Note 193 — CAPITOLO CLXX. Venezia.

Le se prova elle de dar un’ochiada In prima attorno questa dominante Da sto progeto meza sfigurada. Le zira per un poco tute quante Le contrade, e le cerca ogni sestier, I canali, le cale, e tante e tante Strade dove sia chiesa o monastier, E le diga se alcune ghe ne resta Imune, salva, illesa da veder... Le prego accompagnarne sin al Lido Dove me par che su la spiagia un grido Tuto a l’intorno assurdi e cielo e mar De zente priva de socorso e nido. Questa, le se la pol imaginar, Questa xe quela tal popolazion Che ogni dì soleva alimentar Da una nobile insigne religion, Che a setecento e più de quel distreto, Mossa da religiosa compassion La ghe somministrava, oltre el paneto, La carne, el riso, el sal, el vin, la legna, L’ogio, i medicinali, el soldo, el leto, E a compimento d’opera sì degna, A tanti e tanti l’abito, el mantelo... San Nicolò de Lido, monastier Cussì famoso un tempo e cussì antigo, Convertido le ’l vede in un quartier... Eh via, tiolè per man con più rason Sta libertà, sto lusso, ste angarie, Ste trupe, sto arsenal, ste mercanzie Che pur tropo le xe in desolation... Con manco scienza ma con più cervelo Alora oh se pareva assai più bon! Tutti mercanti gera in marzarìa De lane, d’ori, arzenti, merli e sede, La città tutta rica e ben fornìa. Ancuo ste cosse più non le se vede. È vero, ma la testa xe guarìa De tutti i pregiudizj de la fede... Ma sto metter la man in sacrestia E ’l resto lassar correr sin che ’l va, No so da dove el vegna e cosa el sia.