! respondi
30li dus de Bretagne, il n’ont aultre signeur que moy,
et, se je les tieng, ensi que j’ai bien esperance que je
le ferai, je leur remousterai que je sui leurs sires,
[209] siques, hiraus, retournés, vous n’en porterés aultre
cose de moy.» Li hiraus retourna et fist sa response
à ses signeurs tout ensi, ne plus ne mains, que vous
avez oy.
5De ces nouvelles ne furent mies li sires de Cliçon
ne li aultre bien resjoï, car tantost il reurent l’assaut
à l’[end]emain, et leur couvint raler à leur labeur
ensi que devant, et ensi qu’il faut gent d’armes qui
sont en dur parti; car très le premier jour euissent
10il esté pris et conquis, se très vassaument il ne se
fuissent deffendu. Finablement il regardèrent qu’il ne
se pooient tenir, que dedens cinc ou sis jours [de
force] il ne fuissent pris, et encores ne sçavoient
il se on les minoit ou non: c’estoit une cose qui
15bien faisoit à ressongnier pour yaus. Si eurent un
aultre conseil de trettié, lequel il misent avant et
envoiièrent devers le duch de Bretagne, que, se dedens
quinse jours il n’estoient secouru et conforté
par quelconques manière que ce fust, il se renderoient
20simplement en le volenté dou duch. Quant
li dus de Bretagne oy ces trettiés, se li furent plus
plaisans assés que li aultre, et s’en conseilla au conte
de Campbruge et as barons d’Engleterre qui là estoient.
En ce conseil il y eut pluiseurs parolles retournées,
25et regardoient [trop] fort, en imaginant les
aventures, de quel part confors leur poroit venir.
Mais nullement il ne li savoient veoir ne trouver, se
ce n’estoit dou costé de Saint Salveur le Visconte, où
li connestables de France et li François estoient
30efforciement. De ce faisoient il la grigneur doubte, et
pour un tant il s’assentirent à ce trettié, mais il ne
veurent donner que huit jours de souffrance: encores
[210] ne le faisoient il mies volontiers, et furent tout joiant
li sires de Cliçon et si compagnon, quant il les peurent
avoir.
§ 767. Ensi demorèrent chil cinc baron de Bretagne
5en souffrance, et la ville de Camperlé ossi, et
toutdis se tenoit li sièges. Si devés bien croire et savoir
qu’il n’estoient mies à leur aise, quant il se sentoient
en tel dangier que en le volenté de leurs ennemis,
et par especial dou duch qui les haïoit à mort et
10qui bien disoit que ja n’en prenderoit nulle raençon.
De leur fortune et de leur aventure se doubtoit
bien li rois de France, et avoit cinc ou sis coureurs
à cheval, nuit et jour alans et venans de Paris en
Bretagne et de Bretagne à Paris, et qui dou jour à
15l’endemain raportoient nouvelles de cent ou de
quatre vins liewes lonch, par les chevaus dont il se
rafreskissoient de ville en ville; et en tel manière il
avoit aultres messagiers, qui ensi s’esploitoient de
Bruges à Paris et de Paris à Bruges, par quoi tous les
20jours il savoit les trettiés qui là se faisoient. Si tretost
qu’il sceut l’avenue de Camperlé, il se hasta d’envoiier
devers son frère le duch d’Ango, et li manda
estroitement, à quel meschief que ce fust, il fesist
clore ces trettiés et presist triewes as Englès pour
25toutes les metes et limitations de France, et li segnefia
la cause pour quoi. Tantost li dus d’Ango, qui avoit
les legaus en le main, mist main à l’uevre et acorda
unes triewes sus quel estat il estoient, à durer jusques
au premier jour de may l’an mil trois cens settante et
30sis, et eurent en couvent li doi duch de retourner à
le Toussains à Bruges, et devoit li dus de Lancastre
[211] amener avoecques lui le duch de Bretagne, et li dus
d’Ango prommetoit que il seroit pour lui en tous
estas, et le metteroit à accort de la ducé de Bretagne
envers son frère le roy de France.
5Tantost la chartre de le triewe fu escripte, grossée
et seelée, et dou duch de Lancastre à deus de ses
chevaliers delivrée, les quelz on appelloit l’un monsigneur
Nicole Carnessuelle et l’autre monsigneur
Gautier Oursewich. Li dus d’Ango, pour haster la
10besongne et pour ces deus chevaliers moustrer le
chemin, prist deus des sergans d’armes de son frère
le roy, et leur dist: «Hastés vous, et faites haster ces
chevaliers, et renouvelés vous de chevaus par tout où
vous venés, et ne cessés nuit ne jour, tant que vous
15aiiés trouvé le duch de Bretagne.» Avoech tout che,
il en pria et fist priier par les legaus les deus chevaliers
especialment, et ossi [leurs sires] li dus de Lancastre
leur recarga. Si esploitièrent tant et si vighereusement
que sus cinc jours il furent de Bruges
20devant Camperlé, et trouvèrent le duch de Bretagne,
qui jeuoit as eschès au conte de Campbruge dedens
son pavillon. Si s’agenoullièrent devant lui et devant
le conte, et les saluèrent en englès.
Li doi chevalier furent li très bien venu de ces signeurs
25pour tant qu’il venoient de leur frère le duch
de Lancastre, et demandèrent des nouvelles. Tantost
messires Nicoles Carnessuelle mist avant la chartre
de le triewe, où li commission estoit enexée, et commandoit
li dus de Lancastre, qui plain pooir et auctorité
30avoit ou lieu dou roy d’Engleterre, son père,
que, en quel estat qu’il fuissent, il se partesissent
tantos et sans delay. Or regardés se ceste cose vint
[212] bien à point pour les barons de Bretagne, qui estoient
enclos en tel dangier en Camperlé, qui n’avoient
mais c’un jour de respit. Onques cose ne cheï si bien
à gens qu’il leur en cheï.
5Vous devés savoir que li dus de Bretagne fu estragnement
courouciés, quant il oy ces nouvelles, et
crolla la tieste et ne parla en grant temps, et le premier
parler qu’il dist, ce fu: «Maudite soit li heure,
quant onques je m’acordai à donner triewe à mes
10ennemis!» Ensi se deffist li sièges de Camperlé, vosist
ou non li dus de Bretagne, par le vertu de le chartre
de le triewe et de le commission dou duch de Lancastre.
Si se deslogièrent tantost tout courouchié, et
se retraisent vers Saint Mahieu de Fine Posterne, où
15toute leur navie estoit. Quant li sires de Cliçon, li
viscontes de Rohem, li sires de Laval et li aultre [qui
en Camperlé estoient], veirent ce departement et
sceurent par quele condition, car li dus d’Ango leur
en envoia lettres, si furent trop grandement resjoy;
20car au matin la compagnie volsist avoir paiiet deus
cens mil frans, et il fuissent à Paris.
§ 768. Ensi se desrompi ceste armée dou duch de
Bretagne, faite en Bretagne, et retournèrent li contes
25de Campbruge, li contes de le Marce, li sires Despensiers
et tout li Englès en Engleterre, et li dis dus
s’en vint au chastiel d’Auroy, où la ducoise sa femme
estoit, qu’il desiroit moult à veoir, car il ne l’avoit
veu, plus d’un an avoit. Si se tint là un terme dalés
lui, et regarda à ses besongnes, et fist tout à loisir ses
30ordenances, et puis s’en retourna en Engleterre et
en mena sa femme avoecques lui. Ossi li dus de Lancastre
[213] retourna à Calais et de là en Engleterre, sus
l’entente que de revenir à Bruges à le Toussains qui
venoit. D’autre part ossi li dus d’Ango s’en vint à
Saint Omer, et se tint là toute le saison, se ce ne
5fu un petit qu’il s’en vint esbatre à Guise en Tierasse,
où ma dame sa femme estoit, ensi que sus son hyretage,
et puis retourna tantost à Saint Omer, et li doi
legal tretteur se tinrent à Bruges.
Or revenons à chiaus de Saint Salveur, qui estoient
10mis en composition devers le connestable de France.
Li Englès, quant il se partirent de Bretagne, il cuidièrent
que cilz sièges se deuist ossi bien lever, que
il s’estoient levé de devant Camperlé; mais non fist.
Ançois y eut au jour, qui estimés y estoit, plus de
15dis mil lances, chevaliers et escuiers. Quatreton,
messires Thumas Trivés, messires Jehans de Bourch
et li compagnon qui dedens estoient, à leur pooir
debatirent assés la journée, car il avoient oy parler
de le triewe. Si se voloient ens enclore ossi, mais li
20François ne l’entendoient grain ensi; ançois disoient
que la première couvenance passoit la daarraine ordenance,
et qu’il avoient mis ou trettié de leur composition
que, se li dus de Bretagne proprement ne venoit
lever le siège, il se devoient rendre et mettre leur
25garnison en le volenté dou connestable. «Encores
est li dus ou pays, ce disoient li François; pour
quoi ne trest il avant? Nous sommes tout pourveu et
appareillié de l’attendre et dou combatre, et vous
demandons par vostre serement, se vous li avés point
30segnefiiet. Il disoient bien: «Oïl.»—«Et pourquoi
dont ne trait il avant?» Il respondoient: «Il
maintient, et ossi font nos gens, que nous sommes
[214] ou trettiet de le triewe.» Li François disoient qu’il
n’en estoit riens, et les avisa li connestables en tant,
se il ne rendoient la forterèce ensi que oblegié
estoient, tout premierement il feroient morir leurs
5hostages, et puis les constrainderoient d’assaus plus
que il n’euissent onques fait. Bien estoit en leur poissance
dou conquerre; et quant par force il seroient
conquis, il fuissent tout certain que on n’en prenderoit
jamais nul à merci, que tout ne fuissent mort.
10Ces parolles esbahirent Quatreton et les compagnons,
et eurent conseil sur ce et regardèrent, tout consideré,
que confors ne leur apparoit de nul costé, et
ne voloient mies perdre leurs hostages, siques finablement
il se rendirent, et s’en partirent sauvement
15et emportèrent tout le leur, et reurent leurs hostages,
ce fu raisons. Si entrèrent en une nef et misent tout
leur harnas en une aultre, et puis singlèrent vers
Engleterre, et li connestables de France prist le saisine
de Saint Salveur le Visconte, ou nom dou roy
20de France. Adont se departirent toutes gens d’armes,
et se retraist cascuns en son lieu, li duch, li conte, li
baron et li chevalier; et les compagnes fisent leurs
routes à par yaus, qui se retraisent en Bretagne et
sus le rivière de Loire. Là les envoia li rois de France
25reposer jusques à tant que il oroit autres nouvelles.
CHAPITRE CII CHAPITRE CII
§ 769. Ces gens de compagnes qui avoient apris à
pillier et à rober et qui ne s’en savoient abstenir,
fisent en celle saison trop de mauls ens ou royaume
de France, tant que les plaintes en vinrent au roy.
30Li rois, qui volentiers euist adrechiet son peuple et
qui grant compassion en avoit, car trop li touchoit
[215] la destruction de son royaume, n’en savoit que faire.
Or fu adont regardé en France que li sires de Couci,
qui ja avoit demoret hors sis ans ou environ, et qui
estoit uns friches et gentils chevaliers de grant providense
5et de grant sens, seroit remandés; car on li
avoit oy dire pluiseurs fois que il clamoit à avoir
grant droit à la ducé d’Osterice par la succession de
sa dame de mère, qui soer germainne avoit esté dou
duch darrainnement trespassé, et cils qui pour le
10temps possessoit de la ducé d’Osterice, n’estoit que
cousins germains plus lontains assés de droit linage
que li sires de Couci ne fust. Si fu proposé au conseil
dou roy de France que li sires de Couci s’aideroit
bien de ces compagnes, et en feroit son fait [en Osterice],
15et en deliveroit le royaume de France.
Adont fu remandés li gentilz sires de Couci, messires
Engherans, qui s’estoit tenus en Lombardie un
grant temps et de puis sus la terre dou patrimonne,
et fait guerre pour la cause de l’Eglise as signeurs de
20Melans et as autres, ossi as Florentins et as Pisains,
et si vaillamment s’i estoit portés que il en avoit
[grandement] le grasce et le renommée dou Saint
Père le pape Gregore XIe. Quant il fu revenus en
France premierement devers le roy, on li fist grant
25feste, et le vei li rois moult volentiers, et li demanda
des nouvelles: il l’en dist assés. De puis revint li
sires de Couci en sa terre, et trouva ma dame sa
femme, la fille dou roy d’Engleterre, à Saint Goubain.
Si se fisent grans recognissances ensamble, ce
30fu raisons, car il ne s’estoient veu de grant temps.
Ensi petit à petit se racointa li sires de Couci en
France, et se tint dalés le roy qui le vei moult volentiers.
[216] Adont li fu demandé couvertement dou signeur
de la Rivière et Nicolas le Mercier, qui estoient
[instruit] quanques li rois pooit faire, se il se vorroit
point cargier ne ensonnier de ces Bretons et des
5compagnes pour mener en Osterice. Il respondi que
il en aroit avis; si s’en consilla à ses amis et le plus
en soi meismes. Si en respondi sen entente que volentiers
s’en ensonnieroit, mais que li rois y vosist
mettre aucune cose dou sien et li prester ossi aucune
10finance pour paiier leurs menus frès et pour acquerre
amis et les passages tant en Bourgongne, comme en
Aussai, et sus le rivière dou Rin, par où il les couvenoit
passer et aler, se il voloient entrer en Osterice.
Li rois de France n’avoit cure quel marchié il fesist,
15mais que il veist son royaume delivré de ces compagnes:
se li acorda toute sa demande, et fina pour
lui devers les compagnes, et leur delivra grant argent
mal emploiiet, ensi que vous orés recorder temprement;
car onques gens ne s’acquittèrent pis envers
20signeur, qu’il s’acquittèrent devers monsigneur de
Couci. Il prisent son or et son argent, et se ne li
fisent nul service.
§ 770. Environ le Saint Michiel, l’an mil trois cens
settante et cinc, se departirent ces compagnes et ces
25gens d’armes, Bretons et aultres de toutes nations,
dou royaume de France, et passèrent parmi Loerainne,
où il fisent moult de destourbiers et de damages,
et pillièrent pluiseurs villes et chastiaus et
fuison dou plat pays, et eurent de l’or et de l’argent
30à leur entente de chiaus de Mès en Lorrainne. Quant
chil d’Ausay, qui se tenoient pour le duch de
[217] Lussembourch et de Braibant, en veirent le manière, si
se doubtèrent de ces males gens, que il ne leur feissent
à souffrir, et se cloïrent, et mandèrent li baron
d’Ausay au signeur de Couci et as barons de Bourgongne
5qui avoecques lui estoient, le signeur de
Vregi et aultres, que point ne passeroient parmi leur
pays ou cas qu’il se vorroient ensi maintenir. Li sires
de Couci mist son conseil ensamble, car il avoit là
grant fuison de bonne chevalerie de France, monsigneur
10Raoul de Couci, son oncle, le visconte de
Miaus, [le signeur de Roye, monsigneur Raoul de
Raineval], le signeur de Hangest, messire Hue de
Roussi et fuison d’autres, siques, yaus consilliet, il
regardèrent que li signeur et li pays d’Ausay avoient
15droit. Si priièrent moult doucement as chapitains des
compagnes et as Bretons et Bourghegnons, que il
vosissent courtoisement passer et faire passer leurs
gens parmi Ausay, par quoi li pays leur fust ouvers,
et qu’il peuissent faire leur fait et leur emprise. Il
20l’eurent tout en couvent volentiers, mais de puis il
n’en tinrent riens. Toutes fois, au passer et à l’entrer
en Aussai, il furent assés courtois.
Or parlerons des parlemens qui furent assignet à
Bruges. Il est verités que à le Toussains, li dus de
25Lancastre et li dus de Bretagne, pour le partie dou
roy d’Engleterre, y vinrent moult estoffeement et en
grant arroy. Ossi fisent li dus d’Ango et li dus de
Bourgongne, et remoustroit cascuns de ces signeurs
sa grandeur et sa poissance.
30Si fist li dus de Bourgongne en ce temps une très
grande feste de jouste, en le ville de Gand en Flandres,
de cinquante chevaliers et de cinquante escuiers de
[218] dedens. Et furent à celle jouste grant fuison de haus
signeurs et de nobles dames, tant pour honnourer
le duch de Bourgongne que pour veoir l’estat des
dus qui là estoient: le duch d’Ango, le duch de Lancastre
5et le duch de Bretagne. Si y furent li dus de
Braibant et ma dame sa femme, et li dus Aubers et
sa femme, et la ducoise de Bourgongne. Si furent ces
joustes bien festées et dansées, et par quatre jours
joustées; et tint adont là li contes de Flandres grant
10estat et poissant, en honnourant et exauchant la
feste de son fil et de sa fille, et en remoustrant sa
rikèce et sa poissance [à ces signeurs estraingniers de
Franche], d’Engleterre et d’Alemagne. Quant ces
joustes furent passées et li signeur retrait, si retournèrent
15à Bruges li dus d’Ango, li dus de Bourgongne
et leurs consaulz d’Engleterre. Ossi fisent li dus de
Lancastre, li dus de Bretagne et li consaulz d’Engleterre
et li doi legal trettieur. Si se commencièrent à
entamer et à proposer parlement et trettiet, et li doi
20legal à aler de l’un à l’autre, qui portoient ces parolles,
qui peu venoient à effet; car cescuns se tenoit si fiers
et si grans, que raisons n’i pooit descendre. Li rois
d’Engleterre demandoit coses impossibles pour lui,
ce que li François n’euissent jamais fait: toutes les
25terres que li rois de France ou ses gens avoient conquis
sur lui, et tout l’argent qui estoit à paiier quant
la devant ditte pais fu brisie, et delivré le captal [de
Bues] hors de prison. D’autre part li rois de France
voloit avoir la ville, et le chastiel de Calais, abatue,
30quel trettié qu’il fesist, et de cel argent tout l’opposite;
mais toute la somme entièrement que li rois ses
pères et ils avoient d’argent paiiet, il voloit ravoir, ce
[219] que li rois d’Engleterre n’euist jamais fait, l’argent
rendu ne Calais abatue. Si furent grant temps sus cel
estat, et li legal aloient proporsionnant et à leur
pooir amoienant ces demandes, mès elles s’approçoient
5trop mal. Se furent les parties, tant de France
comme d’Engleterre, un grant temps en Flandres,
et fui adont ensi enfourmés que finablement Bretagne
et Espagne rompirent tous les trettiés. Si furent
les triewes ralongies jusques au premier jour d’avril
10mil trois cens settante et sis, et se departirent de
Bruges tout cil duch: li un s’en alèrent en Engleterre,
et li aultre en France, et li legaulx demorèrent à Bruges;
mais cascune de ces parties devoient à le Toussains
renvoiier gens pour yaus, qui aroient plain pooir et
15auctorité, otel comme li doi roy aroient, se il y
estoient personelment, de faire pais et acord ou de
donner triewes.
§ 771. Or revenons au signeur de Couci, qui
estoit en Aussai, et avoit deffiiet le duch d’Osterice
20et tous ses aidans, et li cuidoit faire une grant
guerre, et moult s’en doubtoient li Ostrisien. Nequedent,
comme très vaillans gens d’armes et que bon
guerrieur qu’il sont et soutil, il alèrent et obviièrent
grandement à l’encontre de ces besongnes, car,
25quant il sentirent le signeur de Couci et ses gens et
ces compagnes approcier, euls meismes ardirent et
destruisirent au devant d’yaus bien trois journées
de pays.
Quant cil Breton et ces compagnes furent oultre
30Aussai et sus le rivière de Rin, et il deurent approcier
les montagnes qui departent Aussai et Osterice, et il
[220] veirent un povre pays et trouvèrent tout ars et desrobé,
non pas pays de tel ordenance comme il est
sus le rivière de Marne et de Loire, et ne trouvèrent
que genestes et broussis, et que plus aloient avant et
5plus trouvoient povre pays ars et desrobé d’yaus
meismes, et il avoient apris ces biaus vignobles et
ce gras pays de France, de Berri et de Bretagne, et
ne savoient que donner leurs chevaus, si furent
tout esbahi. Si s’arrestèrent sus le rivière de Rin ensamble
10les compagnes, et eurent parlement les chapitainnes
des Bretons et li Bourghegnon ensamble,
pour savoir comment il se maintenroient. «Et comment,
disent il, est tel cose la ducé d’Osterice? Li
sires de Couci nous avoit donné à entendre que c’estoit
15li uns des gras pays dou monde, et nous le trouvons
le plus povre: il nous a decheu laidement. Se
nous estions delà celle rivière de Rin, jamais ne le
porions rapasser, que nous ne fuissions tout mort et
pris et en le volenté de nos ennemis les Alemans,
20qui sont gens sans pité. Retournons, retournons en
France; ce sont mieulz nos marces. Mal dehait ait
qui ja ira plus avant!» Ensi furent il d’acord d’yaus
logier, et se logièrent tout contreval le Rin, et fisent
le signeur de Couci logier tout en mi yaus, li quelz
25tantos, quant il vei ceste ordenance, se commença à
doubter qu’il n’i euist trahison. Se leur dist moult
doucement: «Signeur, vous avés pris mon or et
mon argent, dont je sui grandement endebtés, et
l’argent dou roy de France, et vous estes oblegié par
30foy et par sierement que de vous acquitter loyaument
en ce voiage: si vous en acquittés. Aultrement, je sui
li plus deshonnourés homs dou monde.»—«Sires
[221] de Couci, respondirent à ce premiers les chapitainnes
des compagnes et li Bourghegnon, la rivière
de Rin est encores moult grosse ne on ne le poet
passer à gué sans navire. Nous sejournerons chi:
5entrues venra li biaus temps. Nous ne savons les chemins
en ce pays. Passés devant, nous vous sievrons.
On ne met mies gens d’armes ensi hors d’un bon
pays, que mis nous avés. Vous nous disiés et affiiés
que Osterice est uns des bons et des gras pays dou
10monde, et nous trouvons tout le contraire.»—«Par
ma foy, respondi li sires de Couci, c’est mont,
mais ce n’est mies chi à l’entrée. Par delà ceste rivière,
et oultre ces montaignes que nous veons, trouverons
nous le bon pays.»—«Or passés dont devant,
15et nous vous sievrons.» Ce fu toute la plus courtoise
response que il peut à celle heure avoir d’yaus,
mais se logièrent, et le signeur de Couci en mi yaus,
et par tel manière que, se il s’en vosist adont estre
partis, il ne peuist, tant estoit il priès gettiés. De la
20quel cose il avoit grant doubte, et ossi avoient tout
li Pikart, li Englès, li Haynuier et li François, des
quelz il y avoit bien trois cens lances.
Or vinrent nouvelles en l’ost que li dus d’Osterice
se voloit acorder et composer au signeur de Couci,
25et li voloit donner une belle terre, qui vault bien
vint mil frans par an, que on claime la conté de
Fuiret. Voirement en furent ils aucuns trettiés; mès il
ne continuèrent point, car ce sambloient au signeur
de Couci et à son conseil trop petites offres.
30§ 772. Quant li sires de Couchi vey que ces gens
que il avoit là amenés, ne vorroient aler plus avant,
[222] et que il ne li faisoient que respondre à le traverse,
si fu durement merancolieus, et s’avisa de soi
meismes, comme sages et imaginatis chevaliers, que
ces compagnes le poroient deshonnourer, car, se de
5force il le prendoient, il le poroient delivrer au duc
d’Osterice et vendre pour la cause de leurs gages, car
voirement demandoient il argent sus le temps à
venir, se on voloit que il alaissent plus avant. Et, se
ensi estoit que il le delivraissent par celle manière as
10Alemans, jamais il ne s’en veroit delivrés. Si eut
conseil secret à aucuns de ses amis, à trop de gens ne
fu ce mies, que il s’embleroit d’yaus et se metteroit
au retour. Tout ensi comme il le pensa et imagina,
il le fist, et se parti de nuit en abit descogneu, et
15chevauça lui troisime tant seulement. Toutes manières
de gens d’armes et de Bretons et ses gens ossi, excepté
cinc ou sis, cuidoient que il fust encores en ses logeis,
et il estoit ja eslongiés et hors de tous perilz
bien deus journées, et ne tenoit nul droit chemin,
20mais il fist tant qu’il s’en revint en France. Si fu
durement li rois de France esmervilliés; ossi furent
li dus d’Ango, li dus de Berri, li dus de Bourgongne
et moult d’autres signeurs, quant il le veirent [en ce
parti] revenu, et il le cuidoient en Osterice: ce leur
25sambla uns drois fantosmes. Et li demandèrent de
ses besongnes comment il en aloit, et dou duch d’Osterice
son cousin quel chière il li avoit fait. Li sires
de Couci ne fu mies esbahis de remoustrer son afaire,
car il estoit richement enlangagiés et [avoit] escusance
30veritable. Si cogneut au roy et à ces dus toute
[le] verité, et leur compta de point en point l’estat des
compagnes et comment il s’estoient maintenu et quel
[223] cose il avoient respondu, et tant fist, et de voir, que
il demora sus son droit, et les compagnes en leur
blasme. Et se tint en France dalés le roi et ses frères,
et tantost apriès Paskes il eut congiet dou roy de
5France d’aler jeuer en Engleterre et de mener y sa
femme la fille dou roy d’Engleterre, et eut adonques
[aucuns] trettiés secrés entre lui et le roy de France,
qui ne furent mies sitost ouvert. Et fu adont regardé
en France des plus sages que c’estoit uns sires de
10grant prudense, bien tailliés de trettiier pais et acord
entre les deus rois, et que on n’avoit en lui veu fors
que toute loyauté. Se li fu dit: «Sires de Couci,
c’est li entention dou roy et de son conseil que vous
demorés dalés nous en France; si nous aiderés à consillier
15et à trettier devers ces Englès, et encores vous
prions nous, que en ce voiage que vous ferés, couvertement
et sagement, ensi que bien le sarés faire, vous
substanciiés dou roy d’Engleterre et de son conseil
sus quel estat on poroit trouver paix ne acord entre
20yaus et nous.» Li sires de Couci eut ensi en couvent;
si se appareilla dou plus tost qu’il peut, et
parti de France, et ma dame sa femme et tout leur
arroy. Si esploitièrent tant que il vinrent en
Engleterre.
25§ 773. Or parlons de ces compagnons qui se tinrent
pour trop decheu, quant il sceurent que li sires
de Couchi leur estoit escapés et retournés en France.
Si disoient li aucun que il avoit bien fait, et li aultre
disoient que il s’estoit fais et portés grant blasme. Si
30se misent au retour et revinrent en France, en ce bon
pays qu’il n’appelloient mies Osterice, mais leur
[224] cambre. Quant li sires de Couci eut esté une espasse
en Engleterre dalès le roy son [grant] signeur, qui li
fist bonne chière et à sa fille ossi, et il eut viseté le
prince de Galles, son frère, qui gisoit malades à
5Londres, et estoit en mains de surgiiens et de medecins,
et ossi viseté ses aultres frères le duch Jehan
de Lancastre et ma dame sa femme, le conte de
Campbruge et monsigneur Thumas le mainsnet, et le
jone Richart, fil dou prince, qui estoit en le garde et
10doctrine de ce gentil et vaillant chevalier monsigneur
Guichart d’Angle, il prist congiet à tous et à toutes,
et laissa là sa mainsnée fille la damoiselle de Couci
et sa femme, et puis s’en retourna en France.
En ce temps paia li rois Edouwars d’Engleterre as
15barons et as chevaliers de son pays son jubilé, car il
avoit esté cinquante ans rois. Mais ançois fu trespassés
messires Edowars ses ainsnés filz, princes de
Galles et d’Aquittaines, la fleur de toute chevalerie
dou monde en ce temps et qui le plus avoit esté fortunés
20en grans fais d’armes et acompli de belles
besongnes. Si trespassa li vaillans homs et gentilz
princes de Galles ens ou palais de Wesmoustier dehors
la cité de Londres. Si fu moult plains et regretés,
et sa bonne chevalerie moult regretée, et eut li gentilz
25princes à son trespas la plus belle recognissance
à Dieu et la plus ferme creance et repentance, que
on vei onques grant signeur avoir. Ce fu le jour de
le Trinité, en l’an de grasce Nostre Signeur mil trois
cens settante et sis. Et pour plus autentiquement et
30reveramment faire la besongne, et que bien avoit
dou temps passé conquis par sa bonne chevalerie
que on li fesist toute l’onneur et reverense que on
[225] poroit, il fu embausumés et mis en un vaissiel de
plonch et là tous ensepelis, excepté le viaire, et ensi
gardés jusques à le Saint Michiel, que tout li prelat,
conte, baron et chevalier d’Engleterre furent à son
5obsèque à Wesmoustier.
§ 774. Sitos que li rois de France fu segnefiiés de
la mort de son cousin le prince, il li fist faire son