Note 545 — RUES.

Par deça Grant pont erraument[545] M'en ving, sçachiez bien vraiment N'avoie alenas[546] ne poinson. Premiere, la rue o Poisson La rue de la Saunerie Trouvai, et la Mesguiscerie L'Escole et rue Saint Germain A Couroiers bien vint à main Tantost la rue a Lavendiere Ou il a maintes lavendieres. La rue à moignes de Jenvau Porte à mont et porte à vau; En près rue Jean Lointier Là ne fu je pas trop lointier[547] De la rue Bertin Porée. Sans faire nulle eschauffourée Ving en la rue Jean l'Eveiller; Là demeure Perriaus Goullier. La rue Guillaume Porée près Siet, et Maleparole en près, Ou demeure Jean Asselin. Parmi[548] le Berrin Gasselin; Et parmi[549] la Hedengerie, M'en ving en la Tableterie En la rue à petit soulers De bazenne tout fut souillés D'esrer[550] ce ne (fu) mie fortune. Par la rue Sainte Opportune Alai en la Charonnerie, Et puis en la Féronnerie; Tantost trouvai la Mancherie, Et puis la Cordoüanerie, Près demeure Henry Bourgaie; La rue Baudouin Prengaie Qui de boire n'est pas lanier[551]. Par la rue Raoul l'Avenier[552] Alai o siege a Descarcheeurs. D'ileuc[553] m'en allai tantost ciex[554] Un tavernier en la viez place A Pourciaux, bien trouvai ma trace Guillot qui point d'eur bon n'as[555]. Parmi la rue a Bourdonnas Ving en la rue Thibaut a dez, Un hons trouvai en ribaudez[556] En la rue de Bethisi Entré, ne fus pas ethisi[557]: Assez tost trouvai Tire chape; N'ai garde que rue m'eschape Que je ne sache bien nommer Par nom, sans nul mesnommer[558]. Sans passer guichet ne postis[559] En la rue au Quains de Pontis Fis un chapia[560] de violete. La rue o serf et Glorïete Et la rue de l'arbre sel Qui descent sur un biau ruissel[561] Trouvai et puis Col de Bacon . . . . . . . . . Et puis le Fossé Saint Germain Trou-Bernard trouvai main à main, Part ne compaigne[562] n'attendi, Mon chemin a val s'estendi Par le saint Esperit[563], de rue Sus la riviere en la Grant-rue Seigneur de la porte du Louvre; Dames y a gentes et bonnes, De leurs denrées sont trop riches. Droitement parmi Osteriche Ving en la rue saint Honouré, La rue trouvai-je Mestre Huré, Lez lui[564] seant Dames polies. Parmi la rue des Poulies Ving en la rue Daveron Il y demeure un Gentis-hon. Par la rue Jehan Tison N'avoie talent de proier[565], Mès par la Croix de Tiroüer Ving en la rue de Neele Navoie tabour ne viele: En la rue Raoul Menuicet Trouvai un homme qui mucet[566] Une femme en terre et ensiet, La rue des Estuves en près siet. En près est la rue du Four: Lors entrai en un carefour, Trouvai la rue des Escus Un homs à grans ongles locus[567] Demanda, Guillot, que fais tu? Droitement de Chastiau-Festu M'en ving à la rue a Prouvoires Ou il a maintes pennes vaires[568]; Mon cuer si a bien ferme veue. Par la rue de la Croix neuve Ving en la rue Raoul Roissole, N'avoie ne plais[569] ne sole La rue de Montmartre trouvai Il est bien seu et prové Ma voie fut delivre[570] et preste Tout droit par la ruelle e piestre[571] Ving à la pointe Saint Huitasse Droit et avant sui[572] ma trace Jusques en la Tonnellerie Ne sui pas cil qui trueve lie. Mais par devant la Halle au blé Ou l'en a mainte fois lobé[573] M'en ving en la Poissonnerie Des Halles, et en la Formagerie, Tantost trouvai la Ganterie, A l'encontre est la Lingerie La rue o Fevre siet bien près Et la Cossonnerie après. Et por moi mieux garder des Halles Par dessous les avans des Halles Ving en la rue à Prescheeurs La bui[574] avec Freres Meneurs Dont je n'ai pas chiere marie[575] Puis alai en la Chanvrerie Assez près trouvai Maudestour Et le carrefour de la Tour, Ou l'on giete mainte sentence En la maison à Dam[576] Sequence Le puis le carrefour départ[577]: Jehan Pincheclou d'autre part Demeura tout droit a l'encontre. Or dirai sans faire lonc conte[578] La petite Truanderie Es rues des Halles s'alie La rue au Cingne ce me samble Encontre Maudestour assamble Droit à la grant Truanderie Et Merderiau n'obli-je mie, Ne la petite ruéléte Jehan Bingne par saint-Clerc[579]suréte[580]. Mon chemin ne fut pas trop rogue[581] En la rue Nicolas Arode Alai, et puis en Mauconseil. Une Dame vi sur un seil[582] Qui moult se portoit noblement; Je la saluai simplement, Et elle moi par saint Loys. Par la sainte rue Saint Denis Ving en la rue as Oües droit Pris mon chemin et mon adroit Droit en la rue Saint-artin Ou j'oi chanter en latin De Nostre Dame un si dous chans. Par la rue des Petits Champs Alai droitement en Biaubourc Ne chassoie chievre ne bouc: Puis truit la rue a Jongleeurs Con ne me tienne à jeugleeurs[583]. De la rue Gieffroi l'Angevin En la rue des Estuves vin, Et en la rue Lingariere La ou leva mainte plastriere D'archal mise en œuvr pour voir[584] Plusieurs gens pour leur vie avoir Et puis la rue Sendebours La Trefilliere a l'un des bous, Et Quiquenpoit que j'ai moult chier, La rue Auberi le Bouchier Et puis la Conreerie aussi, La rue Amauri de Roussi, En contre Troussevache chiet, Que Diex gart qu'il ne nous meschiet[585], Et la rue du Vin-le-Roy, Dieu grace on n'a point de desroy[586] En la Viez Monnoie par sens M'en ving aussi conpar à sens[587]. Au-dessus d'iluec un petit Trouvai le Grand et le Petit Marivaux, si comme il me samble; Li uns à l'autre bien s'assamble; Au dessous siet la Hiaumerie Et assez prez la Lormerie Et parmi la Basennerie Ving en la rue Jehan le Conte; La Savonnerie en mon conte Ai mise: Par la Pierre o let Ving en la rue Jehan Pain molet, Puis truis[588] la rue des Arsis; Sus un siege un petit m'assis Pour ce que le repos fu bon: Puis truis les deux rues Saint Bon. Lors ving en la Buffeterie, Tantost trouvai la Lamperie, Et puis la rue de la Porte Saint Mesri; mon chemin s'apporte Droit en la rue à Bouvetins. Par la rue a Chavetiers tins Ma voie en la rue de l'Estable Du Cloistre qui est honestable De Saint Mesri en Baillehoe Ou je trouvai beaucoup de boe Et une rue de renon. Rue neuve Saint Mesri a non. Tantost trouvai la Cour Robert De Paris. Mes par saint Lambert Rue Pierre o lart siet près, Et puis la Bouclerie après: Ne la rue n'oublige pas Symon le Franc. Mon petit pas Alai vers la Porte du Temple; Pensis ma main de lez[589] ma temple. En la rue des Blans Mantiaux Entrai, où je vis mainte piaux Mettre en conroi[590] et blanche et noire; Puis truis la rue Perrenelle De Saint Pol, la rue du Plastre . . . . . . . . . . . . . . . . . . . . . . . . . . . En près est la rue du Puis. La rue à Singes après pris Contreval[591] la Bretonnerie M'en ving plain de mirencolie[592]: Trouvai la rue des Jardins Ou les Juifs maintrent[593] jadis; O carrefour du Temple vins Ou je bui plain henap de vin Pour ce que moult grand soif avoie. A donc me remis a la voie, La rue de l'Abbaye du Bec. Hellouin trouvai par abec[594], M'en allai en la Verrerie Tout contreval la Poterie Ving au carrefour Guillori Li un di ho, l'autre hari, Ne perdit pas mon essien[595]. La ruelete Gencien Alai, ou maint un biau varlet[596], Et puis la rue Andri Mallet, Trouvai la rue du Martrai, En une ruelle tournai Qui de Saint Jehan voie à porte[597] En contre la rue des Deux Portes. De la viez Tisseranderie Alai droit en l'Esculerie Fit en la rue de Chartron . . . . . . . . . . . . . . . . En la rue du Franc-Monrier Alai, et vieux-cimetiere Saint Jehan meisme en cotiere[598] Trouvai tost la rue du Bourg— Tibout, et droit a l'un des bous La rue Anquetil le Faucheur La maint un compain tencheeur[599]. En la rue du Temple alai Isnelement[600] sans nul délai: En la rue au Roi de Sezille Entrai; tantost trouvai Sedile[601], En la rue Renaut le Fevre Maint, ou el vent et pois et feves En la rue de Pute-y-muce Y entrai en la maison Luce Qui maint en rue de Tyron Des Dames ymes[602] vous diron La rue de l'Escoufle est près Et la rue des Rosiers près Et la grant-rue de la Porte Baudeer si con se comporte M'en allai en rue Percié Une femme vi destrecié[603] Pour soi pignier[604], qui me donna De bon vin. Ma voie adonna En la rue des Poulies Saint Pou Et au dessus d'iluec un pou[605] Trouvai la rue a Fauconniers. . . . . . . . . . . . . . . . . Parmi la rue du Figuier Et parmi la rue a Nonains D'Iere, vi chevaucher deux nains Qui moult estoient esjoi. Puis truis la rue de Joy Et la rue Forgier l'Anier, [606]Je ving en la Mortellerie Ou a mainte tainturerie La rue Ermeline Boiliaue La rue Garnier sus l'yaue Trouvay, à ce mon cuyer s'atyre[607]: Puis la rue du Cimetire Saint Gervais, et l'Ourmeciau, Sans passer fosse ne ruisseau Ne sans passer planche ne pont La rue a Moines de Lonc-pont Trouvai, et rue Saint Jehan De Greve, ou demeure Jouan Un homs qu' n'a pas vue saine Près de la ruele de Saine En la rue sus la riviere Trouvai une fausse estriviere[608]. Si m'en reving tout droit en Gréve Le chemin de rien ne me gréve Tantost trouvai la Tannerie Et puis après la Vannerie La rue de la Coifferie Et puis après la Tacherie Et la rue aux Commenderesses Ou il a maintes tencheresses[609] Qui ont maint homme pris o brai[610] Par le Carefour de Mibrai En la rue Saint Jacque et ou porce[611] M'en ving, n'avois sac ni poce[612]: Puis alai en la Boucherie La rue de l'Escorcherie Tournai; parmi la Triperie M'en ving en la Poulaillerie, Car c'est la dernière rue Et si siet droit sur la Grant-rue.