Note 129 — IV
Reading edition
“Edwardus Dei Gratia Rex Angliæ dominus Hiberniæ et dux Aquitanniæ vicecomiti Kanciæ salutem. Cum prælatis et magnatibus regni nostri mandaverimus ut ipsi parliamento nostro, quod apud Westmonasterium in quindena Sancti Michælis proxime futura tenebimus. Domino concedenti intersint ad tractandum nobiscum tam super statum regni nostri quam super quibusdam negotiis nostris quæ eis exponemus ibidem, et expediens sit quod duo milites de comitatu prædicto de discretioribus et legalioribus militibus ejusdem comitatus intersint eidem parliamento, ex causis prædictis tibi præcipimus quod in pleno comitatu tuo de assensu ejusdem comitatus eligi facias dictos duos militis et eos ad nos usque Westmonasterium pro communitate dicti comitatus venire facias ad dictum diem ad tractandum nobiscum et cum prædictis prælatis et magnatibus super negotiis prædictis. Et hoc non omittas....” 2 Stubbs, Const. Hist. Eng. 234, note 5.