Note 345 — Chapter XXI
Reading edition
Subditi non privati, sed in magistratu inferiori constituti adversus superiorem magistratum se et rempublicam et ecclesiam seu veram religionem etiam armis defendere jure possunt, his positis conditionibus: 1. Cum superior magistratus degenerat in tyrannum; 2. Aut ad manifestam idololatriam atque blasphemias ipsos vel subditos alios vult cogere; 3. Cum ipsis atrox infertur injuria; 4. Si aliter incolumes fortunis vita et conscientia esse non possint; 5. Ne prætextu religionis aut justitiæ sua quærant; 6. Servata semper επιεικειᾳ et moderamine inculpatæ tutelæ juxta leges. Paræus in Epist. ad Roman, col. 1350.