Note 5 — Folk-Lore, Traditions and Superstitions
Reading edition
Sásè olsiá gåthå dangman. Bi málai háli oinánai mai gai zap-bá, obásu bi mámmár dubliau háli oi-hùi-dang. Pháre Buthur5 braiá olsiá gåthå-kho háli oinai nunánai bi thángnu haekhai, bungnaise, “Helùi gåthå, nanglai dá má háli oidang-ùi, buthurá mobábá-nu thángbai. Dá mai gaibá má zá-bau-nu?” Theobu bi bikho nai-finá, mosokno buá dhum dhum dhàm dhàm bunánai, natzret nat-flet háli oibai tháiù. Unau braiá khonle khonle sungnaikhai gåthåá bràp-nánai nai-gedau-nánai bung-naise, “Nanglai máuni brai lùi? Áng kho háli oinaiau be baidi sungbai tháiu? Ángha má zádang, áng su mithidang.” Beaunu braiá bungnaise “Nonggá, lui áfá, áng nangkho gahàm khoráng-sù khithánu námaidang.” Beanu gåthåá bungnaise “Má khoráng dang? Mámár kithá. Ángha háli oinu sàn zolángbai.” Obásu braiá bungnaise “Dá háli oinánai má zánu? Buthur thángbai,” hanbá, gåthåá bungnaise “Bi bobething thángkhu? Mau thangkhu, nang ángnu kithánánai hu. Áng mai gainu manábá, ma zánánai tháng-gan?” Obásu braiá bungnaise “Nang aglánù málai zang luguse háli oinánai mai gaibá hàmgauman, dálai buthurkho sùr nunù hágo, áru mábrui bikho laifin-nu?” Beaunu gåthåá bungnaise “Nang khithínánai hunu hábá, áng bikho zeruibábu lábonu hágan.” Hanbá bikho braiá bulu haekhai khithánaise “Nang bething thángui thábá khårå phut-thru-thru brai sáse thokon thunánai dubli gezer gezer thángnai nugan. Obániá nang bikhonu hom. Áru bi zere khíthá-i-u, nang bebaidinu khàmdui” hannánai, buthur braiá thángnaisei. Obásu gåthåá háli hogàrnánai nåiau fainánai bima buruikho mámár khàm songnu hùnánai, zaùi lángùi bimánù kithánaise “Ai, nang gábun fungzáni khàm songnánai hù, áru mairong khotháse bunnánai hù. Ang buthur braikho husu-láng-nù nánggo. Maná-thu dini áng háli oinaiau brai sáse fainánai mai gainaini Buthurá tháng-bai hannánai kithánái, áru bikho hùsù-lángbá mangan, áru bi zere khámnu thinu, bebaidi-nu khàm, hannánai kithalángnai.” Obásu buriá okhá naibá khàm songnánai gåthåkho zá-hù-ùi làng-hù-ui mairong khotáse bunnanai hunánai gåthå-kho hogárnaise. Gåthåá thángui thángui zaikhonu lugù manù, bikhonù sungù, bisur bungù: “Buthur thángbai hannanai mithigo. Bi mábrùi áru bobething thángkhu, bikho zangfur khithánu haiá.” Beaunu gåthåá gadau-srau zánánai bobething thán-gan hannánai zerenu manu erenu dubli gezer gezer thábai-baibá gazànau brai sáse nu-hotnaise. Nuhotbá binu buthur zánù nánggo nungnánai, bikho bungnaise “Áfá råthå; dase råthå. Áng nang-ni-au manse khoráng sungnu námaidang.” Theobu braiá khnásonglábá thángui tháiù. Gåthåá-bu khithu khithu thángui thángui khithálangu. Gabauzang braiá nai fafinnanai bungnaise “Má hekhong hekhong sùr gåthålùi mauni lùi nanglai?” hannánai sungbá gåthåá bungnaise “Áfá brai, dá braplùi. áng manse dukhuau gaglainá-nai, nangni kháthiau faidang,” hanbá braiá “Mámár khithá; mámár khithá; áng thángnu nánggo, ánghá nåá gazàn, hor-tho-hùi-gan;” hannaise. Obásu gåthåá khithánaise, “Áfá, áng nangkho buthur brai baidi nuïù. Binikhai nang ángkho dá buthàt. Málaiá boibu mai gaithrå-bai; áng un zánánai dase-bù gainu há-e-khuise. Binikhai nang dase tháng-fáfin-bá ángha mai zágan” bungnaikhai, braiá binu khithá-naise, “Áng dá faibai, tháng fá-finnu háliá, nang benifrai mámár tháng-nánai, zese háiu gatháng-gabrám háli oinánai mai gaihùitháng.” Obásu gåthåá fainánai zerenu manu erenu khothia6-khini-kho gaibrop-nánai dinnaise. Zapbai.