Note 173 — Chapter IV · OF THE ANCIENT PLACES ON THE ROAD FROM ADALIA TO SHUGHUT, INCLUDING REMARKS ON THE COMPARATIVE GEOGRAPHY OF THE ADJACENT COUNTRY.
Reading edition
“A Cibyra per agros Sindensium exercitus ductus, transgressusque Caularem amnem, posuit castra. Postero die est præter Caralitin paludem agmen ductum; ad Mandropolim manserunt; inde progredientibus ad Lagon, proximam urbem metu incolæ fugerunt; inde ab Lysis fluminis fonte, postero die ad Cobulatum (ap. Polyb. Κολοβάτον) amnem progressi. Termessenses eo tempore Isiondensium arcem, urbe capta, oppugnabant.... Volenti consuli causa in Pamphyliam divertendi oblata est; adveniens obsidione Isiondenses exemit. Termesso pacem dedit, 50 talentis argenti acceptis: item Aspendiis cæterisque Pamphyliæ populis. Ex Pamphylia rediens ad fluvium Taurum primo die, postero ad Xylinen comen posuit castra. Profectus inde continentibus itineribus ad Cormasa (ap. Polyb. Κύρμασα) urbem pervenit. Darsa proxima urbs erat; eam ... desertam ... invenit. Progredienti præter paludes (ap. Polyb. τὴν λίμνην) legati ab Lysinoe dedentes urbem venerunt. Deinde in agrum Sagalassenum, uberem fertilemque omni genere frugum, ventum est. Colunt Pisidæ, longe optimi bello regionis hujus: quum ea res animos facit, tum agri fœcunditas, et multitudo hominum, et situs inter paucas munitæ urbis.... Progressus inde ad Obrimæ fontes, ad vicum, quem Aporidos comen vocant, posuit castra. Eo Seleucus ab Apamea postero die venit. Ægros inde et inutilia impedimenta quum Apameam dimisisset, ducibus itinerum ab Seleuco acceptis, profectus eo die in Metropolitanum campum, postero die Dinias Phrygiæ processit. Inde Synnada,” &c. Liv. l. 38. c. 15.