Note d — BOOK I.

In hoc Providentia ac Dispositor ille Mundi Deus, aera ventis exercendum dedit,——non ut nos classes partem freti occupaturas compleremus milite armato, &c. Dedit ille ventos ad custodiendam cœli terrarumq; temperiem, ad evocandas supprimendásq; aquas, ad alendos satorum atq; arborum fructus; quos ad maturitatem cum aliis causis adducit ipsa jactatio, attrahens cibum in summa, & ne torpeat, promovens. Dedit ventos ad ulteriora noscenda: fuisset enim imperitum animal, & fine magnâ experientiâ rerum Homo, si circumscriberetur natalis soli fine. Dedit ventos ut commoda cujusq; regionis fierent communia; non ut legiones equitemq; gestarent, nec ut perniciosa gentibus arma transveherent. Seneca, ibid.