THE GAELIC BANNER. BRATACH NA GAELIC.

’S gu’m b’éibhinn, gu’m b’éibhinn, Gu’m b’éibhinn a’ Bhrataich i, ’S gu’n leumainn, gu’n leumainn, Gu’m leumainn le h-aiteas rith: Teannaibh dlùth le aon rùn,— Teannaibh dlùth gu cabhagach, Cuiribh ’n àird i ’s gach àit Biodh gu h-aluinn ’crathadh i, ’S aig éigheach, aig éigheach, Aig éigheach gur maireann i. ’S gur spéiseil, gur spéiseil, Gur spéiseil ri labhairt i! ’S gibht o Dhia i gach ial Chaoidh nan cian cha dealaich rith? Fhuair i àit ann ar gràdh, Tha ri ’r nàdur ceangailte, ’S cha tréig sinn, cha tréig sinn, Cha tréig sinn ’n ar n-anam i; ’S cha ghéill sinn, cha ghéill sinn, Cha ghéill sinn, do’n t-Shasunnach, An e so seana Chabair-féidh? Cumaibh suas a’ Ghàelic ghrinn Ann ’ur srathaibh ’us ur glinn; Deanaibh ’teagasg do ur cloinn, ’S na cuireadh Goill fo’n casan i. Labhraibh i gu sgairteal dàn Gun aon rugh ’n ’ur gruaidh le nàir; Anns a’ bhaile ’s air an t-sràid, Ged bhiodh e làn do Shasunnach. Cumaibh suas, &c. Cainnt na h-aoigheachd ’us na fàilt, Cainnt a’ chaoimhneis ’us a’ ghràidh, A bheir aoibhneas ’s gean gu fàs, ’S a chuireas blàth’s ’n ’ur n-aignidhean. Cumaibh suas, &c. Cha b’ionnan i ’s Bhanshas’nnach mhòr ’Rinn àrd sgoileirean na h-Oigh, Le Gréigis thioram, ’s Laidionn reòt, ’S ann chuir iad còmhdach’ sneachdaidh oirr. Cumaibh suas, &c. Cha’n’eil i tioram, [2]crainntidh, fuar, Mar bhean mhòr-chuiseach na h’uaill, Mu bhios sibh pòsda ri bidh truagh, ’Us ni le fuachd ’ur [3]meileachadh ’S dh’ fheumadh pige dh’ uisge sgàld, A chuir fo bhonn ’ur cos ’se làn, ’S còmhdach tlàth o’r ceann gu’r sàil Mu’m blàthaich sibh ’san leaba leth. Cha b’ionann i ’s a’ [4]chruinneag chòir, Nighinn a’ Ghàel ’s a’ cridh a’ teòth, Tha innte blàth’s ’us tlus gu leoir, ’S i gun mhòrchuis ceangailt rith. Cumaibh suas, &c. A bhan-[5]Ephiteach ’s a’ bhan-tràill Na gabhaibh steach an caidreamh blàth, Na bean-taigh’ na biodh gu bràth, Biodh i ghnàth ’na ban-oglaich. Cumaibh i ri obair chruaidh, Biodh i mach ri am an fhuachd, (Ged tha i làn do ’n stràichd ’s do ’n uaill); Oir tha [6]ghruagach cleachdta ris. Cumaibh suas, &c. Tha ’feachd ’sa h-armailt ri dian strì, Gach bochd ’us beairteach thoirt fo ’cìs, ’S a cuir ’n a suidhe mar bhanrìgh, Anns an tìr mar [7]Ealasaid. Ach fhad ’s a bhios an fhuil gu blàth, ’Ruith ann an cuislibh nan Gàel, Cha dean iad strìochdadh dhi gu bràth Ged ni sgàin ’s a chraicionn i. Cha cheadaich iad d’am [8]Màiri ghrinn, Mhàlda, bhanail, cheolmhòr bhinn, Bhi gun tròcair call a cinn Leis a’ mhilltear Shasunnach. Cumaibh suas, &c. Am maighstir-sgoile anns gach àit Deanaibh ghrad chuairteachadh gun dàil, ’S abraibh ris gu daingean, dàn’, “Cha leig ’ur cànain seachad sinn!” “’S dean thusa ’teagasg do ar cloinn, A chum ’s gu ’n leugh iad i le sgoinn, ’S nach bi iad uimpe mar na doill ’Us na Goill ri fanaid orr’. “’Us àill leinn thu dhoibh theagasg beurl, A chum ’s gu ’n tuig iad i ’s gu ’n leugh, Ach do ’n Ghàelic thug sinn spéis, ’S thoir-sa éisdeachd ealamh dhuinn.” Cumaibh suas, &c. ’S gach neach ’n ur measg a chi ’ur sùil ’Us earball peacaig air a chùl, ’Le uaill ’s le mòr-chuis a chion-tùir A’ diùltadh bhi ga labhairt ruibh. Labhraibh ris gun mhodh gu grad, Abraibh ris gun sgeig, gun mhag’; Tha sinne ’faicinn mach troimh t’aid’ Cluasan fad na h-asail ort! Cumaibh suas, &c. Tha Goill ’us Sas’nnaich tigh’nn ’nam brùchd A nios le carbadan ’n a smùid, ’S ni iad a fògradh as an dùth’ch Mar grad dhùisg na h-Athalaich’. Dùisgibh, dùisgibh, ’luchd mo ghaoil, Seasaibh le dùrachd air a taobh, ’Bratach gu sùrdail deanaibh sgaoil, A chum ’s a ghaoth gun crathadh i. ’S na bodaich dhubh ’n taobh thall [9]Lochbraon, Abraibh riu le h-iolaich glaoidh, Nach ’eil sibh uile gabhail nàir, ’S gu’n d’fhàg sinn n’ ur [10]cadal sibh? Nach ’eil fo nàir sibh thaobh ’ur dùth’ch’, Ris a bhan Ghàel bhi cuir ’ur cùl, ’S mar na tràillean lub ’ur glùn ’S toirt ùmhlachd do ’n bhan Shasunnaich! Cumaibh suas, &c. Gach creag ’us coire, stùchd ’us càrn, Gach lag ’us cnochd, ’us slios, ’us learg, Gach glaic ’us tullaich, eas ’us allt, Tha ’labhairt cainnt ar n-athraichean, Tha guth ri chluiantinn o gach fonn,— Gach dail, ’us bail’, ’us dùn, ’us tòm,— Gach beinn, ’us coill, ’us leachduinn lòm Tha gu pongail ’labhairt iad. Cumaibh suas, &c. Nach ro mhuladach an sgeul, Ma bhios ’ur gincil thig ’n-’ur déigh Gun aon smid dhi ann am beul, Ach i gu lèir mar Laidionn doibh. [11]Dal-an-amair an Gleann Ile? Cha tuig aon anam tha ’s an tìr An [12]t-alltan burn rinn iad na bhurn; Ach ’n a bhurn ’us cabhbaig air. Cumaibh suas, &c.