Note 366 — Le Carquois satyrique, par Antoine Gaigneu, Foresien[358].

Prestres qui vivez sainctement, Apportez le sainct sacrement, Auquel nous avons tous refuge, Et venez chasser Lucifer, Qui se veut bastir un enfer Dedans le corps d'un pauvre juge. Ce demon ennemy des cieux Luy rend si farouche les yeux Que de frayeur mon poil s'herisse; S'il ne plaict à Dieu l'en guerir, On ne verra jamais tarir Les gros ruisseaux de l'injustice. Voyez comme il grince les dents, Par le demon qui, au dedans Le bourrellant, faict qu'il se pame! Il s'allonge et roidit si fort Que je ne donne point de tort A ceux qui le jugent sans ame. Hé! prestres, venez, accourez, Ce pauvre juge secourez; Que vostre eau salubre le lave, Et n'oblyez le pain benit[366], A celle fin que l'aconit[367] Ne vienne à naistre de sa bave. Comme peut-il en ce bas lieu Estre l'image du grand Dieu, Ayant en soy le roy des vices? Il devient demon peu à peu; On n'esteindra jamais ce feu, Car il ayme trop les espices[368]. Non, non, prestres, ne venez pas: En vain vous feriez tant de pas, Puisque ce demon le possède; Celuy-là qui s'est destiné Pour vivre et mourir obstiné N'a besoing de vostre remède.