Note 403 — XXII. Cibi e banchetti nuziali.

Che bel piasì ch' l'è p'r mi Esse si tant bin vestì. Im ved propi a sté bin In grassia d'l spus Giuvanin. S'era bütame a t'rmolé, Quand la cüsinera l'è vnüme a ciapé; Ma, avend sentì che, p'r mia mercede, Am fasìu vnì a pusséde Tüta la bela cumpagnia D' sta spusiña tant'alegra e ardìa, Sübit sunt vultame in alegrìa. Oh! am pias pi esse an mes a ste spusiñe Ch'andè tüt 'l dì cun cule galiñe. An sissì i god üna perfeta tranquilità Suvra sta taula tan bin parià. Pitu l'é 'l me nom e sun ün nubilass, L'ai mai fait nen autr che mangié e andé a spass. Oh! l'ai propi sempre mangià e beivü alegrament A vnì fin adess che vöi fé me testament. Mi vöi pa fé cum a fan certi fasöi Ch'as fan d'tuiru fin an s'y öi, Pöi a fan nen testament p'r nen discürbì i so anbröi. 'L fatt me l'è franc e liber; d'nans e drè l'é tüt me. A j'é pa ün ch'a pössa ciameme i me dui dné. Andé dunque dal nudar; i vöi agiüsté bin i me afé, P'r ch'ai sia pöi nen da litighé. Sì a j'é i testimoni ch'a sun Simon Gervas e Peru Carlin Bastian Giüspin e Toni 'l gneru. Chiel, sur nudar, ch'a scriva vuluntré; che lu vöi cuntenté P'r l'ultima scritüra che i l'ai da fé. Lass i me oss a ün can bel gross. La mia carn la lass a la cüsiniera e quand a sìa bin agiüstà, A smijrà bin buña à tüta quanta la taulà. Tüta la mia piüma pi fiña Ch'a serva a fé la pajas'tta p'r büté ant cula cün'tta. E arivand la necessità, A sarà pöi già parià. Oh! adess a j'é 'ncura 'l nudar, Vöi pa passé da avar. I lass dal bech an sü e dal pnass an giù: E se a n'a pa pru, ch'as grata 'l cü.