Note 727 — VII THE COURT PLAY
Reading edition
Plummer, 123 (from Bereblock's account): 'Primo ibi ab ingenti solido pariete patefacto aditu proscenium insigne fuit, ponsque ab eo ligneus pensilis, sublicis impositus, parvo et perpolito tractu per transversos gradus ad magnam Collegii aulam protrahitur; festa fronde coelato pictoque umbraculo exornatur, ut per eum, sine motu et perturbatione prementis vulgi, regina posset, quasi aequabili gressu, ad praeparata spectacula contendere. Erat aula laqueari aurato, et picto arcuatoque introrsus tecto, granditate ac superbia sua veteris Romani palatii amplitudinem, et magnificentia imaginem antiquitatis diceres imitari. Parte illius superiori, qua occidentem respicit, theatrum excitatur magnum et erectum, gradibusque multis excelsum. Iuxta omnes parietes podia et pegmata extructa sunt, subsellia eisdem superiora fuerunt multorum fastigiorum, unde viri illustres ac matronae suspicerentur, et populus circumcirca ludos prospicere potuit. Lucernae, lichni, candelaeque ardentes clarissimam ibi lucem fecerunt. Tot luminaribus, ramulis ac orbibus divisis, totque passim funalibus, inaequali splendore, incertam praebentibus lucem, splendebat locus, ut et instar diei micare, et spectaculorum claritatem adiuvare candore summo visa sint. Ex utroque scenae latere comoedis ac personatis magnifica palatia, aedesque apparatissimae extruuntur. Sublime fixa sella fuit, pulvinaribus ac tapetiis ornata, aureoque umbraculo operta, Reginae destinatus locus erat'; cf. Boas, 99.