Note 12 — PART III.—1842.
Reading edition
AD SIRMIONEM PENINSULAM
Peninsularum, Sirmio, insularumque
Ocelle, quascunque in liquentibus stagnis,
Marique vasto fert uterque Neptunus;
Quam te libenter, quamque lætus inviso,
Vix mî ipse credens Thyniam, atque Bithynos
Liquisse campos, et videre te in tuto.
O quid solutis est beatius curis
Cum mens onus reponit, ac peregrino
Labore fessi venimus larem ad nostrum,
Desideratoque acquiescimus lecto?
Hoc est quod unum est pro laboribus tantis.
Salve, O venusta Sirmio, atque hero gaude;
Gaudete, vosque Lariæ lacus undæ:
Ridete quidquid est domi cachinnorum.
The above translation, from the verses of Catullus, is by Mr. Leigh Hunt.