Note 74 — Chapter III · The Great Potters—Palissy, Böttgher, Wedgwood.

Palissy’s own words are:—“Le bois m’ayant failli, je fus contraint brusler les estapes (étaies) qui soustenoyent les tailles de mon jardin, lesquelles estant bruslées, je fus constraint brusler les tables et plancher de la maison, afin de faire fondre la seconde composition. J’estois en une telle angoisse que je ne sçaurois dire: car j’estois tout tari et deseché à cause du labeur et de la chaleur du fourneau; il y avoit plus d’un mois que ma chemise n’avoit seiché sur moy, encores pour me consoler on se moquoit de moy, et mesme ceux qui me devoient secourir alloient crier par la ville que je faisois brusler le plancher: et par tel moyen l’on me faisoit perdre mon credit et m’estimoit-on estre fol. Les autres disoient que je cherchois à faire la fausse monnoye, qui estoit un mal qui me faisoit seicher sur les pieds; et m’en allois par les ruës tout baissé comme un homme honteux: . . . personne ne me secouroit: Mais au contraire ils se mocquoyent de moy, en disant: Il luy appartient bien de mourir de faim, par ce qu’il delaisse son mestier. Toutes ces nouvelles venoyent a mes aureilles quand je passois par la ruë.” ‘Œuvres Complètes de Palissy. Paris, 1844;’ De l’Art de Terre, p. 315.