Note 124 — The French at Pisa.

“Arch. Nat.”, Paris, Carton K. 55, No. 11, prèce 8; July 27, 1406: ”Charles par la Grâce de Dieu Roy de France, à nos amés et féaulx gens de nos comptes et trésoriers à Paris et à tous nos aultres justiciers et officiers ou à leur lieutenant, Salut et dilectation!

“Savoir vous faisons que nos très-chers et très-amés frère et cousin les Ducs d’Orléans et de Bourgoigne, nous ont au jour dit fait foy et hommaige lige des ville terre et Seigneurie de Pise et de toutes terres appartenans et appendans quelconque, à eulx appartenir communément. Auquel hommaige nous les avons reçus sauf notre droit et l’autrui. Vous mandons, et à chacuns de vous sicomme à luy appartiendra que, pour cause du dit hommaige à nous faict, vous ne faictes ou souffrey nos ditz frère et cousin ne aulcun d’eulx estre molestez, troublez ou empeschez ès dictes ville terre el seigneurie de Pise ni es terres appartenans et appendans en aucune manière. Mais si pour la dicte cause elles estoient empeschées mettez les leur ou faictes mettre a plaine delivrance. Donné a Paris le 26 jour de Juillet, 1406, et de nostre regne 26. Pour le Roy, le Comte de Tancarville et aultres princes.”