Note s — BOOK X.

Plantaram Usus latissime patet, & in omni vita parte occurrit. Sine illis laute, sine illis commode non vivitur, at nec vivitur omnino: Quæcunque ad victum necessaria sunt, quæcunque ad delicias faciunt, e locupletissimo suo penu abunde subministrant. Quanto ex iis mensa innocentior, mundior, salubrior quam ex Animalium cæde & laniena? Homo certe natura Animal carnivorum non est; nullis ad prædam & rapinam armis instructum, non dentibus exertis & serratis, non unguibus aduncis. Manus ad fructus colligendos, dentes ad mandendas comparati. Non legimus ei ante Diluvium carnes ad esum concessas. At non victum tantum nobis suppeditant, sed & Vestitum, & Medicinam & Domicilia aliaque, ædificia, & Navigia, & Supellectilem, & Focum, & Oblectamenta Sensuum Animique: Ex his naribus odoramenta & sussumigiæ parantur. Horum flores inenarrabili colorum & Schematum varietate, & elegantia, oculos exhilarant, suavissima odorum quos expirant fragantia spiritus recreant. Horum fructus gule illecebra mensas secundas instruunt, & languentem appetitum excitant. Taceo virorem amiœnissimum oculis amicum, quem per prata paseua agros, sylvas spatiantibus objiciunt & umbras quas contra æstum & solis ardores præbent. Ray. ib. L. 1. c. 24. p. 46.