Note 525 — RUES.

La rue du Sablon par m'ame[525]; Puis rue neuve Notre Dame. En près est la rue à Coulons D'iluec ne fu pas mon cuer lons[526], La ruele trouvai briement De S. Christophe et ensement[527] La rue du Parvis bien près, Et la rue du Cloistre après, Et la grant rue S. Christofle: Je vis par le trelis d'un coffre En la rue Saint Pere à beus Oisiaus qui avoient piez beus[528] Qui furent pris sur la marine[529]. De la rue Sainte Marine En la rue Cocatris vins, Où l'en boit souvent de bons vins, Dont maint homs souvent se varie[530] La rue de la Confrairie Nostre-Dame; et en Charoui Bonne taverne achiez[531] ovri. La rue de la Pomme assez tost Trouvai, et puis après tantost Ce fu la rue as Oubloiers; La maint Guillebert a braiés. Marcé Palu, la Juerie Et puis la petite Orberie Qui en la Juerie siet. Et me semble que l'autre chief Descent droit en la rue à Feves Par deça la maison o fevre. La Kalendre et la Ganterie Trouvai, et la grant Orberie. Après, la grant Bariszerie; Et puis après la Draperie Trouvai et la Chaveterie, Et la ruele Sainte Croix Ou l'en chengle[532] souvent des cios. La rue Gervese Lorens Ou maintes Dames ygnorents Y maignent[533] qui de leur quiterne[534] En pres rue de la Lanterne. En la rue du Marmouset Trouvai[535] homme qui mu fet Une muse corne bellourde. Par la rue de la Coulombe Alai droit o port Saint-Landri: La demeure Guiart Andri. Femmes qui vont[536] tout le chevez Maignent[537] en la rue de Chevés. Saint Landri est de l'autre part, La rue de l'Ymage départ[538] La ruele par Saint Vincent[539] En bout de la rue descent De Glateingni, ou bonne gent Maingnent, (manent) et Dames o corps gent[540] . . . . . . . . . La rue Saint-Denis de la Chartre. . . . . . . . . . . . . . . . . . . . . . . . . . . . En ving en la Peleterie Mainte peine y vi esterie[541]. En la faute[542] du pont m'assis. Certes il n'a que trentesix Rues contables[543] en Cité Foi que doi Benedicite[544].