Note 23 — III. bis. LA COA.[1] (Variante raccolta in Milano)
Reading edition
Non posso, come pur bramerei, dare un elenco delle voci, che usano adesso i venditori ambulanti di Milano; ma posso bensì riprodurre una storia popolare dal secolo scorso (In Milano per Carlo Bolzani. Con licenza de' Superiori) nella quale son registrate le principali di allora. Miglioro alquanto l'ortografia scorretta del raro originale:
NOEUVA BOSINAA,
Che de present l'è sta stampàa
Sopra tugg quang i mestèe
Che va sbragiand (gridando) per i contràa:
Sciò mo, Donn, chilò (qui) comprèe.
L'è dedicàa sta Bosinàa
A quij Donn, ch'hin intrigàa
D'avè el coeur inscia ignà
Par proved alla sova cà.
Voeui parlàa de tugg sti art;
E ogn'un per la sova part,
Che va sbragiand per tutt i port,
Che voeur quest, che voeur quest'olt,
Conforma ogn'un nel so mestee
Sciò mo, Donn, chilò comprèe.
I. O Squel e Bochàa!
Sciò mo, Donn, chilò crompèe
Chì, dal vost solet squellèe,
Buon pugnatt e buon baslott,
Bei stuvin (pignatto) e padelott,
Tacin, olitt e di bochàa.
G'hoodi vas anch perforàa
E di basla da pissà,
Piatt e tond da mangià;
G'hoo del tutt del me mestèe,
Sciò mo, Donn, chilò comprèe.
II. Conscia Lavesc e Padella!
O Donn, l'è chì el Colderèe,
Che el forla l'hoo chì adrèe,
E anch la bolgia e l'usedell.
Consci lechard e di sedell,
Di caldar e caldarin.
G'hoo la tenaia, el stachettin,
E di chiaf e saradur,
De varij sort so figur.
Tutt i voeult no me trovèe,
Sciò mo, Donn, chilò comprè.
III. O strinch e bindell!
De foeura, Donn, che hin arivàa'.
Vej daròo a buon marcaa.
Strinch da corda e da bindell
Ghe n'hoo de seda e firisell,
Per i Masc e Gentilomm.
Ghe n'hoo de ricch e poveromm,
De bindell largh e stregg,
De color ghe n'hoo paregg.
Vegnì donqua coi danèe;
Sciò mo, Donn, chilò comprèe.
IV. Bella tira cambraia!
Che voeur la tira da fa scosàa
Gh'hoo di bei pizz par i colàa,
Gh'è bella robba par colitt.
Che voeur rens da fa i panitt,
Per camis e per fodretta
Lavorin, reff e tarnetta,
Bella Cambraia e bei batizz!
D'ogna sort mi gh'hoo de pizz.
I bei boton a hin poeu i mè,
Sciò mo, Donn, chilò comprèe.
V. Peten e Coron e Ogiàa!
Scià che voeur crompà i ogiàa,
D'ogna sort mi n'hoo portàa
E per tegnì i cavij nett.
Gh'è pechian e pechianett,
E cortij e tamperin.
Al gh'è di spegg e coronin,
Gh'hoo crosett e di medaj,
Di granad e di coraj,
Spaza-oregg, sef diletèe.
Sciò mo, Donn, chilò comprèe.
VI. O cribbi e boffitt!
Al gh'è nissun, che voeur comprà
On cribbi da fà passà
O la sciendra, o'l sabion,
E drovall fin che l'è buon?
Gh'hoo sedazz e di boffitt,
De grand e piscinitt;
Gh'hoo trapar da chiapà ratt.
Se vorì anch faroo baratt
Sont pur anch mi on somenzee
Sciò mo, Donn, chilò comprèe.
VII. Zofreghitt, e stopin, che al veder rott.
O Donn de sora, vegnì de sott;
Portèe sciò el veder rott,
Se vorì prei d'azzalin,
Zofreghitt o del stopin,
Di gugitt e di gugion,
Di stringhitt e di stringhon.
Gh'hoo la lisca in d'on borsin,
Vej daroo par ses quattrin,
A sti prezij mai ghe rivèe!
Sciò mo, Donn, chilò comprèe.
VIII. Fer e strasc!
O Donn, l'è chì el strascèe
Vegnì sciò, chiapèe danee,
Portèe sciò i strasc e i pezz
Scià savì coss'è el so prezz,
Tant di bianch, come di negher.
Vegnì via pur alegher!
A ben che sian on poo brutt
Toeuj sciavatt e ferr del tutt,
Sont par vend anch de l'asee.
Sciò mo, Donn, chilò comprèe.
IX. Jo fus e rocch!
Al fa bisogn de rocch e fus
Peston e pirotta per so us,
Oss de pizz e pevarin,
Rocheton, spinn e spinin,
Sarvioeu, busser e bicocch,
Di basloeu (ciotoletta) par i pitocch,
Cazzoeu (mestole), ruzell (carrucole), tacin de brenta,
Di canell per la polenta?
Gh'hoo vertegg (bandelle) e candiree;
Sciò mo, Donn, chilò comprèe.
X. O Zun!
O Donn, l'è chì el sciavattin.
Hi da bisogn on quaj fodrin?
Gh'hoo el spagh gross e ben impesaa;
Mett sciò el sacch e son seraa
Sont de voeuja da lavoraa
El coeuri ghe l'hoo fin da sorà.
Se non porii poeu incalzalla
Gh'hoo ona forma da slargalla.
Per fa a pianin sont del mestee;
Sciò mo, Donn, chilò comprèe.
XI. Mora cortij e fores.
Car i me Donn, l'è chi el moletta.
Vorii, che mora la foresetta,
Cortij, schisora e tamperin?
Vegnì con folg o segurin,
Trinchitt, scopij e rasò,
Quel, chi bisogn, portèe pur sciò,
Che hoo la moeura martelàa
Sarii servii in veritàa
Droeuf la schienna e i man e i pè.
Sciò mo, Donn, chilò comprèe.
XII. O pomm o pomm!
Che voeur pomm e che voeur per?
Hin cattaa nomà l'oltrèr.
Pomm ravas e pomm popin,
Ona livra tri quattrin;
Pomm verdes e bergamott;
Se i vorii roeus nol fa nagott.
Gh'hoo pravisan e frascon;
Ma se i vorii mangiaj buon,
Toeuij di apij o santè.
Sciò mo, Donn, chilò comprèe.
XIII. Mascarpina grossa e butter!
O Donn, l'è chì la bergamina;
Vorii comprà la mia mascarpina?
Gh'hoo butter e di robioeur,
Di mascarp di quij scur;
Se vorii anch del strachin.
Gh'hoo mascarpon de quij fin
Tastell on poo, s'el ve pias.
Ne guadagn nient asquas;
Al cost vel do in feda dè.
Sciò mo, Donn, chilò comprèe.
XIV. Iermesc, Scigoll e Laij!
Che voeur spinasc e meregord?
Se i vorii, ghe voeur on sold.
Insalata e pampinella,
Zucorrin e erba stella.
Erborin e erb amar,
De sti temp hin on poo car.
Che voeur rav, che voeur navon,
Verz, seler e cardon,
Mirisciao, scigoll assee?
Sciò mo, Donn, chilò comprè.
XV. Polaster, polaster!
Che voeur polaster, che voeur capon,
Di polin grass e buon?
Se vorii poeu fa carnevàa
Gajin, puvion a buon marcàa,
Passar, dord, merla, franguij
Lodar, quaij e garganij,
Gilardìn e anedott,
Crian di voeult: l'è chì i gasciott,
Senza andà in su el Verzee.
Sciò mo, Donn, chilò comprèe.
XVI. A pess, a pess!
Sti recaton, che vend el pess,
Di voeult saraa e di voeult fresch,
Tenchet, agon e perseghitt,
Cavezaij, fusc e gambaritt,
E da quaresma renghitt, rengott,
Saracch, che spuza, nol fa nagott!
E i mostardee se fan sentii:
La par giust merda, che foo mi,
Però da quella de sti fescièe
Sciò mo, Donn, chilò comprèe.
XVII. Fioritt, fioritt!
O tosann, che fa l'amor,
Sciò, se vorii comprà di fior,
Giacint, narcis e campanitt,
Di bizzar, malgaretitt,
Trombon e toripan,
Roeus, garofor mantovan,
Di ceder e gessumin,
Vetuperos vegnan al fin,
E no foo olter mestee,
Sciò mo, Donn, chilò comprèe.
XVIII. Cardeghai!
Portee sciò, Donn, i cardeghett,
S'hin da conscià gh'hoo i bacchett,
E la lisca da liscaij
Vej consciaroo senza travaij
Se vorii noeuf, mi n'hoo portaa
De fort e bell da sta asettaa,
De grangg, pinit, de meza tacca,
Fin de fioeu da fa la cacca.
Dee guadagn al cardeghee
Sciò mo, Donn, chilò comprèe.
XIX. Botton da fazzolett!
Che voeur botton par i panitt?
Hin firaa come i passaritt,
E poeu, gh'è on' altra invenzion,
Al va a voeulta ciert toson
Cont di scatar sott alla cappa
E sì che san menà la tappa.
Che voeur di carton bej
E di rizz par i cavej
Gh'è nissun, che m' da danee?
Sciò mo, Donn, chilò comprèe!
XX. O spazzacamin!
Fornimm on poo con sti latin,
Gh'è schieppalegn, spazzacamin,
Teng brutt come el peccaa
E sbragian su par i contraa.
Canester o zaina e incoster fin,
O lagg, e poeu quell di scovin,
Che cria stoeurij, sprella, sprella!
On c.... che i sbudella
Portee in voeulta anch'i miee
Sciò mo, Donn, chilò comprèe!
Schieppalegn, spaccalegna, o schiappazocco. (Come è detto in Le piacevoli | et ridicolose | facetie | di M. Poncino | dalla Torre Cremonese. | Di novo ristampate | con l'aggionta d'alcune altre, che nella prima | impressione mancavano. | In Venetia, M. DC. XXVIII. Apresso Gerardo, et Iseppo Lamberti. Facezia II:—«Quivi M. Poncino condusse uno schiappazocco gagliardo et membruto; et gli diede denari, perchè troncasse et fendesse il trave.»—).