Note 816 — Chapter XII · HEATHENDOM. (continued 2)

MS. C. C. C. Cantab. No. 179. “On ðone eahtateóðan dæg ðæs monðes byð Sce Johannes týd ðæs pápan ⁊ ðæs martyres, se gedyde þurh Godes myht blyndum men gesyhðe. Ðone Johannes for ǽfstum [héht cwellan] Theodoricus se wæs Gotena cyning in Rauenna ðǽre ceastre; ⁊ sum wéstensetla on ðám ealonde ðe is nemned Liparus, he sæde sciplíðendum mannum ðæt he gesáwe Johannes sáwle ðæs papan lǽdan ðone cyning ðe hine ofslóh gebundenne on écum wítum. He cwæð, se Godes þeów, tó ðám sciplíðendum: Girsan dæg on ða nigoðan tíd dæges, ðæt is on ðone nón, Þeodricus wæs gelǽded ungyrd ⁊ unsceód ⁊ eác gebunden be ðám handum, betweoh Johanne ðám pápan ⁊ Finianum ðám ealdormen, ⁊ he wæs fram heom áworpen on byrnende seáð on ðysum neáh-ealande, ⁊ ðæt is nemned Ulcania. And ða sciplíðende ða ðæt gehýredon, hig ymbhydelíce ámearcodon ðone dæg, ⁊ him ðá cyrdon eft tó Etelwara mǽgðe, ðǽr hig ðone cyning ǽr lyfigende forlǽton; ⁊ hig ðá eft hine ðǽr deádne gemétton, ðý ylcan dæge ðe his wíte ðám Godes þeówe ætywed wæs. Ðæt wæs swíðe riht ðæt he fram ðám twám mannum wǽre sended on ðæt éce fýr, ðaðe he hér unrihtlíce ofslóh on ðisim life. Ðæt wæs Þeodoricus ðone we nemnað Ðeódríc.” See further illustrations of this strange tale in the Deutsche Heldensage, p. 38, where Otto of Freisingen is quoted, but who does not give nearly so many details as the Anglosaxon legend.