Note 874 — Chapter VIII · THE BISHOP.
Reading edition
Cod. Dipl. No. 1314. “✠ Wulfstán arcebisceop grét Cnut cyning his hlaford, and Ælfgyfe ða hlǽfdian eádmódlíce; and ic cýðe inc leóf ðæt we habbað gedón swá swá ús swutelung fram eów com æt ðám biscop Æðelnóðe, ðæt we habbað hine nú gebletsod. Nú bidde ic for Godes lufon and for eallan Godes hálgan ðæt gewitan on Gode ðam æðe and on ðám hálgan háde, ðæt he mote beón ðǽre þinga wyrðe ðe óðre beforan wǽron, Dúnstán ðe gód wæs, and mænig óðer; ðæt ðes mote beón eall swá rihta and gerysna wyrðe ðæt inc byð bám þearflíc for Gode, and eác gerysenlíc for worolde.”