Note 36 — BOERHAAVE.
Reading edition
"Circa hoc tempus, lautis conditionibus, lautioribus promissis, invitatus, plus vice simplici, a viro primariae dignationis, qui gratia flagrantissima florebat regis Gulielmi III. ut Hagamcomitum sedem caperet fortunarum, declinavit constans. Contentus videlicet vita libera, remota a turbis, studiisque porro percolendis unice impensa, ubi non cogeretur alia dicere et simulare, alia sentire et dissimulare: affectuum studiis rapi, regi. Sic turn vita erat, aegros visere, mox domi in musaeo se condere, officinam Vulcaniam exercere; omnes medicinae partes acerrime persequi; mathematica etiam aliis tradere; sacra legere, et auctores qui profitentur docere rationem certam amandi Deum."—Orig. Edit.