Note 103 — Chapter X

Pauca adhuc dicenda restant de floribus, coronis, et sertis variis, quæ in hoc multisq: aliis sepulchris picta et sculpta reperiuntur. Nimirum pertinet ad morem veterum Romanorum, à Græcis derivatum, non solum coronandi mortuos suos, sed etiam sepulchra eorum quotannis honorandi sparsione florum, rosarum, et unguentorum; quoniam existimabant hæc defunctis esse gratissima. Mos hic adeo erat receptus, ut quidam, moribundus, hæredes suos, in tabulis testamenti, officii hujus præstandi necessitate adstringeret; ingenti pecuniæ summâ huic fini destinatâ. Quod testantur, non solum auctores Græci et Latini, sed etiam—inscriptiones et ornamenta sepulchralia, quæ, ut hodieque ex antiquis monumentis apparet, ex coronis, sertis, frondibus, et floribus, constabant. Neque solum præcipiebant ut sibi quotannis rosis et odoribus parentaretur, sed etiam, eum in finem, sibi comparabant hortos, sepulchris suis vicinos, ut ex illorum reditibus parentalia ille fierent: quod ex sequenti inscriptione colligitur. Long: Patrollus, secutus pietatem col: centum hortos cum ædificio huic sepul. juncto vivus donavit, ut ex reditu eorum largius rosæ et escæ patrono suo et quandoque sibi parentaretur.—Forma usitata est in antiq: inscrip.—Ut quotannis rosas ad monumentum ejus deferant. Rosæ, minirum, præ omnibus aliis floribus in maximo habebantur pretio. Sed, &c.—Vid. eod. vol. De jure manium à Jacobo Gutheri, lib. 2. cap. xxviii. Again,—Porro solenne fuit antiquis Græcis et Romanis cænas ferales apparare statis et anniversariis sæpe temporibus, cùm in honorem ac memoriam defuncti, tùm ut per vini cibique lenimen ejus desiderium levaretur. Petebat autem stulta gentilitas mortuorum animas ab inferis reduces iis vesci et delectari.