Note 4 — APPENDIX ACCOUNT OF THE EXECUTION OF QUEEN MARY STUART

"Dedans une grande salle à laquelle on entroit immediatement de l'autre chambre de sa Majesté par une porte simple ... ils avoient dressé et tendu, au bout d'icelle, le dais de la Reyne, et, des deux costez, au dessous, le long de la paroy, estoient assis les seigneurs et toutte la noblesse sus nommée en la commission, estat et ordre que dessus; et au meilleu, quelques tables de long et les bancs où estoient assis les commissairs et la justice sus nommée, chacun en leur ordre. Et au dessous, avoient dressé une barrière laissant une partie qui se levoit pour entrer et sortir, faisant separation comme d'un parquet auquel n'entroit personne que ceulx qui avoient affaire pour la commission, et avoient charge en icelle. Et en l'autre separation, en bas, estoient gentilshommes et servans des dits seigneurs de la commission, auditeurs et spectateurs."—From Bourgoing's Journal, Chantelauze, p. 513.