Note 611 — Chapter III · ABUSE OF POWER BY THE MINISTER OF THE SACRAMENT

Illud immediate (ante vel post) aliqui moraliter intelligi volunt, ita ut, si physice tantum aliquid intermediat, seu intervallum adeo breve sit, ut pro nihilo debeat computari, confessarius adhuc vi harum clausularum sollicitans dicendus, ergo denuntiandus sit. Communis sententia, quam sequitur St. Alph. (n. 677) illud stricte, i.e. physice accipit. Ex praxi tribunalis S. Officii non censetur confessarius sollicitasse immediate post confessionem, si sollicitatio post transactum integrum diem accidet, dummodo nullo modo pravum animum suum in confessione indicaverit. Ballerini, Notæ ad Gury, II. n. 590. Opus Theol. Mor. l. c. Appendix De Sollicitatione, n. 1094 ss.