Note 788 — Chapter VII · THE TOWNS.

“Sic enim et hic agente impio victore, immo disponente iusto iudice, proximas quasque civitates agrosque depopulans, ab orientali mari usque ad occidentale, nullo prohibente, suum continuavit incendium, totamque prope insulae pereuntis superficiem obtexit. Ruebant aedificia publica simul et privata, passim sacerdotes inter altaria trucidabantur, praesules cum populis, sine ullo respectu honoris, ferro pariter et flammis absumebantur; nec erat qui crudeliter interemptos sepulturae traderet. Itaque nonnulli de miserandis reliquiis, in montibus comprehensi acervatim iugulabantur; alii fame confecti procedentes manus hostibus dabant, pro accipiendis alimentorum subsidiis aeternum subituri servitium, si tamen non continuo trucidarentur: ali transmarinas regiones dolentes petebant; alii perstantes in patria pauperem vitam in montibus, silvis vel rupibus arduis, suspecta semper mente, agebant.” Beda, Hist. Eccl. i. 15. See also Gildas, xxiv. xxv.