Note 22 — INTRODUCTION. ◊

For a more detailed analysis, see Histoire Poét., p. 251, and cf. the account given of the old Fierabras or Balan romance by Philippe Mousket, ed. Reiffenberg, Bruxelles, vol. I. v. ll. 4664–4716, which runs as follows:—

4664 Puis fu Roume par force prise

et la gent destruite et ocise

et li apostoile ocis

Castiaus-Mireors ars et pris

4668 et toute la cité bruie.

li dus Garins et sa mesnie

entrerent en Castiel-Croisant,

quar Sarrasin, Turc et Persant

4672 amenerent trop grant compagne

et devers Surie et d’Espagne;

si furent crestien dolant,

et manderent tot maintenant

4676 soucours al bon roi Charlemainne

ki sa fieste en France demainne,

et li rois en cele besogne

lor tramist Guion de Bourgogne,

4680 ki nouviaus chevaliers estoit

et des jovenes enfans avoit

devant çou la couronne prise.

et soucoururent sans faintise

4684 lor bon roi en la tiere estrange

u il n’orent ni lin ni lange.

en France estoient revenu

et soujourné et bien péu,

4688 mais à cel soucours le tramist

li rois, ki moult s’entremist,—

et si tramist de Normendie

Ricart à la ciere hardie,

4692 si reprirent li Mireour:

et dus Garins vint à l’estour,

ki tint Pavie en quité

s’ot bien Castil-Croisant gardé,

4696 et Karles ot sa gent mandée,

si vinrent de mainte contrée,

quar il lor faisoit tant de biens,

qu ’à ses amis ne faloit riens.

4700 si trest vers Rome li bons rois

et fist as paiens moult d’anois.

dont se combati Oliviers

a Fierabras ki tant fu fiers;

4704 d’armes l’outra, si reconquist

les .ii. barius qu’à Rome prist,

si les gieta enmi le Toivre

por çou que plus n’en péust boivre;

4708 quar c’est bausmes ki fu remés

dont Ihesu Cris fu embausmés.

puis furent mort tot li paien

et mis en Roume crestiien,

4712 si ot autre apostoile fait

et Karles s’en revint à hait,

si gratia Dieu et St. Piere,

que recouvrée ot sa kaiere,

4716 soujourner vint dont à Parise . . .