Note 39 — INTRODUCTION.

Je bien croi Que nus hons nes puet rassembler, S'il n'a avant oï conter Dou Graal la plus grant estoire[39], Sans doute qui est toute voire. A ce tens que je la retreis, Ô mon seigneur Gautier en peis, Qui de Montbelial esteit, Unques retreite esté n'aveit La grant estoire dou Graal, Par nul home qui fust mortal. Mais je fais bien à tous savoir Qui cest livre vourront avoir, Que se Diex me donne santé Et vie, bien ai volenté De ces parties assembler, Se en livre les puis trouver. Ausi, come d'une partie Lesse que je ne retrai mie, Ausi convenra-il conter La quinte et les quatre oblier.