Note 144 — Chapter II · THE REGALIA, OR RIGHTS OF ROYALTY.

The following is the tariff of tolls levied at Billingsgate. Æðelr. iv. § 2. “De telonio dando ad Bylingesgate. Ad Billingesgate, si advenisset una navicula, unus obolus telonei dabatur: si maior et haberet siglas, unus denarius. Si adveniat ceól vel hulcus, et ibi iaceat, quatuor denarios ad teloneum. De navi plena lignorum, unum lignum ad teloneum. In ebdomada panum telonium tribus diebus, die dominica, et die Martis et die Jovis. Qui ad pontem venisset cum uno bato, ubi piscis inesset, ipse mango unum obolum dabat in telonium, et de una maiori nave, unum denarium. Homines de Rotomago, qui veniebant cum vino vel craspice, dabant rectitudinem sex solidorum de magna navi, et vicesimum frustum de ipso craspice. Flandrenses et Ponteienses et Normannia et Francia, monstrabant res suas et extolneabant. Hogge et Leodium et Nivella, qui per terras ibant, ostensionem dabant et teloneum. Et homines Imperatoris, qui veniebant in navibus suis, bonarum legum digni tenebantur, sicut et nos. Praeter discarcatam lanum et dissutum unctum et tres porcos vivos licebat eis emere in naves suas; et non licebat eis aliquod foreceápum facere burhmannis; et dare telonium suum, et in sancto Natali Domini duos grisengos pannos, et unum brunum, et decem libras piperis, et cirotecas quinque hominum, et duos caballinos tonellos aceto plenos, et totidem in Pascha: de dosseris cum gallinis, una gallina telonei, et de uno dossero cum ovis, quinque ova telonei, si veniant ad mercatum. Smeremangestre, quae mangonant in caseo et butiro, quatuordecim diebus ante Natale Domini, unum denarium, et septem diebus post Natale, unum alium.”