Note 2 — I
Reading edition
Lucretius, i. 922-34, 948-50:
Acri Percussit thyrso laudis spes magna meum cor Et simul incussit suavem mi in pectus amorem Musarum, quo nunc instinctus mente vigenti Avia Pieridum peragro loca nullius ante Trita solo: iuvat integros accedere fontes, Atque haurire; iuvatque novos decerpere flores, Insignemque meo capiti petere inde coronam, Unde prius nulli velarint tempora musae. Primum, quod magnis doceo de rebus, et artis Religionum animum nodis exsolvere pergo: Deinde, quod obscura de re tam lucida pango Carmina, musaeo contingens cuncta lepore.... Si tibi forte animum tali ratione tenere Versibus in nostris possem, dum perspicis omnem Naturam rerum, qua constet compta figura.