Note 1230 — [THE COMPLAYNT OF ALUREDE.[1225]

“He auentred hym to translate the sawtre into Englissh, but he translated vnneth the fyrste parte before his deth. Whan he come to age and wolde stable his herte and his thought in goddes heestes, and lechery of his flesshe greuyd hym and lette hym ofte tyme, therfore to putte awaye temptacyon of flesshely lykynge, he wente and vysyted ofte temples of hooly sayntes erly and late, and at cokkes crowynge, and prayed God that he wolde chastyse his flesshe with suche a sekenes that he shold not be vnprouffytable to wordly dedes, and that he myght the more frely serue God Almyghty. At Godde’s ordenaunce he hadde many yere the euyll called Fycus.” Polychronicon.