Note 40 — LORD HENLEY AND THE CATHEDRAL SERVICE.
Reading edition
Ut vero pueros supradictos habeat capitulum rite institutos, tam morum modestia, quam canendi peritia, vobanus et statuimus, ut unus, qui sit honestæ famæ, vitæ probæ, et cantandi peritus, ipsis pueris choro destinatis, præficiatur magister et rector chori, qui eis docendis et instituendis organis suo tempore pulsandis aliisque ecclesiasticis muniis in choro obeundis studiose vacabit, qui congruam habeat operæ suæ mercedem annuam per capitulum designandam et per dictum receptorem exolvendam.
Prospiciat etiam puerorum salute: quorum et in literis, et in mensa et convictu, educationem et liberalem institutionem illius fidei et industriæ committimus. (Qui si negligens, aut in munere suo fungendo desidiosus, aut in salute puerorum et recta eorum educatione, (ut verbum Dei postulat) minime providus et circumspectus inveniatur, post trinam admonitionem nisi resipuerit ab officiis deponatur et privetur.)