Note 628 — Chapter V
Reading edition
Cum enim direptis rebus cæteris, libri soli superstites ab hostium injuria intacti, in navim conjecti, ad Galliæ littus jam pervecti essent, incidit in vectores, et in ipsos familiares meos pestilentia. Quo metu ii permoti, quorum ad littora navis appulsa fuerat, onera in terram exponi non permisere. Ita asportati sunt in alienas et ignotas terras; exceptisque voluminibus paucis, quæ deportavi mecum huc proficiscens, mei reliqui illi tot labores quos impenderamus, Græcis præsertim codicibus conquirendis undique et colligendis, mei tanti sumptus meæ curæ, omnes iterum jam ad nihilum reciderunt. Sadolet. Epist. lib. i. p. 23. (Colon. 1554.)]