Note 327 — APPENDIX.
Reading edition
Accedit et illud quod naturalis philosophia in iis ipsis viris, qui ei incubuerunt, vacantem et integrum hominem, præsertim his recentioribus temporibus, vix nacta sit; nisi forte quis monachi alicujus in cellula, aut nobilis in villula lucubrantis, exemplum adduxerit; sed facta est demum naturalis philosophia instar transitus cujusdam et pontisternii ad alia. Atque magna ista scientiarum mater ad officia ancillæ detrusa est; quæ medicinæ aut mathematicis operibus ministrat, et rursus quæ adolescentium immatura ingenia lavat et imbuat velut tinctura quadam prima, ut aliam postea felicius et commodius excipiant.