Note aa — BOOK X.
Reading edition
Pro doloribus quibuscunque sedandis præstantissimi semper usus Opium habetur; quamobrem meritò Nepenthe appellari solet, & remedium verè divinum existit. Et quidem satìs mirari vix possumus, quomodo urgente viscerit aut membri cujuspiam torturâ insigni, & intolerabili cruciatu, pharmacum hoc, incantamenti instar, levamen & ἀναλγησίαν subitam, immò interdum absque somno, aut saltem priùs quàm advenerit, concedit. Porrò adhuc magìs stupendum est, quod donec particulæ Opiaticæ operari, & potentiam suam narcoticam exerere continuant, immò etiam aliquamdiu postquam somnus finitur, summa aleviatio, & indolentia in parte affectâ persisti. Willis, Phar. rat. par. 1. S. 7. c. 1. §. 15.