Note 13 — INTRODUCTION.
Thomas Taylor translation
“Videbam pleraque omnia, quæ ex corpore animantis provenientia, testantur animam in illo inesse, provenire etiam ex telluris corpore. Ut enim corpus in cutis superficie pilos, sic terra plantas arboresque profert; inque iis ibi pediculi, hic crucæ, cicadæ, variaque insecta et monstra marina nascuntur: et ut corpus lachrymas, blennam, auriumque recrementa, est ubi et gummi ex faciei pustulis, sic tellus electrum, bitumen: utque vesica urinam, sic montes flumina fundunt; et ut corpus excrementum sulphurei odoris, crepitusque, qui etiam inflammari possunt, sic terra sulphur, ignes subterraneos, tonitrua, fulgura: utque in venis animantis generatur sanguis, et eum eo sudor, extra corpus ejectus; sic in venis terræ, metalla et fossilia, vaporque pluvius.”