Song,

Oh! you are happy now Jo! Your care is a’ through Jo! Nae pain reaches you In the land o’ the leal. Our lassie wan awa’ Jo! Nor muckle sorrow saw Jo! Now I mourn twa In the land o’ the leal. But a’ is guid and weel Jo! Though nature it maun feel Jo! Ilk pain will be heal In the land o’ the leal. My locks are thin and grey Jo! My powers fast decay Jo! I’m laith lang to stay, Fae the land o’ the leal. But my tears drap in vain Jo! Alane I maun remain Jo! Till we meet again In the land o’ the leal. Though trouble here us tries Jo! ’Tis blessing in disguise Jo! To mak’ us mair prize The land o’ the leal.