Note 48 — Chapter III

By the kindness of the present dean of Christ Church I am able to give the reader a couple of specimens of Mr. Gladstone's Latin verse. The two pieces were written for 'Lent verses':—

(1829) Gladstone.

An aliquid sit immutabile?

Affirmatur

.

Vivimus incertum? Fortunæ lusus habemur?

Singula præteriens det rapiatve dies?

En nemus exaninum, qua se modo germina, verno

Tempore, purpureis explicuere comis.

Respice pacatum Neptuni numine pontum:

Territa mox tumido verberat astra salo.

Sed brevior brevibus, quas unda supervenit, undis

Sed gelidâ, quam mox dissipat aura, nive:

Sed foliis sylvarum, et amici veris odore,

Quisquis honos placeat, quisquis alatur amor.

Jamne joci lususque sonant? viget alma Juventus?

Funereæ forsan eras cecinere tubæ.

Nec pietas, nec casta Fides, nec libera Virtus,

Nigrantes vetuit mortis inire domos.

Certa tamen lex ipsa manet, labentibus annis,

Quæ jubet assiduas quæque subire vices.

(1830) Gladstone.

An malum a seipso possit sanari?

Affirmatur

.

Cernis ut argutas effuderit Anna querelas?

Lumen ut insolitâ triste tumescat aquâ?

Quicquid in ardenti flammarum corde rotatur,

Et fronte et rubris pingitur omne genis.

Dum ruit hùc illùc, speculum simulacra ruentis,

Ora Mimalloneo plena furore, refert.

Pectora vesano cùm turgida conspicit æstu,

Quæ fuit (haud qualis debeat esse) videt.

Ac veluti ventis intra sua claustra coactis,

Quum piget Æolium fræna dedisse ducem;

Concita non aliter subsidit pectoris unda,

Et propriâ rursum sede potitur Amor,

Jurâsses torvam perculso astare Medusam

Jurares Paphiæ lumen adesse deæ.