Note 19 — BOOK IX.
William Robson translation
The picture of Falcandus is perfectly prophetic, and describes events exactly like those which came after him. We will quote the most curious passages:—Intueri mihi jam videor turbulentas barbarorum acies, eo qua feruntur impetu irruentes, civitates opulentas et loca diuturnâ pace florentia metu concutere, cæde vastare, rapinis atterere, et fœdare luxuriâ. Ingerit se mihi, et lachrymas a nolente futuræ species calamitatis extorquet. Occurrunt hinc cives aut resistendo gladiis intercepti, aut se dedendo miserâ servitute depressi. Illine virgines in ipsis parentum conspectibus constupratæ; matronæ post varia et preciosa capitis, colli, et pectoris ornamenta direpta, ludibrio habitæ defixis in terrâ oculis inconsolabiliter deplorantes, venerabile fœdus conjugii fœdissimæ gentis libidine violari. Nec enim aut rationis ordine regi, aut miseratione deflecti, aut religione terreri Theutonica novit insania, quam et innatus furor exagitat, et rapacitas stimulat, et libido præcipitat. Hæc autem in Apuliâ vicinisque provinciis geri, licet horrendum ac triste sit facinus, et multo cum mœrore deflendum, utcunque tamen tolerabile putaretur, si in cispharinis tantum partibus barbarorum immanitas desæviret. Servire barbaris jam cogetur antiqua illa Corinthiorum nobilitas qui patriis olim relictis sedibus, in Siciliam transuentes, et urbi construendæ locum idoneum perquirentes, tandem in optimâ et pulcherrimâ parte Siciliæ inter inæquales portus mœnia sua loco tutissimo construxerunt. Quid tibi nunc prodest philosophorum quondam floruisse doctrinis, et poëtarum ora vatifici fontis nectare proluisse? satiùs tibi quidem esset ac tutiùs, Siculorum adhuc tyrannorum sævitiam pati, quam barbaræ fœdæque gentis tyrannidem experiri. Væ tibi fons celebris et præclari nominis Arethusa, quæ ad hanc devoluta est miseriam, ut quæ poëtarum solebas carmina modulari, nunc Theutonicorum ebrietatem mitiges, et eoram servias fœditati.—See Historia Sicula, ap. Muratori, vol. vii.